Jeremaya 47:2 - Yennu Gbouŋ Mɔɔr

² “Gotir! Nyun do gaŋ po, ki saa pubir nan nyunmɔnn na. Li saa piin tiŋ na nan linba kur be li paaka, li doi nan niib nba be leŋ na. Niib saa mɔ boi sommir po. Sɔɔ kur nba be durinya na ni saa bui bonchiann.

Jeremaya 47:2 Iomraidhean Croise

Yaŋ 24:1

Durinya na nan linba kur be li ni tee Yennu yare. Li tingbouŋ nan wunba kur be li ni tee Yennu yare.

Yaŋ 50:12

“Kom-i bonni mɔkin, n bo kan betini, kimaan durinya nan linba kur be li ni tee n yare.

Yaŋ 96:11

Tiŋ nan sanpaak, ii mɔk parpeenn man. Mɔkgbeŋir nan linba be li niŋ kura, ii kpamm man.

Yaŋ 98:7

Mɔkgbeŋir nan linba be leŋ kur, ii fu man; tingbouŋ nan linba be leŋ kur, ii yiin man.

Aisaya 14:31

Yimm Filistia teeb doi na, ii duun kii mɔ sommir po. I kur yam-ii put. Tangbiruŋ nyii gaŋ po ki baat, ki tee kunkɔnkɔnna nba ki jaŋmaandaanɔ kaa bi ni.

Aisaya 15:8

Mɔŋ doe Moab kpaar kur po. Li gbia Eglaim nan Beer Elim doi ni.

Aisaya 22:1

Mɔmaan na jiin Yirintu Baauk na poe. Bee tuumi? Bee teen ki doo na niib kur be bi ŋei yura paak ki kpammii?

Aisaya 28:17

Mamɔnpakue tee fiakir na bikinu ŋmiiuk, ki ŋamm mun tee lɔtik ni nyundaauk.” Sajakper saa wuur faak nba ki i tuu maa li paak na, ki nyunmɔnn saa di linba guui na.

Aisaya 59:19

Laa nyii yondo po ki saa tuu yonbaa po, sɔɔ kur sii tiinɔ, u panchiɔŋ na paak. U saa baar nan nyunmɔnn nae, ki tee nan wonpaaruk na.

Jeremaya 1:14

Ki u yetin a, “Biiru saa daa gaŋ po ki sik binba kur be tiŋ na ni paak,

Jeremaya 46:12

Digbana gbat i fei dinu powa, sɔɔ kur gbat ki i mɔ. Jayenɔ tuu gbiat u lɔɔe, ki bi banlee n kpab baa.

Jeremaya 46:13

Babilonn kpanbar Nebukanesar nba baar a wun lek Ijipt yoo nba, ki Yennu pak turin a,

Jeremaya 46:20

Ijipt tiŋ ŋan nan naasar ŋann nae, ŋaan ki kabik nyii gaŋ po ki baar lekɔ.

Jeremaya 46:24

Ijipt teeb dii feiwa. Gaŋ po teeb nyanniba. Min Yennu-e pak na.”

Jeremaya 48:39

Moab biira. Ii yikin man. Niib ji yisin Moab tiŋe. Li ji tee langbente, ki digbana nba kpiar na ji laar. Min Yennu-e pak na.”

Jeremaya 6:22

Ki Yennu yet a, “Niib nyi gaŋ po digbann, ki baat. Digbanpaarir nba fɔk bonchiann na tee tɔb siire.

Jeremaya 8:16

Ti datai poŋ ji be Dann doo niŋe, ki ti gbia bi taanii wuyikinii. Tiŋ na kur tuu jekire, yoo nba ki bi taanii mɔ. Ti datai baar a bin biir ti tiŋ, nan linba be leŋ kur, nan ti doo, nan li niib.”

Daniel 11:22

Ki wunba kur biirɔ, u lekii tee Yennu mannteeb yudaanɔ gbaa, ŋaan bi saa kpiue.

Nahum 1:8

U tuu biir u dataie yiama nan nyunmɔnn nba tuu pubir sik biaŋinba na; ki binba yêen u mɔb, ki u te bi kpenn.

1 Korint teeb 10:26

kimaan li sɔb Yennu gbouŋ ni a, “Tingbouŋ na nan li bont kur tee Yennu yare.”

1 Korint teeb 10:28

Ŋaan sɔɔ-i wanna a bi mann nant na patire, faa daa ŋman, ki a saa ŋmat u yan. Ŋaan sɔɔ saa boi a, “Li saa teen nlee ki n yan nba loon linba saa biir lɔɔ dudukiti?

Jeems 5:1

Yimm gordamm, gbiintir man. Ii mɔ man kii fabin, kimaan biak nba baat i paak na.

Fiitu 17:1

Li yoo ki malakanba banlore nba dia senii ŋanlore na yenɔ baar n boor ki betin a “Baat, ki n wanna poochonchonbiiuk nba kar nyun bonchiann paak na buut nba tan sii tee biaŋinba;

Fiitu 17:15

Ŋanne ki malaka na bia betin a nyun nba ki n la, ki poochonchonn kar li paak na tee nigbouŋ nba tee nibooru, nan maaru, nan mabooru kur niibe;