Jeremaya 5:24 - Yennu Gbouŋ Mɔɔr

²⁴ Bi ki yeen bi mɔŋ a, ‘Ŋaant ki tii tiin ti Yomdaanɔ Yennu, wunba teen naalɔuŋ, nan sakosaak li saka yoo, ki teent jaauŋ saama na.’

Jeremaya 5:24 Iomraidhean Croise

Pinpiik 8:22

Nan durinya nba sii be na, burint yoo sii be, ki jaanu yoo be, ki waat yoo sii be, ki naauk yoo sii be, ki siɔk nan piar sii be, ki yonnu ni nan nyiɔk sii be.”

1 Kpanbara 17:1

Yennu sɔkinii nba sann tee Elaija, ki u nyii Tisbe, Gilead yent ni na, din pak kpanbar Ahab a, “Israel teeb Yomdaanɔ Yennu nba fo, ki n jiantirɔ na sann ni, n piaka nan marin koo saak kan baa bina ŋanlee koo ŋantaa, nan maa tan saa yet ki saak n baa.”

JOB labaar 29:23

Ki n mɔbona na maant bi para nan biaŋinba ki kpaara tuu la saak kpafuur yoo, ki bi para mei na.

JOB labaar 38:37

Ŋmee mantik sub ki saa fit kan sanpagbanti, ki labirir ki bin te saak n baa?

JOB labaar 5:10

U te saak baa tiŋ na paak, ki bia maant kpaant nyun.

Yaŋ 147:8

Ŋɔɔe te sanpagbant baak sanpaapo; ŋɔɔe te saak baa tingbouŋ na paak, ki te mɔɔt pia kunkona paak.

Yaŋ 65:9

A baka be tiŋ na paak, ki te saak baa, ki bia te ki li mɔk koorin, ki kpai. Ki a gbeen bi kpennii nyun, ki te ki tiŋ na naan jeet. Faa tun biaŋinbae na:

Aisaya 64:7

Sɔɔ ki baat a boor miaru ni, sɔɔ ki baat a boor ki loon sommiri. A bɔre, ki ti ki laata, ki nyɔr nyikit kimaan ti biit paak.

Jeremaya 10:13

U tur mɔbe, ki nyun nba be sanpagbouŋ liik po na fu. Ŋɔɔe te ki sanpagbant nyi siar kur po ki lakii. Ŋɔɔe te ki sanyikintii nyikintir, ki wonpaaruk nyi u boore ki da.

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Jeremaya 2:19

A tiɔŋ toonbiite saa dat a tubir; faa nyikin na, ŋanne saa biira. A saa bann laa ton ki bi biaŋinba nan fan nyik min a Yomdaanɔ Yennu, ki ji ki waa n sɔnii na. Min Yabint Yennu-e pak na.”

Jeremaya 3:3

Ŋanne teen ki n gɔɔr saak, ki bia nyar nyuntona. A kpan gorii nan bonchonchonn nae, ki ki tiin fei.

Jeremaya 5:22

n tee Yennu-e. I kan tinin jaŋmaanii-i? I bo kii baantir kaa n boori-i? Mine nan tanbiiuŋ ki li kɔr mɔkgbeŋir, ki tee kɔru nba ki li kan ban yakir li paak yaayoo siiyoo. Nyunpana sii labin ki mɔk fuut, ŋaan kan fit do li paak.

Jeremaya 50:5

Bi saa boi Sayɔnn sɔnu po, ki tɔkin li po. Bi saa lor mɔlor kangbennuk nanin, ki kan ban biir mɔlor maŋ.

Hosea 3:5

Ŋaan yoo baat ki Israel teeb tan saa tunn jen bi Yomdaanɔ Yennu nan kpanbar Defid yaaboonn na boor, ki bi sii jiantir Yennu, ki gaar u piinŋanii.

Hosea 6:1

Ki niib na piak a, “Ŋaant ki tin ŋmat Yennu boor. U turit daŋa, ŋaan u saa tebita. U turit narawa, ŋaan u saa wuur turita.

Joel 2:23

“Sayɔnn teeb, ii mɔk parpeenn man; ii kpamm man linba ki i Yomdaanɔ Yennu tun ki turi na paak. U te kpafusaak baa ki li jaŋiti, ki te saak baa sabouŋ, ki bia baa sakoouk nan waa tuu baa biaŋinba na.

Amos 4:7

Mine soor saak ki u ki baa, yoo nba ki i bonbuburit mantik loonɔ na, ki te saak baa digban-yenn ni, ŋaan ki ki baa leer ni, ki te saak baa kpayomm ni, ŋaan ki kpaleeb koon,

Sekaria 10:1

Boin Yennu kpafuur yoo ki wun tur saak. Ŋɔɔe tee wunba teen sayuŋ nan saak, ki te bonbuburit ŋan ki tur sɔɔ kur.

Matiu 5:45

Ŋanne saa te ki i set tee i Baa Yennu nba be sanpaapo na waas, kimaan ŋɔɔe te ki yonnu do nibiit nan niŋamm paak, ki bia te saak baa nibiit nan niŋamm doi ni.

Toona 14:17

ŋaan yoo kur u tuun bonŋana, ki li set want nan u be; ki u te ki saak nyi sanpaapo ki baa ki teeni, ki bia teeni dii dijaan-yoo, ki gboonti jeet, ki i laat parpeenn.”

Sennu 28:12

U sii teeni saak siɔk kur, ki lin nyi u sanpagbounkpiasir nba mɔk nyun na ni, ki teen piisin i toona kur paak. Ki i saa fit kpent jeet ki tur digbana bonchiann. Ŋaan yimm kii loon siar sɔɔ boori.

Jeems 5:7

N naa waas, ii mɔk sukuru man, kii guu ti Yomdaanɔ baaru daar maŋ. Gotir man kpaarɔ nba tuu mɔk sukuru, ki guu kpafusaak mɔkmɔk nan sajoontik ki u jeet n ji tan nan bonŋann na.

Fiitu 11:6

Bi bia mɔk yiikoo ki saa soor saak, ki saak kan baa yoo nba ki bi mɔɔntir Yennu maan na, ki bia mɔk yiikoo ki saa te ki nyun n kpant sɔn, ki bia saa fit te ki biak bonchiann n baar tingbouŋ na ni, yoo nba kur ki bi loon.