Jeremaya 50:20 - Yennu Gbouŋ Mɔɔr

²⁰ Yoo maŋ-i baar, bisiat sii kaa Israel teeb na ni, ki yanbɔnsiar sii kaa Juda teeb ni, kimaan n saa nyik chab niib nba ki n tinn bi manfoa nawa. Min Yennu-e pak na.”

Jeremaya 50:20 Iomraidhean Croise

Yaŋ 103:12

Yondo po nan yonbaa po nba fɔk nan leer biaŋinba na, nnae mun Yennu tuu jii ti biit ki fɔkit nann ti boor.

Yaŋ 17:3

A mi n dudukit, faa baar n boor nyiɔk, a bikinin fanue ki ki la yanbɔndudukit n ni.

Yaŋ 85:3

A nyik ki ji ki dont wutoor nammi, ki soor a parbeenn na.

Aisaya 1:9

Yabint Yennu-i bonni kii foor siab, Jerusalem bo saa biire nan Sodom nan Gomora doi na.

Aisaya 10:21

Israel teeb waaminnae tan saa jen bi Yabint Yennu boor.

Aisaya 33:24

Wunba kur be ti tiŋ na ni kan ban yet a u yiar, ki bi biit kur saa la nyikinchab.

Aisaya 43:25

Ŋaan mine bia tee Yennu nba nyikin i biit ki chabiti; n tuun linba na, kimaan maa tee wunba na paake. N kan biiri, i biit paaki.

Aisaya 44:22

N wuur i biit ki li yaat nan sanpagbouŋ nba tuu gar biaŋinba nae. Jennin n boor man; mine tee wunba tinti.”

Jeremaya 31:34

Bi sɔɔ ki tee wun ji tumii u lɔɔ koo u ninja ki yaa, ‘Bant Yennu,’ kimaan bi kur tan sii min, laa nyii tarik ki saa tuu paarɔ. N saa nyik chab bi biit, ki kan ban tiar bi yanbɔntoona po. Min Yennu-e pak na.”

Jeremaya 33:15

Li yoo, n saa gann Defid yaaboonn nba tee popeendaanɔe ki dinnɔ naan. Kpanbar maŋ sii tuun linba ŋan ki bia tooke, tiŋ na kur po.

Jeremaya 33:8

N saa ŋammib, ki nyinnib bi biit nba ki bi din biirin na ni, ki saa nyik chab bi biit nan bi mɔyêtuk na.

Jeremaya 44:14

Juda niib nba kur biar ki saan Ijipt a bin kar na kan tin paak koo ki tinni. Nan bi yenɔkɔɔwa kan ŋmat Juda tiŋ ni, siaminba ki bi loon bin ŋamm kar na. Bi waaminnae saa foor ki tan ŋmat.”

Jeremaya 50:4

Yennu yeen a, “Yoo maŋ-i baar, Juda nan Israel niib kur sii mɔ ki baat, ki loon min nba tee bi Yennu na.

Fabinii 4:22

Yennu dat Sayɔnn teeb tubawa, u kan te ki ti ji tee yommii boorganu tiŋ ni; ŋaan yimm Edom teeb, Yennu saa dat i tubawa; u saa fiit i toonbiit na ki nyinnir paanu.

Esekiel 18:22

Ki u saa la nyikin chab, u toonbiit kur ni, ki u sii be u manfoor ni, kimaan waa tuun linba ŋan na paak.”

Maika 7:19

A saa ŋamm kii mɔk ninbatinu nant. A saa ŋmaa ti yanbɔmm na ki tut sikinir mɔkgbeŋir tiŋ po.

Sefania 3:12

N saa te ki niib nba mɔk sikin-n-mɔŋ nan soon nna binbeŋ na n tuu baar n boor ki lon sommir.

Sekaria 3:9

N yaa n bir tann nba mɔk lɔka ŋanlore-e Joosua tɔɔnn, ki sɔb sɔbinii li paak, ki daar yennkɔɔ nie ki n saa nyinn tiŋ na yanbɔmm.

Nikant 23:21

N laat ki ninbɔnsiar kan baar Israel maaru paak, ki bi kan di fara. Bi Yomdaanɔ Yennu be namm, ki bi mɔɔntir ki yaa ŋɔɔe tee bi kpanbar.

Toona 3:19

“Li paak, ii nyik biit tumu man, kii waa Yennu sɔnu, ki wun nyik chab i toonbiit,

Toona 3:26

Li paak ki Yennu gann u Toontunnɔ Masia maŋ ki tumɔ i boor sinsinn, a wun te ki i kur n nyik i biit tumu ki la piisin maŋ.”

Rom Teeb 11:6

Yennu-i gann niib, u ninbatinu paake ki u gannib, li ki tee bi toona paak kaa. Yennu-i bonni gani niib bi toona paakie, u ninbatinu na bo kii tee barmɔnii ninbatinu.

Rom Teeb 5:16

Bɔkitu be Yennu piinii nan niyenɔkɔɔ Adam toonbiiuk sinsuuk ni; kimaan niyenɔkɔɔ Adam toonbiiuk maŋ poorpo, ki Yennu din bu u buut, ki yet a u toonbiiuk maŋ ŋan nan tubdatu; ŋaan ŋɔɔ Yiisa Masia piinii nba ki u pit yann na tee nyikinchabe, toonbichiɔŋ poorpo.

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, kii tee nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

2 Piita 3:15

Ti Yomdaanɔ nba di sukuru ki daa ki jen na, u loon ki yin bann nan u teen niibe yaak a bin tinna ki wun jen. Ti naa bilonkak Pɔɔl mun daan sɔb gbounsiɔk ki turi ki beti linba nawa, nan Yennu nba turɔ yan ki u be biaŋinba na.