Jeremaya 5:22 - Yennu Gbouŋ Mɔɔr

²² n tee Yennu-e. I kan tinin jaŋmaanii-i? I bo kii baantir kaa n boori-i? Mine nan tanbiiuŋ ki li kɔr mɔkgbeŋir, ki tee kɔru nba ki li kan ban yakir li paak yaayoo siiyoo. Nyunpana sii labin ki mɔk fuut, ŋaan kan fit do li paak.

Jeremaya 5:22 Iomraidhean Croise

Pinpiik 1:9

Ki Yennu yet a, “Ŋaant nyun nba be sanpagbouŋ lɔuŋ ni na n taan kii be yennkɔɔ boor, ki ŋaan ki tinkooŋ n dɔɔr.” Ki li din teen nna.

1 Kpanbara 13:28

Yanbɔr na din ki ŋman Yennu sɔkinii na gbanant, koo ki soor boŋ na.

JOB labaar 26:10

Ŋɔɔe te ki sanpaak nan mɔkgbeŋir chet leer, ki bia bɔkit yentu ki nyinnir bunbɔnn ni.

JOB labaar 37:24

Li paak ki niib kur baakitɔ, u baka kaa binba dukii nan bi tee yandamm na po.

JOB labaar 38:8

Ŋmee gɔɔr mɔkgbeŋa na nyun, yoo nba ki li put nyii tinpɔɔr ni na?

Yaŋ 104:9

Ki a kɔr kɔru nba ki li kan ban yakir, a lin guurir, ki li ji daa piint tingbouŋ na.

Yaŋ 119:120

A paake ki n tiin jaŋmaanii, n gbee nan yanputuko kimaan a sennii na paak.

Yaŋ 33:7

ki u taan mɔkgbeŋa kur bɔyenn kɔɔ boor, ki taan mɔkgbeŋa nba sumii maŋ, ki li dɔɔ yomm.

Yaŋ 46:3

li-i lekii tee mɔkgbeŋa na damm, ki mɔk fuur, ki li jek kunkona, ŋaan ti kii tiin jaŋmaanii.

Yaŋ 99:1

Yennu-e tee kpanbar; ŋaant nisaarii gbanant n jek. U kar bonninnant paak, ŋaant tingbouŋ na n damm.

Barjokit 8:29

nan yoo nba ki u yet nyun nba be mɔkgbeŋir ni na a lii mi ki lin do gar waa wann biaŋinba na. N din be yoo nba ki u bir tingbouŋ na fiakir.

Aisaya 50:2

“Bee ki n niib yêt bin gbiint, yoo nba ki n baar bi boor maa n tinnib na? Bee ki bi yêt gatu, yoo nba ki n yiinib na? N ki mɔk paŋ nba saa tinnibe-e? N saa fit yet maan ki mɔkgbeŋir n fɔɔr, ki mɔka n kpant kunkoot, ki li janii na n kpo nyunkon.

Aisaya 64:2

Bi bo sii jekir nan nyun nba tuu yaak muu paak ki daan nae. Baat ki tan fiit a yiikoo ki wann a datai, ki te digbana n jekir a numm ni.

Aisaya 66:5

Gbiintir linba ki Yennu piak, yimm nba tiinɔ ki bia saak u mɔb na a: “Yaa saak n mɔb na paak, ki i nisiab nami, ki ki mɔk siara lor nani. Bi laai ki yeen a, ‘Ŋaant ki Yennu n wann u paŋ ki tinni, ki tin la kii kpamm,’ ŋaan bi mɔŋe saa di fei.

Jeremaya 10:7

Ŋmee kan tur fin nba tee digbana kur kpanbar na baakiri? A jaŋ nan niib n tura baakira. Subindamm ni nan kpanbara ni, sɔɔ ki be ki tee nan fin na.

Jeremaya 2:19

A tiɔŋ toonbiite saa dat a tubir; faa nyikin na, ŋanne saa biira. A saa bann laa ton ki bi biaŋinba nan fan nyik min a Yomdaanɔ Yennu, ki ji ki waa n sɔnii na. Min Yabint Yennu-e pak na.”

Jeremaya 31:35

Yennu-e tur yonnu ki li teent yentu daar ni, ki turit ŋmaarik nan ŋmaabira ki li teen yentu nyiɔk. Ŋɔɔe tuu kut mɔkir ki te ki li fu, u sanne Yabint Yennu.

Daniel 6:26

N senn sennu nan wunba kur be n naan yent ni, wun tin jaŋmaanii ki bia baakit Daniel Yennu na. U tee Yennu nba foe, ki be mɔkmɔk nan mɔkmɔk. U naangbouŋ kan ban biiri, ki u yiikoo kaa gbennu.

Amos 4:12

Yimm Israel teeb, li paak, ki n yaa n dat i tuba. Ki maa yaa n dat i tuba na, teent siir ki min Yennu n bu i buut.”

Amos 9:6

Yennu maa u ŋaak yendɔuŋ ni, ki senn li fiakir tingbouŋ na paak. U tuu yiin nyume ki lin nyi mɔkgbeŋa ni, ki koon tingbouŋ na paak. U sanne Yennu.

Jona 1:16

Linba na din te ki ŋarinkanna na tin Yennu jaŋmaanii bonchiann, ki bi mann maruŋ tur Yennu, ŋaan senn mɔsonn nan bi sii jiantirɔ.

Nahum 1:4

U yeen mɔkgbeŋir ki li fɔɔt, ki te mɔka fɔɔt, ki te Basann tiŋ koot, ki te Kamel kunkonn mɔɔt koot, ki bia te Lebanonn tiŋ ni tipuuk suur.

Matiu 10:28

I daa tiin binba saa fit kpi i gbanant, ŋaan kan fit kpi i sei; ii tiin man Yennu, wunba saa fit biir i gbanant nan i sei kura muu ni na.

Barŋanii nba ki MAK din sɔb nae na 4:39

Ki u fiir set ki tian wonpaaruk na paak, ki bia bet nyunpana na mun a “Dɔɔt soon nna.” Ki wonpaaruk maŋ nyik, ki nyun na mun ji dɔɔ ki muu dik dik.

Barŋanii nba ki LUK din sɔb nae na 12:5

N yaa n wanni wunba ki i sii tiinɔe. Tinin Yennu, wunba saa fit kpi ki bia mɔk yiikoo nba saa lui muu nba kan mi kpeen na ni. N beerie, tinin ŋɔɔe man.”

Sennu 28:58

“Li-i tee ki i ki wei Yennu sennu nba sɔb gbouŋ na niŋ fanu, ki bia ki baakit i Yomdaanɔ Yennu bakitnauŋ sanjaann na,

Fiitu 15:4

Ti Yomdaanɔ, ŋmee be ki kan tina ki bia kan dont a sanni? Kimaan fin kɔɔe tee popeendaanɔ. Nibooru kur tan saa baar ki jianta, kimaan a barmɔnii toona nyii paanuwa.”