Jeremaya 5:3 - Yennu Gbouŋ Mɔɔr

³ Yennu, a ninbina ki gorii ki loon mamɔmm kaa-a? A faabe, ŋaan ki li ki toŋib. A butibe, ŋaan ki bi yêt ŋmakitir. Bi chee bi parae, ki li wakii gar tann, ki yêt bin nyik bi toonbiit.

Jeremaya 5:3 Iomraidhean Croise

Pinpiik 19:34

Laa yent sanyiɔk, ki saakɔɔ na yet u waarɔ a, “N won dɔɔ nanɔ wonna. Ŋaant ti yaan yibinɔ ki fan mun dɔɔ nanɔ, ki ti kura n mar ti baa waas.”

1 Kpanbara 13:33

Israel kpanbar Jeroboam lek din ki nyik u biit tumu, ŋaan ŋamm tukin ki gani mannteeb ki nyi namm binba ki tee mannteeb ŋei ni, ki te ki bi mann maruŋ, binbinta nba ki u maa na boor. Wunba kur loon wun teen manntɔɔ, u din tuu gannɔe ki teenɔ manntɔɔ.

2 Kpanbara 1:13

Ki kpanbar na bia ŋamm tun tɔɔndaanɔ nan u jab piinŋmu. Ki tɔɔndaanɔ na doo jɔkunkonn na paak, ki saa gbaan duna paak Elaija tɔɔnn, ŋaan fabin nan Elaija a, “Yennu nirɔ, ii mɔk ninbatinu min nan n jab na paak. A tinn ti manfoa.

2 Barkperii 16:9

Yennu-e laat durinya na niib kur, ki teen binba para be nanɔ fanu na paŋ. I tun jatiiwa, li paak, laa nyii mɔtana ki saa, i sii tun be tɔb nie.”

2 Barkperii 28:22

Yoo nba ki kpanbar Ahas daamii din pukin na, ŋaan u lek din ŋamii tuun biite ki teen Yennu.

Yaŋ 51:6

A kpaan mamɔmm nan barmɔniie nisaarik ni. Kɔɔnt a bannu n dudukit ni.

Yaŋ 51:8

Ŋaant ki man gbat parpeenn nan parmaasir fuur, faa lek kɔnn n kpabawa na, ŋaan n bia sii mɔk parpeenn.

Yaŋ 55:20

N yɔkperik lek u yɔɔsnba, ki biir mɔlor nba ki u lor namm na.

Barjokit 21:29

Popeenn damm na ŋarin mi bi mɔŋ po, ŋaan toonbiit damm nae tuu kpann niib nan bi ŋan.

Barjokit 22:12

Yennu saa yêt faak damm mɔbona na, ki barmɔnii n la nyannu.

Barjokit 23:35

A saa yet a, “Bi faan, ŋaan n ki la daŋ; ki bi boon, ŋaan ki li ki toŋin. Nlee yooe ki n saa yeriki-i? N saa ŋamm boi daan poe.” -- 19 --

Barjokit 27:22

Fi-i lekii boo jatuk ki tan tenn u kuun darik darik nna, ŋaan a kan fit nyinn jatii nba be u ni na.

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Aisaya 42:25

Ŋanne te ki u wutoor gbatit, ki ti di tɔb wahala. U wutoor di Israel kur po nan muu nae, ŋaan ti din ki bann linba tuun ki tumii siar li ni.

Aisaya 48:4

N mi nan i tan sii tee tubkangbatae ki sii wakii nan kut na, ki bia kaa naatuu nan kutmɔnt na.

Aisaya 9:13

Israel teeb ki nyik bi toonbiiti; Yabint Yennu nba lek dat bi tuba na, ŋaan bi ki jen u boori.

Jeremaya 15:7

Tiŋ na doo kur ni, n lui nan mɔɔt nae ki tur wouŋ. N biir yimm n niibe ki kpii i waas, kimaan yaa ki nyik i yanbɔntoona na paak.

Jeremaya 17:23

Bi yeejamm din ki gbiint ki turin, ki bi baka bia din kaa n po. Bi din teen tubkangbatae, ki ki sak n mɔb, koo ki tumii siar n boori.

Jeremaya 19:15

nan Yabint Daanɔ nba tee Israel teeb Yennu na yet a, “N yaa man baar nan tubdatu nba ki n yet nae doo na paak, nan doi nba kpia kur paak, kimaan i tee tubkangbatae ki ki saak gbiintir linba ki n piaki.”

Jeremaya 2:30

N dat i tuba, ŋaan li ki ŋamm siari. I ki sak man ŋmakiti. I tee nan yanbɔr waatik nae, ki kpii n sɔkiniinba kur.

Jeremaya 3:3

Ŋanne teen ki n gɔɔr saak, ki bia nyar nyuntona. A kpan gorii nan bonchonchonn nae, ki ki tiin fei.

Jeremaya 32:19

A lorin yan lora ki tuun toonjaana, ki laat linba kur ki niib tuun, ki pab ki li jaŋit nan bi toona.

Jeremaya 44:10

Ŋaan i ki sikin i mɔŋ nan dinna. I ki turin baakir, koo ki wei sennii nba kur ki n tur yimm nan i yeejamm na.

Jeremaya 7:26

Ŋaan sɔɔ ki gbiint, koo ki kɔɔn u baka li ni. I ŋamm teen tubkangbata nan mɔyêtuk damm ki gar i yeejamma.

Jeremaya 7:28

A saa pakib nan bi digbann na ki sak min nba tee bi Yomdaanɔ Yennu na mɔbi, koo ki tumii yan bi tubdatu ni. Mamɔmm kpowa. Sɔɔ poŋ ji ki piak li po.

Jeremaya 8:5

N niib, ki bee ki i yaat n boor ki ji ki jenti? I dia i patae, ki yêt yin jen n boor.

Esekiel 2:4

Bi tee tubkangbatae, ki ki gbia maan paak, ŋaan min Yabint Yennu-e ganna ki tuuma bi boor, maa a yetib n maan na.

Esekiel 24:13

ŋaan Jerusalem mantik gbee nan bonchonchonsin nan toonbiit nba ki n kan fit wuur ki ŋammɔe. Li saa biar ki be jakint nie, nan maa tan saa te n wutoor n baar i paak.

Daniel 9:13

Nan biaŋinba ki li sɔb Moses sennu gbouŋ ni na, biiru na kur baarita, ŋaan ti lek ki bikii a tin penn fin ti Yomdaanɔ Yennu par ki nyik ti yanbɔmm, ŋaan gbiint a barmɔnii na.

Liifai teeb 26:23

“Ki li-i tee tubdatu na kur baari, ŋaan ki i yêtin, ki ki gbiint ki wei n sennu,

Amos 4:10

“Ki n te yiaryoonn soori, ki tee nan maa din te linba soor Ijipt teeb na, ki te ki bi kpii i naasimm tɔbii ni, ki jii i taanii ki yaat namm, ki te nikpeena nba be i kaaŋ ni na pɔɔk ki nubiri, ŋaan ki i lek ki jen min Yennu boori.

Amos 4:11

“Ki n biir i yenn nba nan maa din biir Sodom nan Gomora teeb biaŋinba na. Ki i siab nba biar ki be i manfoor ni na tee nan datar na, ŋaan ki i lek ki jen n boor. Min Yennu-e pak na.

Amos 4:6

“Mine tee daanɔ nba te ki kon baa i doi ni, ŋaan ki i lek ki jen min Yennu boori.

Amos 4:8

ki te nyunnyukuru so niib, ki bi lin lɔɔn digbana, ki loon nyun, ŋaan ki li ki jaŋitib. Ŋaan ki i bia lek ki jen min Yennu boor.

Amos 4:9

“Ki n te waruk da ki koor i bonbuburit, ki te naasuut ŋman i kpaant nan i daan tilontii kur, nan i tilontlia, nan kpan tilontii, ŋaan ki i lek ki jen min Yennu boori.

Sefania 3:7

N daan dukin nan n niib na saa turin jirimae, ki gaar n kpaanii, ki kan tamm maa dat bi tuba biaŋinba na. Ŋaan li daa ki yuur kaawa, ki bi yaan piin bi binbenbiik na.”

Rom Teeb 2:2

Ti mi nan Yennu tan saa bu binba tuun nna na buuta; ki u buut maŋ tee barmɔniie.

Hiibru teeb 12:9

Ti baanba nba be tingbouŋ na ni daar ti tubae, ki ti teemm baakir. Li paak, li ŋan ki ti mantik sikin ti mɔŋ ki tur ti baa Yennu nba be Yendɔuŋ ni na, ki la manfoor.