Jeremaya 4:22 - Yennu Gbouŋ Mɔɔr

²² Yennu yet a, “N niib na tee bonliiniie. Bi ki mimi. Bi tee nan wajata nae ki ki mɔk bannu. Bi mi toonbiit tumue fanu, ŋaan gbar toonŋana tumu.”

Jeremaya 4:22 Iomraidhean Croise

Pinpiik 39:16

Poo na din bɔr chinchenn nae nan u chanbaa nba tan kpen.

2 Samuel 13:3

Ŋaan Amnonn din mɔk nasinyɔɔk ki u sann yi Jonadab, ki tee Defid naa bik nba ki bi yiu Sama na bija. Jonadab din tee selinboŋe,

Yaŋ 36:3

Ki u mɔmaan tee nɔɔnbiit, ki gbee nan kpinkpannii, ki u ki fit tuun siar ki li tee subinii ki bia ŋani.

Yaŋ 36:4

Wuu be u dɔɔnu ni gbaa, u lorin bonbiire. U ki tuun siar ki li ŋani, u bia ki yêen linba ki ŋani.

Yaŋ 53:4

Yennu boi a, “Bi ki mi-i? Toonbiit damm maŋ ki mi siari-i? Bi di n niib nan nirɔ nba tuu di jeet nae, ki bia ki meimi.”

Yaŋ 82:5

“Bi ki mi siari, bi bia ki bant siar paaki, ki tee ŋmabir damm, ki barmɔnii paku bot durinya na teeb boor.

Barjokit 28:5

Toonbiit damm ki mi linba tee barmɔnii, ŋaan binba jiantir Yennu na ŋarin bannir fanuwa.

Aisaya 1:3

Nei mi bi daanɔ, ki bonii mi siaminba ki bi daanɔ dintib. Linba na gar n niib Israel teeb nba mi linbawa. Bi ki bant maan paaki.”

Aisaya 27:11

Tiinii na yiinii koore ki kɔnn baa, ki poob tɔkii ki kuunt. Niib na nba ki bann siar na, Yennu nba tee bi nantɔɔ na kii mɔk ninmaanii, koo ki timm ninbaauku.

Jeremaya 10:8

Bi kura tee jatit nan bonliiniie. Bi saa tumii bee, baa jii tiinii ki nan pata nba na boori?

Jeremaya 13:23

Nibɔŋ saa fit lebit u gbananta-a? koo naamuuk saa fit boon u pɔriuwa-a? Li-i tee ki bi saa fit tun nna, ŋann ŋarin, fin nba ki tuun siar ki pukin toonbiit po na bo saa fit tumii ŋant tumuwa.

Jeremaya 2:8

Mannteeb na ki boi a, ‘Yennu be lia?’ N tiɔŋ mannteeb ki bannin. Doo diara kɔn nanime, ki n sɔkiniinba piak tingbann nba tee Baal na sann ni, ki jiantir yenbis.

Jeremaya 4:21

N saa la tɔb ninmɔnn nan naatuna mɔnii ki lin wei nlee?

Jeremaya 5:21

ki yet a: Gbiintir na man, yimm nba kaa yan, ki mɔk ninbina ŋaan ki ki laat, ki mɔk tuba ŋaan ki ki gbia na,

Jeremaya 5:4

Ki n dukin a, “Niib na tee tariie ki kaa yan, kimaan bi ki mi Yennu sɔnii, koo waa loon bii tuun linba.

Jeremaya 9:2

N sunman ki n bo mɔk binbeboore muuk ni, ki bo nyi n niib ni. Bi ki tee niŋamm kaa, bi ki waa Yennu,

Jeremaya 9:3

Bi teen siir nan faake yoo kur, bi nyik mamɔmme ŋaan dia doo na nan faak. Ki Yennu yet a, “N niib tuu nyi toonbiyenn ni, ki lɔɔr toonbileer nie, ki ki sak nan n tee bi Yennu.”

Jeremaya 9:5

Sɔɔ kur turin u yɔɔke, ki sɔɔ ki piak mamɔmm, kimaan bi tumii bi jerima faake, ki kan nyik toonbiit tumu. Bi-i nyii kpikpiruk yenn ni, bi tuu kɔɔ leer nie, ki fayeŋ-i gar, leer n wei. Yennu yeen a u niib yêtɔe.

Esekiel 16:30

Linba nae ki Yabint Yennu yeen a, “A tun linba na kur nan poochonchonn nba ki tiin fei nae,

Hosea 4:1

Yennu mɔk maan nba ki u yaa wun pak biir Israel teeb nba kɔɔ tiŋ na ni na. Israel teeb, gbiintir maan nba ki Yennu yete na, “Sɔɔ ki be tiŋ na ni ki waan fanu, koo ki mɔk lommu, niib na bia ki mi min Yennu binbeŋ nba tee.

Hosea 4:6

N niib na nba ki min na, li biiribe, kimaan yimm mannteeb na yêt yin bannin, ki bia yêt n wannu na dianuwa, li paak, n mun saa yêti, ki bia kii fiin i bonjai na po nan bi tee n mannteebi.

Hosea 5:4

Toonbiit nba ki niib na tuun na gɔib, ki bi kan fit baar Yennu boori. Bi jii bi mɔŋ ki waa tingbana, ki ki jiantir Yennu.

Amos 3:10

Yennu yet a, “Niib na gbeent bi ŋaŋanii nan bona nba ki bi fiar nan jate. Bi taan ki mi baa sii tuun toonŋana biaŋinba.

Maika 2:1

Li tan sii bi bonchiann ki tur binba ki gɔɔnt nyiɔk ŋaan lorin bonbiir na. Li-i taŋi yent sanyiɔk, yoo nba ki bi la yaak bi tuu tuun toonbiit nba ki bi bo lor nae.

Maika 7:3

Ki bi kur mi toonbiit tumu fanu. Ki toona saakab nan barbuura boi ki gaan fobit piinii. Ki doo diara yeen baa loon biaŋinba, ki bi gaan bi maan.

Barŋanii nba ki LUK din sɔb nae na 16:8

Tɔn, yoo nba ki u chanbaa na gbat u toona saakɔɔ fobdiirɔ na nba tun biaŋinba na, ki u kpakitɔ, a u tun nan yame.” Ki Yiisa ŋamm yetib a “Binba waa tingbouŋ na sɔnue mɔk yan bi mɔŋ niib sinsuuk ni ki gar binba waa yentu sɔnu na.

Jɔɔnn 16:3

Bi tan saa tun linba na ki turiwa, kimaan bi ki mimi, ki bia ki mi n Baa.

Rom Teeb 1:22

Bi yaa bi mɔk yame, ŋaan tee jatit;

Rom Teeb 1:28

Nisaarii nba din ki loon bin bann Yennu na, li paake ki Yennu nyikib nan bi dudukbiit, ki bi tuun toona nba bi bonchiann.

Rom Teeb 16:19

Tɔn, sɔɔ kur gbat yaa gaar Masia barŋanii biaŋinbawa. Li paake ki n mɔk parpeenn nani. N loon ki ii mɔk yan ki jiin linba ŋan po, ŋaan daa saak bonbiiri.

Rom Teeb 3:11

Sɔɔ kaa ki mɔk minu, sɔɔ kaa ki loon Yennu.

1 Korint teeb 14:20

N naa waas, i daa dia bisin dudukiti, ŋaan biit ni, ii tee nan sanpantii na; ŋaant man ki i dudukit-ii tee subir teeb dudukit.

Sennu 32:28

“Israel teeb tee digbann nba ki mɔk yame; bi ki mɔk yanfoon nan waama.

Sennu 32:6

Yimm jatit nan yankaarin damm na, yaa saa dia Yennu biaŋinbae na-a? U tee i baa nan i naamii daanɔe, ki nami ki i tee digbann.