Jeremaya 44:6 - Yennu Gbouŋ Mɔɔr

⁶ Ŋanne te ki n mɔɔn n wutochiɔŋ Jerusalem nan Juda dolia ni, ki joo doi maŋ muu. Doi na din kpant langbente, ki tee jaŋmaansooruk boor nan dinna.

Jeremaya 44:6 Iomraidhean Croise

Aisaya 1:7

Bi biir i digbann, ki joo i doi muuwa. I goriie ki boorganu niib yent i tiŋ, ki bont kur teen yann.

Aisaya 51:17

Jerusalem, fiit gɔɔn ni, kutir fiir. A nyuu tubdatu nyubitik nba ki Yennu wutoor doo ki u tura, a fan nyu nawa. A nyuur, ki li sike, ki te ki a tukintir.

Aisaya 51:20

Sɔngɔnt boor kur, gbananchɔkinte tuu te ki a niib n baa, bi tee nan waarɔ baruk nba tuu soor piarɔ nae. Yennu wutoor paŋ na gbatiba.

Aisaya 6:11

Ki n boi a, “Yennu, li sii tee nna ki wei nlee?” Ki u jiin a, “Ki tan tuu yoo nba ki doi na sii tee langbent ki biar yann, ki tan tuu yoo nba ki sɔɔ sii kaa ŋei maŋ ni, nan yoo nba ki tiŋ na mɔŋ sii tee tinfukiryann.

Jeremaya 21:5

N saa kɔn nana nan n paŋ nan wutoor kur.

Jeremaya 34:22

N saa tur mɔb, ki bi saa jen doo na ni. Bi saa lekir ki nyannir, ki joor muu. N saa teen Juda doi nan kunkoouk nba ki sɔɔ ki kɔɔ leŋ nae. Min Yennu-e pak na.”

Jeremaya 36:7

Li ki gar bin miar Yennu ŋaan nyik bi toonbiiti, kimaan Yennu wutoor doo niib na paak bonchiann.”

Jeremaya 4:27

Yennu poŋ pak nan tingbouŋ na kur saa kpant tanbiiuŋo, ŋaan u kan biirir fasi.

Jeremaya 4:4

Ii dia yimm nan min Yennu mɔsonn na man, ki jii i mɔŋ ki turin, yimm Juda nan Jerusalem teeb. Yi-i kii teen nna, n wutoor sii di nan muu nae, kimaan biit nba ki i tun na paak. Li sii die, ki sɔɔ kaa ki saa kpeen muu maŋi.”

Jeremaya 42:18

“Israel teeb Yomdaanɔ Yennu yeen a, ‘Biaŋinba ki n wutochiɔŋ kpaar mɔɔn Jerusalem teeb paak na, nnae ki n wutochiɔŋ maŋ saa mɔɔn i paak, li-i tee ki i saan Ijipt. Sɔɔ-i la linba ki n tun turi na, li sii mɔkɔ jaŋmaanii, ki niib sii dia-i diayoonn, ki dia i sann ki poor mɔi. I ji kan ban la nna na.’ ”

Jeremaya 44:22

Dinna, i tiŋ tee langbente, ki sɔɔ ki kɔɔ leŋ. Li kpant jaŋmaansooruk boore, ki niib jii li sann ki teen mɔpor, kimaan Yennu ji din kan fit dia i nɔɔntont nan i yanbɔntoona na.

Jeremaya 7:17

A ki la baa tuun linba Juda doi ni nan Jerusalem sɔnii ni na-a?

Jeremaya 7:20

Li paak, ki min Yabint Yennu saa mɔɔn n wutochiɔŋ na nna. N saa mɔɔnir nisaarii nan bonkobit nan tiinii nan jeet paak. N wutoor na sii tee nan muu nae, ki sɔɔ kan fit kpeeniri.

Jeremaya 7:34

Tiŋ na tan sii dɔɔ yanne. N saa boon parmaasir fuut, nan poochiann jaamm parpeenn fuut, Juda doi ni nan Jerusalem sɔnjot niwa.

Jeremaya 8:3

Ki biit damm digbann na niib nba tinn, ki be siaminba ki n yatib na saa dukin nan bi-i kpoi sɔ bi-i fo. Min Yabint Yennu-e pak na.”

Fabinii 1:1

Jerusalem doo nba tuu gbee nan niib na ji dɔɔ yanne. Durinya na niib din baakitɔ, ki mɔtana ki u ji tee nan pakɔɔk na; u tuu tee digbanjaanne ki gar digbanlia, ŋaan ji biir ki butin.

Fabinii 1:13

“Yennu te muu nyii sanpaapo, ki tee muu nba di n gbananbin ni. U piin baruko, ki tan soorin ki sikinin tiŋ ni, ki nyikin, ki n ji be nan gbanantont yoo kur.

Fabinii 5:18

kimaan Sayɔnn kunkonn dɔɔ yanne, ki sɔɔ kaa li ni, ki mɔbɔi ji lin li langbent ni.

Esekiel 20:33

“Barmɔnii nan maa tee Yennu nba fo na, n kpaani nan n saa donn wutoore, ki dia-i nan pangarisuk nan yiikoo.

Esekiel 20:34

N saa wanni n paŋ nan n wutoor nba tee biaŋinba, yoo nba ki n taani ki nyii nani digbanbanfɔka nba ki n bo yat kɔɔni na, ki jen nani.

Esekiel 24:13

ŋaan Jerusalem mantik gbee nan bonchonchonsin nan toonbiit nba ki n kan fit wuur ki ŋammɔe. Li saa biar ki be jakint nie, nan maa tan saa te n wutoor n baar i paak.

Esekiel 24:8

Min ŋarin la sɔn na, ki li mɔ nanin, a man gaar li paak.

Esekiel 5:13

“I saa la n wutoor nba saa do i paak biaŋinba, nan laa tan saa maŋin. Li-i tee linba na kur tumi, i saa bann nan min Yennu-e bo pak nani, kimaan n wutoor doo i mɔyêtuk na paak bonchiann.

Esekiel 6:12

Binba kɔɔ digbanbanfɔka na saa yiar ki kpo; ki binba kɔɔ ki naak na saa kpo tɔbii ni, ki binba biar ki mɔk manfoa na, kome saa kpib, ki bi saa bann n wutoor paŋ nba tee,

Esekiel 8:18

Li paak, bi saa la n wutoor nba tee. N saa dat bi tuba, ki kan tinib ninbaauk, ki bia saa yêt ki kan gbiint turib, yoo nba ki bi mein nan kunkɔpaarir na.”

Daniel 9:12

A tun linba ki a din yet a a saa tun tur timm nan ti doo diara nawa, ki baar nan biiru ti paak. Tingbouŋ na kur po, siar boor daa ki ban la tubdatu nan linba baar Jerusalem na na.

Liifai teeb 26:28

n sii be wutoor ni, ki ŋmant i paak, ki te ki i tubdatu n pukin taar fuunu munlore ki gar sinsinn yar na.

Liifai teeb 26:31

N saa te ki i doi n kpant langbent, ki biir i jiantboa, ki yêt i maruŋ.

Nahum 1:2

Ti Yomdaanɔ Yennu tee funfunn daanɔe, binba yêen u mɔb, u daar bi tuba, u wutoor nie ki u pa jiintib.

Sekaria 1:2

Yabint Yennu din yet Sekaria a wun wann niib na a, “Min Yennu wutoor bo doo i yeejamm paaka.

Sekaria 1:6

Ŋaan linba kur ki n din pak ki turib, ki li nyii n sɔkiniinba boor na, din teemm nan maa din yet a li saa tun biaŋinba nawa. Li paak, bi ji din lebit bi binbeŋe, ki yet a linba ki Yabint Yennu teemm na, li tee nan bi sɔnii nan bi toona nba tee biaŋinba nae, li jaŋibe. U tun nan waa daan yaa u saa tun nae.”

Sekaria 7:14

N din jiibe nan wonpaaruk na, ki saan namm digbangana ni. Tinŋaŋ na ji din biare ki dɔɔ yann, ki sɔɔ kaa leŋi.”