Jeremaya 43:13 - Yennu Gbouŋ Mɔɔr

¹³ U saa biir jiantu tantoota nba be Heliopolis doo ni, Ijipt tiŋ ni na, ki saa joo Ijipt tingbana jiantu diit na.”

Jeremaya 43:13 Iomraidhean Croise

Pinpiik 41:45

Ki Faaro pur Joosef Ijipt teeb booru ni sann, ki yiu Safenaf Panea, ki bia turɔ poo, ki bi yiu Asenaf, ki u tee Potifera, wunba tee manntɔɔ ki kɔɔ Heliopolis doo ni na bipoo. Joosef din mɔk bina piintaae ki piin tuun teen Ijipt kpanbar. U din nyi kpanbar ŋaak, ki lin gɔnt Ijipt tiŋ kur.

Aisaya 19:1

Mɔmaan na jiin Ijipt teeb poe. Yennu baat Ijipt-e, ki jaak sanpagbouŋ paak ki saa yian yian. Ijipt tingbana jekire u boor, ki Ijipt teeb na kɔŋ bi parcheenn.

Aisaya 19:18

Li yoo-i baar, Ijipt digbana ŋanŋmu ni niib tan sii piak Israel teeb danmaan, ki bia poor mɔpora Yabint Yennu sann ni. Doyenn sann tan sii tee “Biiru doo.”

Aisaya 46:2

Pata na kan fit tinn bi mɔŋ. Bi nyannibe ki jiib yaat. Babilonn yennii na joontue na.

Jeremaya 10:11

(Yimme tee yin pakib nan Yennu saa biir pata nawa. Pata maŋ kaa nan sanpaak nan tingbouŋ na. Bi ji sii kaa siar po, tingbouŋ na ni.)

Jeremaya 25:19

Binba din pukin ki saa nyu daŋmaŋ na nie na: Ijipt kpanbar nan u saakab nan u tɔɔndamm, nan Ijipt teeb kur, nan boorganii nba be leŋ, nan Us tiŋ ni kpanbara kur, nan kpanbara nba be doi nba be Filistia tiŋ ni, ki tee Askelonn nan Gasa nan Ekronn nan Asdod nba tenn waan na, nan Edom nan Moab nan Amonn niib kur, nan Taya nan Sidonn kpanbara kur, nan Sinsuuk ni mɔkgbeŋir tinii na kpanbara kur, nan Dedann nan Tema nan Bus doi, nan niib nba yɔɔ pɔɔn bi yut na kur, nan Arabia kpanbara kur, nan kunkoouk paak booru na kpanbara kur, nan Simri nan Elam nan Media kpanbara kur, nan gaŋ po kpanbara na kur, binba be banfɔka, nan binba naak kur din saa nyu yenɔ yenɔ. Digbann kur nba be tingbouŋ na paak saa nyure; ki li joontik, Babilonn kpanbar n nyur.

Jeremaya 43:12

N saa joo Ijipt tingbandiit muu, ki te Babilonn kpanbar n joo bi tingbana maŋ muu, koo wun jii ki yaat nann. Pekpaarik nba tuu nyinn naalianbiabii u tiat ni biaŋinba na, nnae ki Babilonn kpanbar saa nyinn Ijipt tiŋ ni bona kur ki yaat nan nyannu.

Jeremaya 44:1

Yennu din pak nanin ki jiin Israel teeb nba kur be Ijipt doi nba tee Migdol nan Tapanes nan Memfis, nan tiŋ na diitu po na.

Jeremaya 46:25

Israel teeb Yabint Daanɔ Yennu yet a, “N saa dat Amonn nba tee Tebes tingbann na tubir, ki kpab nan Ijipt tingbana nan li kpanbara. N saa jii Ijipt kpanbare nan binba teenɔ yada na kur

Esekiel 26:11

U taanjakira saa lin i sɔnjot kur po, ki kpi i niib nan bi jukbanjai. Bi saa bet i joontoota na.

Esekiel 30:13

Ki Yabint Yennu yeen a, “N saa biir pata nan yenbis nba be Memfis doo ni na, ki sɔɔ tan kii be ki saa dia Ijipt, ki n tan saa kɔɔn niib na kur jaŋmaanii.

Esekiel 30:17

ki Heliopolis nan Bubastis doi naasimm na saa kpo tɔb ni, ki bi saa soor bi leeb nba biar na, ki teemm yommii.

Daniel 11:8

U saa jii bi tingbana bonninnant, nan bonlia nba ki bi ŋammir, nan salimmɔna nan salimpeena, ki jii tur bi tingbana maŋ na, ki ŋmat namm Ijipt. Bina waan saa gar ki gbananmaasu sii be, ki kunkɔna kaa.