Jeremaya 48:15 - Yennu Gbouŋ Mɔɔr

¹⁵ Moab nan li doi kur biira; bi kpii Moab naasinpaara na kura. Min nba tee Kpanbar, ki tee Yabint Yennu-e pak na.

Jeremaya 48:15 Iomraidhean Croise

Yaŋ 47:2

Ŋaant ki tin chɔrin yabint daanɔ Yennu nba gar sɔɔ kur na, ŋɔɔe tee kpanbar jaann nba dia tingbouŋ munn.

Jeremaya 46:18

Min Yabint Yennu-e tee kpanbar. Mine tee Yennu nba fo na. Tabor kunkonn nba fɔk ki gar kunkonn kur, ki Kamel kunkonn nba kpia mɔkgbeŋir ki fɔk biaŋinba na, nnae ki wunba saa leka na paŋ sii tee.

Jeremaya 48:4

“Bi biir Moab-a, gbiintir waas nba mɔ.

Jeremaya 50:27

Ii kpi bi jab na kur. Ii kpib fas. Babilonn teeb boonta. Yoo baar nan bin gaar tubdatuwa.”

Jeremaya 50:34

Ŋaan wunba saa fatib na mɔk paŋ. U sanne tee Yabint Yennu. Ŋɔɔ tiɔŋo saa gaar bi paak, ki baar nan parmaasir tingbouŋ na paak, ŋaan bia baar nan biak Babilonn teeb paak.”

Jeremaya 51:40

N saa te bin kɔtib, nan baa tuu kɔt pei nan buunii nan pejai biaŋinba nae. Min Yennu-e pak na.”

Jeremaya 51:57

N saa te ki li doo diara, nan li yandamm nan li tɔɔndamm, nan li jab n yib. Bi saa gɔɔn ki kan ban yerik. Min kpanbarjaanne pak na. Mine tee Yabint Yennu.

Daniel 4:37

“Mɔtana, min Nebukanesar piak ki baakit ki dont Kpanbar nba be Yendɔuŋ ni na. Waa tuun linba kur, li ŋan, ki took, ki u fit sikint wunba kur donn u mɔŋ.”

Amos 4:10

“Ki n te yiaryoonn soori, ki tee nan maa din te linba soor Ijipt teeb na, ki te ki bi kpii i naasimm tɔbii ni, ki jii i taanii ki yaat namm, ki te nikpeena nba be i kaaŋ ni na pɔɔk ki nubiri, ŋaan ki i lek ki jen min Yennu boori.

Sekaria 14:9

Ki Yennu sii tee tingbouŋ na kur kpanbar, ki sɔɔ kur saa jiantɔ, waa tee Yennu na paak, ki bia mi u sann maŋ.

Malakai 1:14

Mɔtont be daansɔɔ nba senn mɔsonn a wun tur min Yennu pejak nba ŋan, ŋaan ji tan lebit ki jii wunba mɔk daŋ ki mann maruŋ ki turin na paak. Kimaan n tee kpanbarjaanne, ki nibooru kur teenin baakir bonchiann.”

Jeems 5:4

I ŋmab i toontunna nba jaan i dii kpaant ni na, ki ki pabi, ki bi mɔ; ki bi mɔnii na kɔɔ Yabint Yennu tuba ni.

Fiitu 19:16

Ki sansiar sɔb u liatir nan u pann paak a “Kpanbara kur Kpanbar, yomdamm kur Yomdaanɔ.”