Jeremaya 44:10 - Yennu Gbouŋ Mɔɔr

¹⁰ Ŋaan i ki sikin i mɔŋ nan dinna. I ki turin baakir, koo ki wei sennii nba kur ki n tur yimm nan i yeejamm na.

Jeremaya 44:10 Iomraidhean Croise

1 Kpanbara 21:29

“A la Ahab nba sikin u mɔŋ biaŋinba ki turima-a? Waa tun nna na, n kan baar nan biak na u paak, yoo nba ki u daa be u manfoor ni. Li tan sii tee u bija manfoor niewa ki n saa baar nan biak maŋ u ŋaateeb paak.”

2 Kpanbara 22:19

ki lebit, ki mɔ kɔɔ biit maŋ paak, ki sikin a mɔŋ n boor, ki pat a tiat ŋaan bui, yoo nba ki a gbat maa lor man dat Jerusalem nan li niib tuba biaŋinba na. N saa teenir boor nba sii mɔk yanputuko, ki nisaarii saa jii boor maŋ sann ki teen mɔtont. Ŋaan fin ŋarin, n gbat a miaruwa,

2 Barkperii 32:26

Ŋanne Hesekia nan Jerusalem teeb sikin bi mɔŋ, ki li te Yennu ji ki dat bi tuba, halii ki tan tuu Hesekia kuun.

2 Barkperii 33:12

Ninbaatir nba ki u be na niŋe, ki u sikin u mɔŋ ki jen u Yomdaanɔ Yennu boor ki barin sommir po.

2 Barkperii 33:19

Kpanbar na Yenmiaru, nan biaŋinba ki Yennu turɔ gatu, nan u toonbiit nba ki u tun ŋaan tan lebit na, nan nɔɔntont toona nba ki u tun, nan tingbanjiantboa nba ki u maa, nan chicherpook Asera ninnant nba ki u ŋamm, nan tingbana 1nba ki u jiantir, li kur sɔb Yennu sɔkiniinba barkperii gbouŋ ni.

2 Barkperii 34:27

ki sikin a mɔŋ, ki lebit a binbeŋ n boor, ki pat pat a liant ki bui fabin, yoo nba ki a gbat maa yaa n dat Jerusalem niib tuba biaŋinba. N gbat a miaruwa,

Yaŋ 34:18

Yennu naak damm nba ki bi para biir, ki sommit binba ki mɔk dindann nan waama na.

Yaŋ 51:17

Yennu, n maruŋ tee sikin-n-mɔŋ binbeŋe. Ki a kan yêt daanɔ nba sikin u mɔŋ ki lebit u pari.

Yaŋ 78:10

Bi din ki dia bi mɔlor nan Yennu, ki yêt bin gaar u sennu na.

Nyinu 10:3

Ki Moses nan Aarɔnn saan kpanbar na boor ki saa yetɔ a, “Timm Hiibru teeb Yomdaanɔ Yennu yet a, ‘Taar munŋaae ki a saa yêt fan sikin a mɔŋ ki turimi? Chabin n niib ki bin saan ki jiantin.

Nyinu 9:17

Ŋaan ki a teen garuk ki yêt fan chab n niib ki bin nyi saan.

Nyinu 9:30

Ŋaan n mi nan fin nan a saakab ki tiin Yomdaanɔ Yennu.”

Barjokit 14:16

Niib nba mɔk yan tuu soor bi mɔŋe ki nyi daamii ni, ŋaan binba tee niliinii na ŋarin tuu gbar bi mɔŋ dianue, ki tuun yana yana.

Barjokit 16:6

Ii mɔk lomm nan barmɔnpaku, ki Yennu n nyik chab a yanbɔmm. Fi-i sak Yennu mɔb, bonbisiar kan teenani.

Barjokit 28:14

Sakin Yennu mɔb yoo kur, ki a sii mɔk parpeenn. Fi-i tee tubkangbatir, see ki a la biiru.

Barjokit 8:13

Fi-i baakit Yennu, li tee fii nan toonbiite. N ki loon karinbaanii nan dont-n-mɔŋ nan toonbiit sɔnii, nan faak mɔbona.

Aisaya 42:24

Ŋmee jii Israel teeb ki tur fat-teeb na? Li tee Yennu nba ki ti tuun biirɔ na tiɔŋo. Ti ki be nan waa loon tii be na, koo ki sak tumiiu nba ki u turit na.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 66:2

N tiɔŋo nan durinya na kur. N par mei nan binba sikint bi mɔŋ ki mɔ kɔɔ bi biit paak nae, ki tee binba tiinin ki saak n mɔb na.

Jeremaya 10:7

Ŋmee kan tur fin nba tee digbana kur kpanbar na baakiri? A jaŋ nan niib n tura baakira. Subindamm ni nan kpanbara ni, sɔɔ ki be ki tee nan fin na.

Jeremaya 26:4

Ki Yennu pakin a n yet niib na a, “Min Yennu pak nan li kpaa talas yin sak n mɔb, ki wei wannu nba ki n turi na,

Jeremaya 32:23

Ŋaan baa kɔɔ tiŋ na ni ki yentir yoo nba, bi ji ki sak a mɔb koo ki wei a sennii. Bi ki tun linba ki a wannib a bin tun na. Ŋanne ki a baar nan biiru na bi paak.

Jeremaya 36:24

Ŋaan kpanbar na nan u saakab nba kur gbat maan na, bi sɔɔ yan din ki put, koo ki bi tun siar ki li saa wann nan bi para biiri.

Jeremaya 44:23

Mɔtana, biak na baar i paak, kimaan i mann maruŋ ki tur tingbana, ki tun biir Yennu nan yaa ki sak u sennii na.”

Jeremaya 5:3

Yennu, a ninbina ki gorii ki loon mamɔmm kaa-a? A faabe, ŋaan ki li ki toŋib. A butibe, ŋaan ki bi yêt ŋmakitir. Bi chee bi parae, ki li wakii gar tann, ki yêt bin nyik bi toonbiit.

Jeremaya 6:15

Bi marinbiit na te ki fei sooriba-a? Aaii, siara fei ki sooribi, bi poŋ ki mi fei kaawa. Li paak, bi saa baa nan leeb nba baa nae. Mi-i dat bi tuba yoo nba, li sii tee bi joontue na; min Yennu-e pak na.”

Jeremaya 8:12

N niib, i marinbiit na te ki fei sooriwa-a? Aaii. Fei ki soori nan waama. I poŋ ki mi fei kaawa. Li paak, i saa baa nan leeb nba baa nae. Mi-i dat i tuba yoo nba, li sii tee i joontue na; min Yennu-e pak na.

Esekiel 9:4

“A lin Jerusalem doo kur po, ki lon binba be ninbaatir ni, ki bi para biir, kimaan toonbilankant nba tuun doo ni na, ki dɔk bi yugbia paak.”

Malakai 4:2

Ŋaan yimm nba sak n mɔb na ŋarin, n tinnu yiikoo na saa yent i paak nan yondoor yonkpana nae, ki turi laafia, ki yin la fat-n-mɔŋ, ki ji mɔk parpeenn nan baa tuu nyinn naabis naaloor ni ki bi mɔk parpeenn biaŋinba na.

Matiu 27:54

Ki kunkɔnkɔnna saakɔɔ nan kunkɔnkɔnna nba pukin u po ki guu Yiisa na nba la tiŋ dammu nan linba kur tun na yoo nba, ki jaŋmaanii soorib bonchiann, ki bi yeen bi leeb a “Barmɔnii, jɔɔ na set tee Yennu Bijae.”

Barŋanii nba ki LUK din sɔb nae na 23:40

Ki lɔɔ na tiau ki yet a “A ki tiin Yennu-u? kimaan fin nan ŋɔɔ be tubdatyennkɔɔ nie na.

Rom Teeb 11:20

Li set tee mɔniie; baa ki teen yada na paak ki u kɔnnib, ki fin nba teen yada na paake ki u jiia tukin li paak. Ŋann amii a ji daa mɔk parbifaant li paaki, ŋaan kii mɔk jaŋmaanii.

1 Piita 5:6

Li paak, ii sikin i mɔŋ ki teen Yabint Yennu nuu ni, ki u saa donni yoo nba ki u loon.

Fiitu 15:4

Ti Yomdaanɔ, ŋmee be ki kan tina ki bia kan dont a sanni? Kimaan fin kɔɔe tee popeendaanɔ. Nibooru kur tan saa baar ki jianta, kimaan a barmɔnii toona nyii paanuwa.”