Jeremaya 50:33 - Yennu Gbouŋ Mɔɔr

³³ Yabint Yennu yet a, “Israel teeb nan Juda teeb be mukir nie. Binba nyannib ki soorib na guube fanu, ki kan chabib ki bin yaati.

Jeremaya 50:33 Iomraidhean Croise

Nyinu 5:2

Ki kpanbar na boib a, “Ŋmee tee Yennu? Bee ki n saa gbiint u maan ki te ki Israel teeb n nyi? N ki mi Yennu maŋ, li paak, n kan sak Israel teeb na n nyi.”

Nyinu 8:2

Li-i tee ki a yêt, n saa dat a doo na tubir, ki te pɔnta n gbee a tingbouŋ na.

Aisaya 14:17

Jɔɔ nba din biir doi ki te durinya kpant fɔɔr nae na-a? Jɔɔ nba din ki ŋaan u dansarii, ki bia ki te ki bi kun nae na-a?”

Aisaya 47:6

N wutoor din doo n niib paake, ki n diab nan bi ji ki tee n yab na, ki jiib teen a yiikoo ni, ki a ki timm ninbaauk. Ki nikpera na gbaa, ki a diab nan ninmɔnn.

Aisaya 51:23

N saa jiir ki tur binba dinti biak nae, binba te ki i dɔɔ sɔnjot ni, ki bi ŋmaat i paak nan i tee tante na.”

Aisaya 58:6

“Mɔlorbooru nba ki n loon tee nnae: Ii baat biak bant na, ki yɔkit mamɔmm kaarin yɔkit na, ki ŋaan binba di biak na n saan yann.

Jeremaya 30:20

N saa pant digbann na yiikoo nba ki bi din tuu mɔk na, ki ŋamm sennir fanu, ki dat binba dintib biak na tuba.

Jeremaya 50:7

Wunba lab kur tuu lekibe, ki bi datai yeen a, ‘Bi tun ki biir Yennu-e. Li paak, taa teemm linba na ki bi. Bi yeejamm din teen Yennu-e yada, ki bi mun bo sii waau nnae.’