Jeremaya 50:46 - Yennu Gbouŋ Mɔɔr

⁴⁶ Babilonn-i baa yoo nba, fuur saa fu bonchiann, ki tingbouŋ kur saa jek, ki niib wuyikinii saa gbat digbanlia ni.”

Jeremaya 50:46 Iomraidhean Croise

Aisaya 15:5

N par biire, Moab teeb paak. Niib na chiar ki saan Soar doo nie, nan Eglaf Selisiya. Siab tɔkin sɔnu nba saa Luhif nae, ki mɔ ŋaan saa, ki siab tiin saa Horonaim ki mɔ sanpaapowa.

Aisaya 5:7

Israel teebe tee Yabint Yennu daan tiinii kpaab; Juda teebe tee daan tiinii nba ki u bur. U daan a bin tun linba ŋane, ŋaan ki bi kpi niib. U daan a bin tun linba tooke, ŋaan binba ki bi mukisib na mɔ ki loon sommir.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.

Jeremaya 46:12

Digbana gbat i fei dinu powa, sɔɔ kur gbat ki i mɔ. Jayenɔ tuu gbiat u lɔɔe, ki bi banlee n kpab baa.

Jeremaya 49:19

Biaŋinba ki yanbɔr tuu nyi fɔɔr nba bɔɔk Jɔɔdann mɔkir ki do mɔpaauŋ ni na, nnae ki n saa baar ki te Edom teeb n kpir chiar ki nyi bi tiŋ ni. Ki tɔɔndaanɔ nba ki n saa gann na sii dia tiŋ na. Bi saa jii ŋmee ki bikinɔ nanimi? Ŋmee mɔk par ki saa yek nanimi? Kpanbar lanɔe saa fit kɔn nanimi?

Jeremaya 49:21

Edom-i baa yoo nba, fuur saa fu bonchiann, ki tingbouŋ na kur saa jek, ki bi wuyikinii saa fɔkit baar Mɔkmuŋ na.

Jeremaya 51:29

Tingbouŋ na jekire nan jaŋmaanii, kimaan Yennu tuun u lor nba ki u yaa wun kpant Babilonn kunkoouk nae, ki sɔɔ kan kar leŋi.

Jeremaya 51:54

Yennu yet a, “Gbiintir mɔnii nba be Babilonn, kpemɔnii nba jiin tiŋ na biiru po.

Esekiel 26:18

Mɔtana, Taya doo maŋ tee langbente, ki niib nba kɔɔ mɔk-kpinii na be nan yanputuk, ki jekir nan jaŋmaanii.

Esekiel 27:28

Ki yoo nba ŋaruŋ kpii na, ki kanteeb nba be ŋaruŋ maŋ ni ki di nyun na wuyikinii do kunkonn.

Esekiel 31:16

Mi-i taŋi te ki u sik kpeentiŋ yoo nba, u baak fuur saa jek tingbouŋ na niib. Ki Edenn tiinii kur, nan Lebanonn tiŋanii kur nba ki bi tuu maantir nyun, ki li ji be kpeentiŋ mɔtana na, li saa maŋib tiik na baak paak.

Esekiel 32:10

Linba ki n saa tun ki tura na saa jek digbana bonchiann. Li-i tee ki n ŋak n jukbanjiak na, kpanbara saa jek nan jaŋmaanii. Ki daar nba ki a saa baa na, bi kur sii jekir nan jaŋmaaniie, bi manfoa paak.”