Jeremaya 48:12 - Yennu Gbouŋ Mɔɔr

¹² “Li paak, yoo baate ki n saa tun niib ki bin baar kpaar Moab teeb ki mɔɔn nan daan na. Dalena na saa biar koont, ki bi bia saa yeerir buri buri.

Jeremaya 48:12 Iomraidhean Croise

Yaŋ 2:9

A saa jii kutgbianue ki yeerib, ki but butib nan boba na.’ ”

Aisaya 16:2

Bi be Arnonn mɔkir boore, ki lin yana yana, nan baa tuu yukin nɔɔnii bi tiat ni ki bi lin biaŋinba na.

Aisaya 30:14

I saa yeer nan yɔkbobir nae, ki but but, ki nan sipiaka kan tenn ki fit mɔɔr muu, koo ki finn nyun bunbunn ni.”

Jeremaya 14:3

Mɔkita na tun bi daabae nyun po, ki bi saan bunbuna boor, ŋaan bi ki la nyun, ki ŋmat jen nan sɔkoona. Bi yan ŋmate, ki bi ŋaa tama, ki bɔri bi numpo.

Jeremaya 19:10

Ki Yennu pakin a man yeer buuk na, jab nba wei n poor po na numm ni,

Jeremaya 25:34

Ii mɔ man, yimm tɔɔndamm, yimm nba tee n niib ŋmakit-teeb na, ii mɔ sanpaapo man, ii mɔ man, kii birintir tanbiinii ni. Yoo baar nan bin kpi-iwa, bi saa kɔti nan pejai nae.

Jeremaya 25:9

‘N saa tun yiin gaŋ po niib na kur, nan n toontunnɔ Nebukanesar, wunba tee Babilonn kpanbar na. N saa baar namm, ki bin kɔn nan Juda nan li niib, nan digbana nba kur kpiar. N saa biir digbann na, nan digbana nba kpiar kur, ki teenir langbent yaayoo siiyoo, ki leŋ sii tee jaŋmaansooruk boor. Min Yennu-e pak na.

Jeremaya 48:11

Ki Yennu yet a, “Moab teeb tun be bi yamanie, ki sɔɔ ki mi soorib saan namm digbanganni. Moab digbann tee nan daan nba ki bi tuu sennir a lin baa tint, ki ki laŋir, ki bia ki kpaan lebitir dalenlia ni nae. Li baauk ki biir, ki li manu bia ki gbenti.

Jeremaya 48:13

Ki fei saa soor Moab teeb nan baa jiantir tingbann nba tee Kemos na, nan fei nba din soor Israel teeb, baa din teen bi dindann tingbann nba tee Betel ni na.

Jeremaya 48:15

Moab nan li doi kur biira; bi kpii Moab naasinpaara na kura. Min nba tee Kpanbar, ki tee Yabint Yennu-e pak na.

Jeremaya 48:38

Moab ŋei paak nan doo na kur po, siar kaa ki pukin kpemɔnii, kimaan n yeer Moab nan bobir nba ki sɔɔ ki loon nae.

Jeremaya 48:8

Dosau kaa ki saa nyi biiru na ni, ki baauk nan paanu kur saa biir. Min Yennu-e pak na.

Nahum 2:2

(Yennu yaa wun ŋamm fiin Israel teeb sanne, nan laa din tee biaŋinbawa ki bi datai tan biirir na.)