Jeremaya 48:25 - Yennu Gbouŋ Mɔɔr

²⁵ Bi biir Moab tiŋ paŋ nan u yiikoo nawa. Min Yennu-e pak na.”

Jeremaya 48:25 Iomraidhean Croise

JOB labaar 22:9

Li ki tee a yêt fan somm pakɔi kuukɔɔ kaa, ŋaan a bia fat kpeebii bona ki ŋmaŋitib.

Yaŋ 10:15

A biir biit damm nan nɔɔntont damm paŋ na, datir bi tuba, baa tun biit na paak, halii nan baa tan saa nyik biit tumu.

Yaŋ 37:17

Kimaan Yennu saa nyinn nɔɔnbiit damm paŋa, ŋaan somm binba tuun toonŋana.

Yaŋ 75:10

U saa pot nɔɔnbiit damm paŋ, ŋaan pukin kasii damm yar.

Fabinii 2:3

U be wutoor ni, ki biir Israel teeb paŋ buri buri. U yêt wun sommit yoo nba ki ti datai baar na, ki fiir ti paak nan muu na, ki boont bona kur.

Daniel 7:8

Maa gorii yina na yoo nbae, ki n la yinbik, ki li put leeb na sinsuuk ni, ki do, ki yinbik maŋ gbiat yina ŋantaa, yina piik na ni, ki bia mɔk ninbina ki li tee nan nisaarik yar na, ki mɔk mɔb ki piak karinbaanmaan.

Daniel 8:21

Ki bujak na see Griis kpanbar taar ni, ki yingbeŋir nba put u ninbina ŋanlee sinsuuk ni na tee sinsinn kpanbar.

Sekaria 2:1

Yirintleer ni, ki n la jɔɔ, ki u dia ŋmibikinkar u nuu ni.

Nikant 32:37

Ki Rubenn booru mun ŋamm maa Hesbonn nan Eleale nan Kiriataim,