Jeremaya 46:5 - Yennu Gbouŋ Mɔɔr

⁵ Ki Yennu boi a, “N laat bee? Bi ŋmat poor nan yanputuko. Bi nyann bi jabe, ki jaŋmaanii yentib, ki bi chiar nan bi paŋ kur, ki ki jiant poori.

Jeremaya 46:5 Iomraidhean Croise

Pinpiik 19:17

Ki malaka yenɔ betib a, “Ii tiin man ki fat i manfoor. I daa jiantir, i bia daa see sɔnjot ni. Chiat saan kunkona na boor man, ki la manfoor.”

Aisaya 13:8

Jaŋmaanii saa soor bi kur, ki gbanantont saa nyannib, nan poo nba tuu kar matdaaŋ paak ki li tonɔ na. Bi sii gorii leeb nan jaŋmaanninbinae, ki fei n kpib.

Aisaya 19:16

Yoo baat ki Ijipt teeb tan sii tee butimm nan poob na. Jaŋmaanii tan saa lub, yoo nba ki bi la nan Yabint Yennu tant nuu a wun dat bi tuba na.

Aisaya 42:17

Binba kur teen pata yada, ki yi bonninnant bi yennii na saa sik tiŋ ni ki di fei.”

Aisaya 5:25

Yennu wutoor doo u niib paak, ki u tant u nuu a wun dat bi tuba. Kunkona nba fɔk na saa damm, ki binba kpo na gbanant saa biar dɔɔ sɔnii ni nan mɔɔt na. Ŋaan Yennu wutoor lek kan maaki, ki u nuu sii tian a lin dat niib tuba.

Jeremaya 20:10

N gbat sɔɔ kur lɔkin ki yeen a, “Jaŋmaanchiɔŋ li munn po. Ŋaant tin pootɔ ki tur doo yiikoo damm.” N yɔnanmɔnii gbaa guu man baae. Bi yeen a, “Li ki gar ti saa fit kparɔ ki nyannɔwa, ki soorɔ ki teenɔ bonbiir.”

Jeremaya 46:15

Bee ki i tingbanjaann nba tee Apis na baa? Yennu-e faau lu.’

Jeremaya 46:21

U jab nba ki u jɔɔmm na gbar nan naabis nae. Bi ki set ki kɔni, bi kur ŋmat chiare. Bi biiru daar baara, bi boontu yoo baara.

Jeremaya 49:29

Fatir bi lanbont nan bi bonkobit, nan bi lanbont tammɔdɔkita, nan linba be bi lanbont ni kur. Jiin bi laagumiinba, ŋaan pak niib na a, ‘Jaŋmaanchiɔŋo linti.’

Jeremaya 49:5

N saa nyi nan jaŋmaanchiɔŋ siar kur po, ki baar nann i paak. I kur saa chiar. Sɔɔ kur saa chiar u manfoor paak, ki sɔɔ sii kaa ki saa tikir i jab na jikii.

Jeremaya 6:25

Ti kan nyi doo kpiŋ, koo ki somm sɔnii ni, kimaan ti datai be nan jatiate, ki ninmɔnn be siar kur po.”

Esekiel 32:10

Linba ki n saa tun ki tura na saa jek digbana bonchiann. Li-i tee ki n ŋak n jukbanjiak na, kpanbara saa jek nan jaŋmaanii. Ki daar nba ki a saa baa na, bi kur sii jekir nan jaŋmaaniie, bi manfoa paak.”

Esekiel 39:18

Li tee bin ŋman kunkɔnkɔnna gbanante, ki bia nyu tingbouŋ na diateeb sɔn. N tan saa kpi bi kur, nan baa tuu kpi pejai, koo pei, koo buunii, koo naajakpamma nae.

Nahum 2:8

Ki niib na kakit ki tin nyii Ninefe nan mɔkir nba tuu pat ki nyun gaar biaŋinba na. Ki kunkɔr tantir ki yeen a, “Setir man, setir man,” ŋaan ki bi sɔɔ ki jianti.

Nahum 2:9

Fatir salimpeena na man, fatir salimmɔna na man. Doo na gbee nan mɔkinte.

Sefania 1:14

Yennu dajaann na nakin bonchiann, ki baat yian yian. Li daar sii tee datonne, ki kunkɔnkɔnna nba mɔk para na gbaa saa yikin nan jaŋmaanii.