Jeremaya 5:10 - Yennu Gbouŋ Mɔɔr

¹⁰ Saant bi daan tiinii kpaant ni ki biirib, ŋaan i daa biirib chainchain. Ii chɔɔ yiinii maŋ, kimaan bi ki tee min Yennu yab kaa.

Jeremaya 5:10 Iomraidhean Croise

2 Barkperii 12:4

ki fat digbanjaana nba be Juda, nan digbanlia nba saan tuu Jerusalem na.

2 Barkperii 36:17

Li paak, Yennu din te Babilonn kpanbar lekib. Babilonn teeb din kpii Juda naasinpaauŋ, jiantu ŋasaakak na ni. U din ki mɔk ninbatinu nan bi sɔɔ, li nipaauŋ, koo nikpera, koo jɔɔ, koo poo, koo baatɔɔ, koo wunba mɔk laafia. Yennu din jii Juda teeb kur ki kubin Nebukanesar nuu ni.

Jeremaya 2:21

N burae, ki a tee nan daan tiik nba ŋan, ki nyii bin nba ŋan ni na, ŋaan gotir faa ji tan tee biaŋinba na. A ji tee daan tiik nba loon lɔɔnbiite.

Jeremaya 25:9

‘N saa tun yiin gaŋ po niib na kur, nan n toontunnɔ Nebukanesar, wunba tee Babilonn kpanbar na. N saa baar namm, ki bin kɔn nan Juda nan li niib, nan digbana nba kur kpiar. N saa biir digbann na, nan digbana nba kpiar kur, ki teenir langbent yaayoo siiyoo, ki leŋ sii tee jaŋmaansooruk boor. Min Yennu-e pak na.

Jeremaya 30:11

N saa baar i boor ki tan tinni. N saa biir digbana nba ki n yati ki saan nani na, ŋaan n kan biir yimmi. N saa dat i tubawa, ŋaan n saa dat i tuba nan lomme. Min Yennu-e pak na.”

Jeremaya 39:8

Ki sɔɔ ki Babilonia jab na joo naan ŋaak nan niib na ŋei muu, ki bia bet Jerusalem joonjota.

Jeremaya 4:27

Yennu poŋ pak nan tingbouŋ na kur saa kpant tanbiiuŋo, ŋaan u kan biirir fasi.

Jeremaya 46:28

N saa baar i boor ki tan tinni. N saa biir digbana nba kur ki n yati ki i saan leŋ na, ŋaan n kan biir i mɔŋi. N saa dat i tubawa, ŋaan mi-i daar yoo nba, n sii daar nan lommo. Min Yennu-e pak na.”

Jeremaya 5:11

Israel teeb nan Juda teeb maŋ ki waan nan waama. Min Yennu-e pak na.”

Jeremaya 5:18

Yennu yet a, “Daa maŋ ni, n kan biiri fas fasi.

Jeremaya 5:9

N kan dat bi tuba linba na paaki-i? Koo ki daa dont wutoor nibooru nba na paaki-i?

Esekiel 12:16

N saa te ki bi waaminnae n nyi tɔbii ni, nan kon ni, nan yiarii ni. Baa sii be digbangana maŋ ni, bi saa bann nan bi toonbilankant nae te ki bi be leŋ, ki bia bann nan mine tee Yennu.”

Esekiel 14:17

Koo mi-i te datai faa digbann maŋ tɔb, ki kɔɔ nan kunkɔntiat ki kpii li niib nan bonkobit kuri,

Hosea 1:9

Ki Yennu yet Hosea a, “Purin u sann Lo-Ami, kimaan Israel teeb ki tee n niib, ki n mun ki tee bi Yennu.”

Amos 9:8

Min Yabint Yennu gorii Israel nigbouŋ nba tee toonbiit damm nae, ki saa boontib tingbouŋ na paak, ŋaan n kan boont bi maaru kuri.

Matiu 22:7

Ŋanne ki bat na wutoor doo bonchiann; ki u tun u kunkɔnkɔnna, ki bi saan ki saa kpii nikpiira maŋ, ŋaan joo bi doo muu.