Jeremaya 4:16 - Yennu Gbouŋ Mɔɔr

¹⁶ Bi baar a bin kpaan digbanae, ki bia pak Jerusalem nan datai nyii digbanbanfɔkir ki baat. Datai na saa hoot ki tur Juda doi,

Jeremaya 4:16 Iomraidhean Croise

Aisaya 34:1

Digbana niib kur, baat man. Tikit man ki gbiint. Ŋaant durinya kur, nan wunba kur be li ni n baar nna, ki tan gbiint.

Aisaya 39:3

Ki Yennu sɔkinii Aisaya saan kpanbar Hesekia na boor ki boiɔ a, “Jab na nyii lee? Bi pak bee ki turani?” Hesekia din jiin a, “Bi nyii Babilonia-e, banfɔkira.”

Jeremaya 1:15

kimaan n yi binba be gaŋ po na kur a bin baar. Bi kpanbara saa maa bi naan binbinta Jerusalem tammɔi ni, ki lint li joonjot, ki bia lint Juda dolia.

Jeremaya 16:6

Mɔkita nan nandamm na kur saa kpo tiŋ na niŋe, ŋaan sɔɔ kan piib, koo ki mɔ bi kpemɔnii, koo ki ŋmaar u mɔŋ, koo ki koor u yut a wun wann u parbiiri.

Jeremaya 2:15

Bi gaan jat u paak nan yanbɔra nae, bi kpant u tiŋ kunkoouko, ki u doi teen langbent ki dɔɔ yann.

Jeremaya 31:10

Ki Yennu yet a, “Digbana, gbiintir ki turin, ki mɔɔnt n maan banfɔka mɔkgbiant. N yat n niiba, ŋaan n saa tikiribe kii guub, nan pekpaarik nba tuu guu u pei na.

Jeremaya 39:1

Sedekaya nba dii Juda naan, li bina ŋanyia, ŋmaarii piik nie, ki Babilonn kpanbar Nebukanesar baar nan u jab kur ki lek Jerusalem.

Jeremaya 4:17

ki saa ŋaa loon Jerusalem nan jab nba tuu guu tiŋ na, kimaan u niib na yêt Yennu mɔba. Yennu-e pak na.

Jeremaya 5:15

Yennu yet a, “Israel teeb, n baat nan digbanbanfɔkir jabe a bin kɔn nani, ki tee yaayoo ni digbann nba mɔk gbankur, ki i ki gbia koo ki bant li niib maan paak.

Jeremaya 5:6

Li paak, yanbɔr saa nyi fɔɔr ni ki lekib, ki kinkatir saa nyi kunkoouk paak ki biirib, ki naamuuk sii dɔɔ kpia bi doo ki guub, ki saa pat wunba nyii nanyer, kimaan bi mɔyêtuk na yab bonchiann, ki yoo kur bi ki waa Yennu sɔnii.

Jeremaya 50:2

“Pakin maan maŋ ki tur digbana. A mɔɔntir. Turin nyinn ki mɔɔnt maan maŋ. A daa te ki li tee bunbɔr maami. Babilonn baawa. Bi biir u tingbann nba tee Marduk nawa. Babilonn tingbana dii feiwa, u bonninnanbiit na yeera.

Jeremaya 6:18

Ki Yennu yet a, “Gbiintir man, boorganu na, ki bann linba saa tun ki tur n niib.

Jeremaya 6:19

Tingbouŋ, gbiintir. N baat nan boontue niib na paak, ki li sii tee bi biit tubdatu, kimaan bi yêt n tumiiue, ki bia ki gaar n maan.

Jeremaya 6:22

Ki Yennu yet a, “Niib nyi gaŋ po digbann, ki baat. Digbanpaarir nba fɔk bonchiann na tee tɔb siire.

Jeremaya 6:23

Bi jii bi tɔrbana nan takoobiiwa, ki tee tondamm nba ki tiin ninbaauko. Bi fuut tee nan mɔkgbeŋir nyun fuut nae, yoo nba ki bi jak taanii. Bi teen siire a bin faa Jerusalem tɔb.”

Jeremaya 8:19

Gbiintir. N gbia n niib wuyikinii tiŋ na munn po a, “Yennu ji kaa Sayɔnne-e? Sayɔnn kpanbar na ji kaa leŋe-e?” Ki Yennu nba tee bi kpanbar na jiin a, “Bee ki i jiantir i pata, ki gbaa jiantir boorganii yennii nba kaa nyɔɔt na, ki donn n wutoori?”

Esekiel 21:22

Ki u niidiitu ji soor peenu nba dɔk Jerusalem na, ki li wantɔ nan wun saan maa binbinta ki denn doo na joonn, ŋaan tant tɔb tintantii, ki jii dagbeŋa, ki yeer li joona nan li kut gana, ki gbiir bootit.