Jeremaya 4:24 - Yennu Gbouŋ Mɔɔr

²⁴ Ki n got jɔjaana ki sɔɔ ki bi jekir, ki kunkona labin.

Jeremaya 4:24 Iomraidhean Croise

1 Kpanbara 19:11

Ki Yennu yetɔ a, “Nyimin ki do jɔɔr na paak ki saa set n tɔɔnn po.” Ki Yennu gar ki baar nan wonpaaruk nba bɔkit jɔɔr ki yeer tana, ŋaan Yennu din kaa wouŋ na ni. Li poor po ki wouŋ na maak, ŋaan ki tinjekiruk baar. Yennu bia lek din kaa tinjekiruk na ni.

Yaŋ 18:7

Ŋanne ki tingbouŋ damm ki nik, ki jɔjaana fiaka bekint ki jekir; kimaan Yennu wutoor doowa.

Yaŋ 77:18

Satianii na jek tiŋ, ki sanyikintii na yent durinya kur po, ki tingbouŋ jek, ki damm.

Yaŋ 97:4

U sanyikintii tuu yent durinya nae, ki tingbouŋ na n la ki jekir.

Nyinu 19:18

Sainai jɔɔr na kur po din loo nan munyuute, kimaan Yennu din sik nan muu, jɔɔr maŋ paake. Munyuut na din doo sanpaapo, ki tee nan mutunn munyuut nae, ki jɔɔr na damm bonchiann.

Aisaya 13:13

N saa te ki sanpaak n jekir, ki tingbouŋ na n damm li fiakir ni, daar nba ki min Yabint Yennu saa wann n wutoor na.

Aisaya 24:20

Tingbouŋ maŋ saa niŋ nan dayibirɔ nae, ki saa laŋ nan wouŋ nba tuu laŋ lanbouŋ biaŋinba na. Durinya na biit kpiakire, ki saa te lin baa ki kan ban fiiri.

Aisaya 5:25

Yennu wutoor doo u niib paak, ki u tant u nuu a wun dat bi tuba. Kunkona nba fɔk na saa damm, ki binba kpo na gbanant saa biar dɔɔ sɔnii ni nan mɔɔt na. Ŋaan Yennu wutoor lek kan maaki, ki u nuu sii tian a lin dat niib tuba.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.

Jeremaya 8:16

Ti datai poŋ ji be Dann doo niŋe, ki ti gbia bi taanii wuyikinii. Tiŋ na kur tuu jekire, yoo nba ki bi taanii mɔ. Ti datai baar a bin biir ti tiŋ, nan linba be leŋ kur, nan ti doo, nan li niib.”

Jeremaya 9:10

Ki n yet a, “N saa fabin kunkona paaka, ki mɔ mɔmaatuk paak, kimaan bi koora, ki sɔɔ ji ki gaar bi ni, sɔɔ ji ki gbia nei mɔnii, ki nɔɔnii nan muuk ni bonkobit chiar yaat.”

Esekiel 38:20

Ki janbooru kur, nan nɔɔnii, nan bonkob-gbeŋa, nan bonbis kur, nan nisaarik kur nba be tingbouŋ na paak, tan saa tinin jaŋmaanii ki jekir. Jɔjaana saa bit, ki tanjagbent saa yakit buri buri, ki joonn kur saa baa tiŋ ni.

Maika 1:4

Ki jɔjaana na saa nann u yaaka ni, nan sagbouŋ nba tuu baa muu ni ki nann biaŋinba na. Jɔɔt na saa kpaar sik baat, nan nyun nba tuu nyi kunkonn paak ki kpaar sik biaŋinba na.

Habakuk 3:10

Yoo nba ki jɔfɔkit na got ki la-a na, ki bi jekir, ki nyun nyii sanpagbouŋ ni ki baa. Ki nyun nba be tingbouŋ na lɔŋ ni na fu fuut, ki li nyunpana kpaatir do.

Habakuk 3:6

U-u taŋi set yoo nba, tingbouŋ na tuu damme, u-u lekii got digbana, bi tuu jekire. Ki jɔfɔkit nba tuu be mɔkmɔk nan mɔkmɔk ji bit. Ki kunkona nba tuu yɔɔ be na ji baa tiŋ ni, ki tee kunkona nba ki u tuu somm li paak yaayoo niwa na.

Fiitu 6:14

Ki sanpaak pɔbin pɔbin nan gbanpɔɔbir na ki bot, ki kunkona nan gbingbana kur chat chat siaminba ki li tuu be na.