Jeremaya 43:11 - Yennu Gbouŋ Mɔɔr

¹¹ Nebukanesar saa baar ki kɔn nyann Ijipt. Binba tee bin yiar ki kpo na saa yiar ki kpo, ki binba tee bin soorib ki teemm yommii na, bi saa soorib ki teemm yommii, ki binba tee bin kpo tɔb ni na saa kpo tɔb ni.

Jeremaya 43:11 Iomraidhean Croise

JOB labaar 20:29

Linba nae tee nibiit nyɔɔt, ki tee joontu nba ki Yennu sennib.

Jeremaya 15:2

Li-i tee ki bi boia baa saa yaat saan sian, fan pakib a min Yennu yet a: Yiariie saa kpi siab; bi sinsaanboore na. Ki siab mun saa kpo tɔb nie; bi sinsaanboore na. Ki siab mun, kome saa kpib; bi sinsaanboore na. Ki siab mun tee bin sooribe ki yaat namm ki teemm yommii, bi sinsaanboore na mun.

Jeremaya 25:15

Ki Israel teeb Yomdaanɔ Yennu pakin a, “Daŋmaŋe na, ki li gbee nan n wutoor. Jiin ki saan nann digbana nba kur ki n tuuma na niib boor, ki te bin nyu ŋmaŋ maŋ ni.

Jeremaya 25:19

Binba din pukin ki saa nyu daŋmaŋ na nie na: Ijipt kpanbar nan u saakab nan u tɔɔndamm, nan Ijipt teeb kur, nan boorganii nba be leŋ, nan Us tiŋ ni kpanbara kur, nan kpanbara nba be doi nba be Filistia tiŋ ni, ki tee Askelonn nan Gasa nan Ekronn nan Asdod nba tenn waan na, nan Edom nan Moab nan Amonn niib kur, nan Taya nan Sidonn kpanbara kur, nan Sinsuuk ni mɔkgbeŋir tinii na kpanbara kur, nan Dedann nan Tema nan Bus doi, nan niib nba yɔɔ pɔɔn bi yut na kur, nan Arabia kpanbara kur, nan kunkoouk paak booru na kpanbara kur, nan Simri nan Elam nan Media kpanbara kur, nan gaŋ po kpanbara na kur, binba be banfɔka, nan binba naak kur din saa nyu yenɔ yenɔ. Digbann kur nba be tingbouŋ na paak saa nyure; ki li joontik, Babilonn kpanbar n nyur.

Jeremaya 42:22

Li paak, ii tian linba na man, i saa kpo tɔb nie, koo nan kon, koo nan yiaru, tiŋ nba ki i loon yin saan kar nani.”

Jeremaya 44:12

Ŋaan Juda niib nba tenn ki loon bin saan kar Ijipt na, see ki n biir bi kur, li nijaana nan talas damm kur saa kpo Ijipt, laa tee tɔb ni, koo kon ni. Bi sii mɔk jaŋmaansooruk, ki niib sii laab, ki jii bi sann ki teen mɔpor.

Jeremaya 44:13

N saa dat binba be Ijipt na tuba nan tɔbii, nan kon, nan yiarii, nan maa dat Jerusalem teeb tuba biaŋinba na.

Esekiel 29:11

Ki nisaarik koo bonkobuk kan ban somm ki gar Ijipt tiŋ ni. Ki bonfosiar kan ban kɔɔ li ni ki saa tuu bina piinna.

Esekiel 5:12

I niib bɔkitu muntaa ni yenn, kon nan yiariie saa kpib, doo ni. Ki bi saa kpi bɔkleer na nan jukbanjai, doo kpiŋ, ki bɔkleer nba tenn na, n saa jii wouŋ ki yatib, ki wei berib nan jukbanjiak.

Sekaria 11:9

ŋaan ji yet pei na a, “N ji kii kpaarini. Ŋaant ki binba saa kpo na n kpo, ki binba ki bi saa biirib na, bin biirib. Binba biar nae saa biir bi leeb.”

Fiitu 13:10

Wunba ki Yennu senn nan u sii tee daabir, u set sii tee daabire. Ki wunba dia jukbanjiak ki kpi u leeb, bi mun bia tan saa jii jukbanjiake ki kpiu. Li paak, li ŋan ki Yennu niib-ii mɔk mintir ki teenɔ yada fanu.