Jeremaya 50:42 - Yennu Gbouŋ Mɔɔr

⁴² Bi jii bi tɔrbana nan bi takoobiiwa, ki tee nitont nba ki tiin ninbaauko. Bi fuur tee nan mɔkgbeŋir nyunpana fuur nae, yoo nba ki bi jak bi taanii. Bi teen siire a bin faa tɔb nan Babilonn.

Jeremaya 50:42 Iomraidhean Croise

Yaŋ 46:6

Yennu kunkɔr tant, ki tingbouŋ nann, ki jaŋmaanii soor niib na, ki digbana baa.

Yaŋ 74:20

Tiat mɔlor nba ki a lor nant na po, kimaan toonbiit yat gbee tingbouŋ na lɔtii kur powa.

Aisaya 14:6

binba tuu jii wutoor ki mukis niib, ki bia mukis digbana nba ki bi nyannib na.

Aisaya 47:1

Yennu din yet a, “Babilonn, fiit a naan gbant paak, ki sik tiŋ ni, ki kar tanbiinii ni. Sianyoo, a din tee nan sapaanmunn nae, ki tee nan doo nba ki bi ki nyannir na, ŋaan a ji ki ban be a yamani, mɔtana a tee yommike.

Aisaya 47:6

N wutoor din doo n niib paake, ki n diab nan bi ji ki tee n yab na, ki jiib teen a yiikoo ni, ki a ki timm ninbaauk. Ki nikpera na gbaa, ki a diab nan ninmɔnn.

Aisaya 5:28

Bi peenii porime, ki bi tɔrbana teen siir nan tɔnu. Bi taanii taawoka wakii nan tann nae, ki bi taantorit fiia lintir nan sajaperinn na.

Aisaya 5:30

Li daar-i baar, bi saa gaar jat Israel paak nan kunkɔsaakar nan mɔkgbeŋir fuur nae. Gotir tingbouŋ na. Bunbɔnn nan parbiir be li kur po. Bunbɔnn nak yentu nawa.

Jeremaya 30:14

I yɔɔsnba kur tamm i powa, bi ji ki fiin i po. N leki nan n tee dataak nae. I tubdatu na paar, kimaan i biit na yab bonchiann, i nɔɔntont na paak niiwa.

Jeremaya 47:3

Bi saa gbat taanii taawoka mɔnii, nan torit mɔnii, nan fiia birintu fuur. Baanba kan jiant bi waas po, bi nii sii sɔɔne.

Jeremaya 50:14

“Tɔrbantɔɔra, setir chunchuuntuk ki teen siir nan tɔb, ki ŋaa loon Babilonn maŋ. Ii tɔ Babilonn i peenii na kur, kimaan u tun biir min nba tee Yennu nawa.

Jeremaya 50:9

N saa fiin digbanpaara nba be gaŋ po ki te bin lek Babilonn. Bi saa set jatuk ki took digbann na ki nyannir. Bi tee waara nba mi waaruko, ki tɔ bi peenii ki li ki nɔrii baa bɔɔr siaminba.

Jeremaya 51:27

“Turin nyinn nba ki bi saa lek. Pebin naatunn ki digbana n gbat. Teent niib na tɔb siir ki took Babilonn. Pakin digbana nba tee Ararat nan Mini nan Askenas ki bin lek. Nyint jasaakɔɔ ki wun gar bi tɔɔnn. Baat nan taanii na, ki bii yab nan naasuut na.

Jeremaya 8:16

Ti datai poŋ ji be Dann doo niŋe, ki ti gbia bi taanii wuyikinii. Tiŋ na kur tuu jekire, yoo nba ki bi taanii mɔ. Ti datai baar a bin biir ti tiŋ, nan linba be leŋ kur, nan ti doo, nan li niib.”

Esekiel 26:3

“Kimaan yimm Taya teeb nba yin yaŋ na na, n mɔk kpaanii nba nae ki teeni: Mine tee Yabint Yennu. Mɔtana n ji tee i dataake. N saa te digbana n leki, nan nyunpana nba tuu liat mɔk-kpiŋ biaŋinba na.

Joel 2:5

Baa lin mobit kunkona na yura paak na, ki bi mɔ nan tɔb taantorit na; ki put nan mɔkoonii be muu ni na, ki be chunchuuntuk nan kunkɔnkɔnna bonchiann nba teen siir nan tɔb na.

Jeems 2:13

Binba ki tin bi leeb ninbaauk, Yennu saa bu bi buut ki kan tinib ninbaauku; ŋaan ninbatinue nyant tubdatu.

Fiitu 16:6

kimaan baa kpii a niib nan a sɔkiniinba nae, ki a jii sɔn ki turib a bin nyu. Ŋanne jaŋ namm.”