Jeremaya 46:14 - Yennu Gbouŋ Mɔɔr

¹⁴ “A mɔɔnt maan maŋ Ijipt doi ni, ŋanne tee Migdol nan Memfis nan Tapanes, ki yet a, ‘Teent siir man ki kɔn fat i mɔŋ. Yaa mɔk linba kur, bi saa biirir tɔb niwa.

Jeremaya 46:14 Iomraidhean Croise

2 Samuel 2:26

Ki Abner yiin Joab ki yet a, “Ti sii fit kɔn mɔkmɔk nan mɔkmɔka-a? A ki la nan li joontu tan kii mɔk siar see parbiire-e? Ti tee ninjanne. Bia yooe ki a tan saa gɔɔr a jab na ki bin nyik ti weiu?”

Nyinu 14:2

“Betir Israel teeb na ki bin tunn saan kar Pi Hahirof nba be Migdol nan Mɔkmuŋ sinsuuk ni, ki kpia Baal Sefonn na.

Aisaya 1:20

Ŋaan i-i yêtin, i saa kpoe. Min Yennu-e pak na.”

Aisaya 19:13

Soann nan Memfis doi tɔɔndamm tee jatite. Li din tee bin ŋmakit niib nae, ŋaan ki bi boomm.

Aisaya 31:8

Bi tan saa biir Asiria teeb, tɔb nie, ŋaan li kii tee nisaarik paŋ kaa. Asiria teeb saa chiar tɔb ni, ki bi naasimm saa teen yommii.

Aisaya 34:6

Bi sɔn nan bi kpapana saa piin jukbanjiak na, nan pei nan buunii nba ki bi tuu mannib maruŋ, ki bi sɔn nan kpapana n piin juk na. Yennu-e saa mann maruŋ na, Bosra doo ni; u saa te ki li tee nikpinu bonchianne, Edom tiŋ ni.

Jeremaya 12:12

Jab saan tiŋ na kur poe a bin fat bona. N tun tɔbo a lin biir tiŋ na kur, ki sɔɔ kii be u yamani.

Jeremaya 2:16

Nn, Memfis nan Tapanes jab yeer u yukpabuko.

Jeremaya 2:30

N dat i tuba, ŋaan li ki ŋamm siari. I ki sak man ŋmakiti. I tee nan yanbɔr waatik nae, ki kpii n sɔkiniinba kur.

Jeremaya 44:1

Yennu din pak nanin ki jiin Israel teeb nba kur be Ijipt doi nba tee Migdol nan Tapanes nan Memfis, nan tiŋ na diitu po na.

Jeremaya 46:10

Yabint Daanɔ Yennu nba tee Yomdaanɔ na daare na. Dinnae ki u saa pa jiin niib. Dinnae ki u saa dat u datai tuba. U banjiak saa ŋmamm nan laa tan saa gboo, ki nyu bi sɔn nan li par nba tan saa maak. Dinnae ki Yabint Daanɔ Yennu saa mann maruŋ nba sii be gaŋ po tiŋ nba kpia nan Yufrates mɔkir na.

Jeremaya 46:19

Yimm Ijipt teeb, ii teen siir man ki bin soori ki saan nani digbangann. Memfis saa kpant kunkoouk, ki tee langbent nba ki sɔɔ kaa leŋi.

Jeremaya 46:2

ki piin Ijipt. Waa pak linbae na ki jiin Ijipt kpanbar Neko jab po, binba ki Babilonn kpanbar Nebukanesar din nyannib Karkemis doo ni, ki li kpia nan Yufrates mɔkir na. U din nyinnib Juda kpanbar Jehoyakim naan bina ŋanna nie. Yennu din yet a:

Esekiel 21:28

Yennu ŋamm yet a, “Nisaarik, Amonn teeb na sukii Israel teebe. Li paak, a pak biirib, ki betib nan mine yeen a: ‘N jukbanjiak nɔɔta ki teen siir nan lin kɔt. Li ŋat ki teen siir nan lin kpi yian nan sanyikintii na.

Esekiel 30:13

Ki Yabint Yennu yeen a, “N saa biir pata nan yenbis nba be Memfis doo ni na, ki sɔɔ tan kii be ki saa dia Ijipt, ki n tan saa kɔɔn niib na kur jaŋmaanii.

Hosea 9:6

Ki li-i tee biiru baari, ki i yati, Ijipt teeb nae saa tikir i gbanant ki pii, Memfis doo ni. Ki i mɔkint nba tee salimpeena, nan i ŋei nba tuu be siaminba na, mɔɔt nan jagotuko saa pia leŋ.

Nahum 2:13

Yabint Yennu yet a, “N tee a dataake. N saa joo a taantorit muu, ki bi saa kpi a kunkɔnkɔnna na tɔb ni, ki n bia saa gaar linba kur ki a fat a leeb boor na, ki bi ji kan ban gbat a toomii na kunkɔra.”

Sennu 32:42

N saa te ki n peenii n nyu bi sɔn, ki n jukbanjiak na saa kpi wunba kur biirin. N kan nyik bi sɔɔ nba kɔn nanin. Binba la danii nan yommii na kur saa kpowa.’