Jeremaya 4:20 - Yennu Gbouŋ Mɔɔr

²⁰ Biak yenn tuu gare, ki leer waa. Tiŋ na kur tee langbente. Ti ŋei na biira, ki li mɔpina na pat pat.

Jeremaya 4:20 Iomraidhean Croise

Yaŋ 42:7

Sutik yi sutik nan fuur, ki pir n paak nan nyunmɔnn na, ki tee nan nyunpana nba tuu lakitir na, ki pir piinin.

Yaŋ 72:19

Ii dont u baakir sann, nan yoo nba kaa gbennu. Tingbouŋ na kur n gbee nan u baakir. Mamɔmm nan mamɔmm.

Nyinu 33:5

kimaan Yennu-e poŋ din te Moses pak ki turib, ki betib a, “I tee tubkangbata damme, li-i bonni tee ki n yaa n saan nani waamii, n bo saa boonti faba. Mɔtana, liatir i tuliat na, ki n ji dukin maa saa tun linba ki turi.”

Aisaya 13:6

Ii kurii nan gbanantont. Yennu daar na pera, ki tee daar nba ki Yabint daanɔ maŋ saa baar nan biiru.

Aisaya 15:5

N par biire, Moab teeb paak. Niib na chiar ki saan Soar doo nie, nan Eglaf Selisiya. Siab tɔkin sɔnu nba saa Luhif nae, ki mɔ ŋaan saa, ki siab tiin saa Horonaim ki mɔ sanpaapowa.

Aisaya 33:20

Gotir Sayɔnn, doo nba ki ti tuu di Yenjiantu jaamm leŋ na. Gotir Jerusalem. Leŋ benu kii mɔk daamii. Li sii tee nan lanbouŋ nba yɔɔ be nae, linba dachaata ki chaatir, ki li ŋmiit ki cheen na.

Aisaya 47:9

Ŋaan dayenn kɔɔ ni, yoo waaminnae, ki bona ŋanlee na kur saa kpab tun. Nan a nyɔku nba ki a tee na kur, ŋaan a saa kɔŋ a sɔrɔ nan a waasa.

Aisaya 54:2

Yarikit a ŋaak nba ki a be leŋ na, tantir li ŋmiit ki pukin li dachaata paŋ.

Jeremaya 12:11

Bi teenir kankoonne ki li dɔɔ yann n boor ni. Tiŋ na kur kpant kunkoouko ŋaan ki sɔɔ ki fiin li po.

Jeremaya 17:18

Yennu, baat nan fei binba mukisin na paak, ŋaan te ki n daa di fei. Gbeentib nan jaŋmaanchiɔŋ, ŋaan daa te ki n tiin jaŋmaanii. Baat nan biak bi paak, ki but butib.

Jeremaya 4:21

N saa la tɔb ninmɔnn nan naatuna mɔnii ki lin wei nlee?

Jeremaya 4:27

Yennu poŋ pak nan tingbouŋ na kur saa kpant tanbiiuŋo, ŋaan u kan biirir fasi.

Jeremaya 4:6

Want sɔnu nba saa Sayɔnn. Chiat ki tinn i mɔŋ. I daa taantir. Yennu baat nan biak nan biiru bonchianne, ki li nyi gaŋ po.

Jeremaya 9:18

Ki niib na yet a, “Pakimm ki bin kakit ki yin kuun yanii turit, nan ti ninbina nba tan saa gbee nan ninnyuut, ki ti ningbant n matik nan mɔnii.”

Fabinii 3:47

ki ti kpan be baak nan biiru ni, ki be ninbɔŋ nan jaŋmaansooruk ni.

Esekiel 14:21

Linba nae ki min Yabint Yennu yeen a, “N saa tun n tubdatu nba paar ŋanna Jerusalem paak, ki li tee tɔbii nan kon nan bonkob-tont nan yiarii, ki lin kpi niib nan bonkobit kur.

Joel 1:15

Yennu daar na pera, ki tee daar nba ki Yabint daanɔ maŋ saa baar nan biiru. Daar maŋ sii tee bonbilankante.

Liifai teeb 26:18

“Ki li-i lekii tee linba na kur tun, ŋaan ki i ki sak ki gaar n sennu, n saa ŋamm pukin i tubdatu taar munlore, i biit paak.

Liifai teeb 26:21

“I-i biaki ŋamm ki yêtin ki ki saak n sennu, n bia saa ŋamm pukin i tubdatu fuunu munlore, nan biaŋinba ki i toonbiit jaŋir tee na.

Liifai teeb 26:24

ŋann n bia saa ŋamm dat i tuba taar fuunu munlore ki lin gar sinsinn yar na.

Liifai teeb 26:28

n sii be wutoor ni, ki ŋmant i paak, ki te ki i tubdatu n pukin taar fuunu munlore ki gar sinsinn yar na.

Habakuk 3:7

Ki n la Kusann teeb na tiin jaŋmaanii, ki Midiann teeb na mun jekir.

Nikant 16:21

“Ŋmatir i poorpo ŋaan nyik niib na, ki n boontib yiama.”

Nikant 16:45

“Nyimin niib na sinsuuk ni, ki n boontib yian.” Ki bi banlee gbaan ki bi yugbia tibin tiŋ ni;

Matiu 10:28

I daa tiin binba saa fit kpi i gbanant, ŋaan kan fit kpi i sei; ii tiin man Yennu, wunba saa fit biir i gbanant nan i sei kura muu ni na.

2 Tesalonika teeb 1:9

ki ti yabint Yomdaanɔ nba be yentchiɔŋ ni tan saa nyinnib u boor, ki bi saa la biiru nba kaa gbennu;