Jeremaya 4:27 - Yennu Gbouŋ Mɔɔr

²⁷ Yennu poŋ pak nan tingbouŋ na kur saa kpant tanbiiuŋo, ŋaan u kan biirir fasi.

Jeremaya 4:27 Iomraidhean Croise

2 Barkperii 36:21

Yennu nba din tɔkin u sɔkinii Jeremaya ni, ki pak maan nba na, li din tan gbeewa a: “Tiŋ na saa biar yann kii foi bina piinlore, ki siara toonn kii tuun li paak nan bina maŋ nba tan saa gbenn.”

Nehemaya 9:31

Ŋaan a ninbatinu nba yab na paak, ki a ki nyɔr nyikib, koo ki boontibi. A tee parmaasir nan ninbatinu Yennu-e.

Aisaya 17:6

Niib waaminnae saa foor, ki Israel sii tee nan kpai saaŋ nba ki bi tuu pɔɔr li saana kur, ŋaan ki ŋanlee koo ŋantaa n saa biar jɔɔn yur paak na, koo ki biar jɔɔn lɔuŋ ni na. Min Israel teeb Yomdaanɔ Yennu-e pak na.”

Aisaya 24:1

Yennu saa biir tingbouŋ na ki nyikir yann. U saa kut ŋmat tingbouŋ na, ki yat li niib.

Jeremaya 18:16

Bi tunn tiŋ na ki teenir woribuk boore, a bii yɔɔ kii yisimir yoo kur. Wunba kur gar leŋ, u gbanu saa jek, kimaan waa saa la linba na paak. Li saa bakitib, ki bi saa pak bi yura.

Jeremaya 25:11

Tiŋ na kur ji sii tee langbente ki mɔk jaŋmaansooruk, ki tinii nba kpia na sii tuun ki teen Babilonn kpanbar bina piinlore.

Jeremaya 30:11

N saa baar i boor ki tan tinni. N saa biir digbana nba ki n yati ki saan nani na, ŋaan n kan biir yimmi. N saa dat i tubawa, ŋaan n saa dat i tuba nan lomme. Min Yennu-e pak na.”

Jeremaya 4:20

Biak yenn tuu gare, ki leer waa. Tiŋ na kur tee langbente. Ti ŋei na biira, ki li mɔpina na pat pat.

Jeremaya 4:7

Yanbɔr nba tuu nyi u bɔr ni ki baat biaŋinba na, nnae ki digbana biirtɔɔ na nyii ki baat. U baat a wun biir Juda-e. Juda doi saa biar langbente, ki sɔɔ kan kɔɔ leŋi.

Jeremaya 44:6

Ŋanne te ki n mɔɔn n wutochiɔŋ Jerusalem nan Juda dolia ni, ki joo doi maŋ muu. Doi na din kpant langbente, ki tee jaŋmaansooruk boor nan dinna.

Jeremaya 46:28

N saa baar i boor ki tan tinni. N saa biir digbana nba kur ki n yati ki i saan leŋ na, ŋaan n kan biir i mɔŋi. N saa dat i tubawa, ŋaan mi-i daar yoo nba, n sii daar nan lommo. Min Yennu-e pak na.”

Jeremaya 5:10

Saant bi daan tiinii kpaant ni ki biirib, ŋaan i daa biirib chainchain. Ii chɔɔ yiinii maŋ, kimaan bi ki tee min Yennu yab kaa.

Jeremaya 5:18

Yennu yet a, “Daa maŋ ni, n kan biiri fas fasi.

Jeremaya 7:34

Tiŋ na tan sii dɔɔ yanne. N saa boon parmaasir fuut, nan poochiann jaamm parpeenn fuut, Juda doi ni nan Jerusalem sɔnjot niwa.

Jeremaya 9:11

Ki Yennu yet a, “N saa te Jerusalem n kpant langbent, kii tee mɔbɔi binbeboor, ki Juda doi bia saa kpant langbent, ki tee siaminba ki sɔɔ kan fit kar.”

Fabinii 2:7

Yennu yêt u maruŋ binbintir na, ki bia biir u kasii ŋasaakak nawa, ki te dataak na yeer joona na, ki bi yikin a bi la nyannu, siaminba ki ti tuu jiantir Yennu ki mɔk parpeenn na.

Esekiel 11:13

Maa piak yoo nba, ki Pelatia kpo ki baa tiŋ ni. Ki n baa fabin tiŋ ni, ŋaan yikin a, “Aba, Yabint Yennu. A loon ki a kpi sɔɔ kur nba be Israel tiŋ na nie-e?”

Esekiel 20:17

“Ŋaan ki li mɔkin ninbaauk nan man te ki bin kpo kunkoouk na paak.

Esekiel 33:28

N saa te tiŋ na n kpant tinkooŋ. Ki yiikoo nba ki bi tuu dont bi mɔŋ li paak na saa gbenn. Ki Israel kunkona na saa teen fɔɔr, ki sɔɔ kan fit somm gar li ni.

Esekiel 6:14

Barmɔnii, n saa tant n nuu bi tiŋ paak ki biirir. N saa te tiŋ na n biar yann, laa nyii kunkoouk na diitu po, ki saan tuu Ribla doo nba be niigaŋ po na, ki kan nyik siaminba ki Israel teeb be. Ŋanne ki sɔɔ kur saa bann nan mine tee Yennu.”

Liifai teeb 26:31

N saa te ki i doi n kpant langbent, ki biir i jiantboa, ki yêt i maruŋ.

Liifai teeb 26:44

Ŋaan baa lek daa be bi datai tiŋ ni na, n kan nyikib yann, koo ki boontibi. Ki li saa te n mɔlor namm n pot. Mine tee bi Yomdaanɔ Yennu.

Sefania 1:18

Daar nba niŋ ki Yennu wutoor tan saa do na, bi salimpeena nan salimmɔna na gbaa tan kan fit tinnib. Ki u wutoor nba tee nan muu na tan saa di tingbouŋ na kur. U tan saa biir ki kpir boont wunba kur be tingbouŋ na paak.