Jeremaya 49:39 - Yennu Gbouŋ Mɔɔr

³⁹ Ŋaan li poor po, n saa te ki Elam teeb na n mɔkit. Min Yennu-e pak na.”

Jeremaya 49:39 Iomraidhean Croise

JOB labaar 42:10

Tɔn, Job nba miar Yennu, u yɔɔsnba bantaa na paak na poor poe, ki Yennu te ki u ŋamm mɔkit, ki li mɔkint yab gar waa din mɔk biaŋinba na taar munlee.

Aisaya 2:2

Daa baate ki kunkonn nba ki Yenjiantu ŋasaakak tɔɔ li paak na tan sii fɔk gar kunkona kur, ki be sanpaapo ki gar jɔjaana kur. Digbana bonchiann saa tut baar leŋ.

Jeremaya 12:15

Ŋaan mi-i yaat namm, li poor po, n saa tinib ninbaauk. N saa jen nan nibooru kur bi tiɔŋ tiŋ ni, nan bi tiɔŋ digbann ni.

Jeremaya 48:47

Ŋaan yoo nba waa na, Yennu saa ŋamm donn Moab teeb. Linba na kure ki Yennu yet a li saa tun ki tur Moab teeb.

Jeremaya 49:38

N saa biir bi kpanbara nan bi tɔɔndamm, ŋaan senn n naan kok leŋ.

Jeremaya 49:6

“Ŋaan li poor po n saa te ki Amonn teeb na n mɔkit. Min Yennu-e pak na.”

Esekiel 29:14

Ki n saa te bin kɔɔ Ijipt niidiitu po, tiŋ nba tee bi dandoo na ni. Ki bi sii be leŋ, kii tee digbann nba ki paari.

Esekiel 38:16

Ki a saa lek n niib Israel teeb, nan wonpaaruk nba tuu da gaar na. Li-i tee ki li yoo baari, n tan saa tumi yin saan lek n tiŋ na niib, ki te ki lin wann digbana na niib maa tee wunba, ki bia wann n kasii binbeŋ nba tee, ki lin nyi maa yaa man tun linba ki turi na ni.

Esekiel 39:25

Ki Yabint Yennu ŋamm yet a, “Mɔtana, n ji sii mɔk ninbatinu nan Jakɔb maaru nba tee Israel teeb, ki n saa te bin ŋamm mɔkit. Ki n saa guur n kasii sann na.

Daniel 10:14

N baar man wanna linba tan saa baar a niib paak wonn poe. Yirintu maŋ jiin linba tan saa tun wonn poe.”

Daniel 2:28

ŋaan Yennu nba be Yendɔuŋ ni na, ŋɔɔe fiitir woonin ni maan. Chanbaa, ŋɔɔe wanna linba tan saa tun. Mɔtana, n saa wanna bona nba ki a la damiit ni na paaka.

Hosea 3:5

Ŋaan yoo baat ki Israel teeb tan saa tunn jen bi Yomdaanɔ Yennu nan kpanbar Defid yaaboonn na boor, ki bi sii jiantir Yennu, ki gaar u piinŋanii.

Amos 9:14

N saa jii n niib ki jen namm bi tiŋ ni, ki bi saa fiin bi langbent ki kɔɔ li ni, ki saa bur daan tilontii, kii nyu li daan, ki ko kpaant ki di jeet nba ki bi bur na.

Maika 4:1

Daar baate, ki kunkonn nba ki Yenjiantu ŋasaakak see li paak na tan sii yab ki bia fɔk ki gar kunkona kur. Ki digbana bonchiann niib tan sii baat li boor.