Jeremaya 4:13 - Yennu Gbouŋ Mɔɔr

¹³ Gotir, datai nae baat ki yat nan sanpagbant na, ki bi tɔb torit tee nan sajaperinn na, ki bi taanii kakii ki gar baakawa. Ti ki mɔk dindann. Ti boonta.

Jeremaya 4:13 Iomraidhean Croise

2 Samuel 1:23

“Sɔɔl nan Jonatann din ŋan, ki niib loomm. Baa be bi manfoor ni, ki bia tan kpenn, bi ki bɔkit leeb. Bi tuu kakii ki gar baakir, ki bia paar ki gar yanbɔrawa.

Aisaya 13:5

Bi nyii digbanbanfɔkae, durinya na kur po, ki baat. Yennu donn wutoore ki baat a wun biir tiŋ na kur.

Aisaya 19:1

Mɔmaan na jiin Ijipt teeb poe. Yennu baat Ijipt-e, ki jaak sanpagbouŋ paak ki saa yian yian. Ijipt tingbana jekire u boor, ki Ijipt teeb na kɔŋ bi parcheenn.

Aisaya 3:8

Barmɔnii, Jerusalem be biiru ni. Juda tiŋ boontire. Linba kur ki bi piak ki bia tuun na tee biite ki tur Yennu. Bi sukii Yennu tiɔŋo yeenin ni.

Aisaya 5:28

Bi peenii porime, ki bi tɔrbana teen siir nan tɔnu. Bi taanii taawoka wakii nan tann nae, ki bi taantorit fiia lintir nan sajaperinn na.

Aisaya 66:15

Yennu saa baar nan muue, ki baar nan sajaperinn na, ki dat binba ki u wutoor doo bi paak na tuba.

Jeremaya 10:19

Ki Jerusalem teeb yikin a, “Ti la daŋ bonchiann, ki ti fiat maŋ kan buuri, ki ti bo dukii a li tee linba ki ti saa fit gubin gaare.

Jeremaya 4:12

Yennu nba tur mɔb ki wouŋ nba baat na sii mɔk paŋ ki gar nna. Yennu tiɔŋ yeen a u saa dat u niib tuba.

Jeremaya 4:31

N gbat mɔŋ, ki li tee nan poo nba tuu yaa wun mar na, ki gbat wuyikiŋ ki li naan nan poo nba tuu yaa wun mar u sapaanmar na. Jerusalem mɔ ki loon wamaasin wun foont, ki tantir u nuu ki yeen a, “N boonta. Bi baate a bin kpin.”

Jeremaya 46:18

Min Yabint Yennu-e tee kpanbar. Mine tee Yennu nba fo na. Tabor kunkonn nba fɔk ki gar kunkonn kur, ki Kamel kunkonn nba kpia mɔkgbeŋir ki fɔk biaŋinba na, nnae ki wunba saa leka na paŋ sii tee.

Jeremaya 48:40

Yennu yet a digbanne saa tabint Moab teeb nan baakir nba tuu lat u kpinkpant ki tabint biaŋinba na,

Jeremaya 49:22

Datai na saa lek Bosra nan baakir nba tuu yit u kpinkpant ki siik nae. Li daar, jaŋmaanii saa soor Edom jab, nan poo nba tuu kar matdaaŋ paak ki jaŋmaanii mɔkɔ nae.”

Jeremaya 6:23

Bi jii bi tɔrbana nan takoobiiwa, ki tee tondamm nba ki tiin ninbaauko. Bi fuut tee nan mɔkgbeŋir nyun fuut nae, yoo nba ki bi jak taanii. Bi teen siire a bin faa Jerusalem tɔb.”

Jeremaya 9:19

Gbiintir mɔnii fuur Sayɔnn doo ni man a, “Ti boonta. Ti dii feiwa. Li tee tin nyi tiŋ na nie, kimaan bi bit ti ŋeiwa.”

Fabinii 4:19

Ki ti datai na tiin kakii ki gar baakir nba tuu tiantir sanpaapo biaŋinba nawa, ki wei berit, ki tɔkii ti sɔnbuka, jɔɔt ni, ki bɔr kunkoouk paak a bin soorit.

Esekiel 26:10

Ki bi taanii na saa gbit tangbiruŋ ki lin dɔkini. Bi taanii nba daar kunkɔntorit nan jika torit fuur saa jek i joona na, yoo nba ki bi gaar kɔɔ doo nba kpant langbent na tammɔi ni.

Esekiel 38:9

Ki ŋɔɔ nan u kunkɔnkɔnna, nan digbana niib bonchiann nba be u boor na, saa lek niib na nan wouŋ na, ki piin tiŋ na kur po nan sayuŋ na.”

Daniel 11:40

“Siria kpanbar naan gbennu-i nakin yoo nba, Ijipt kpanbar saa lekɔ, ki Siria kpanbar maŋ saa kɔn tookɔ nan u paŋ kur, ki sii dia taantorit nan taanii nan ŋarint bonchiann, ki saa lek digbana bonchiann nan nyunmɔnn nba tuu pubir na.

Daniel 7:4

Sinsinn yɔɔ na naan yanbɔre, ŋaan mɔk kpinkpant nan baakir na. Maa goriiɔ yoo nba, ki u kpinkpant maŋ tabit, ki u fiir set nan nirɔ na. Ki Yennu turɔ nisaarik yan.

Hosea 8:1

Yennu yet a, “Pebin naatunn na, kimaan dataie tut siik n tiŋ na paak, nan baakaa na. N niib na biir mɔlor nba ki n lor namm na, ki bia yêt n wannu na dianuwa.

Maika 2:4

Li yoo-i baar, niib tan saa jii i maame, ki li tee bonbiir nba tee siara, ki bi saa yin parbiir yanii nba na ki jiin i po a: Li biirit fas fasa. Yennu gaar ti tiŋ, ki jii tur niib nba soorit ki teent yommii na.”

Nahum 1:3

Yennu ki dont wutoor yian yiami, ŋaan u mɔk yiikoo, u kan ban te wunba tun biit n nyi tubdatu ni. Yennu-i somm siaminba, wouŋo fukitir; sanpagbante tee tangbiruŋ ki u taapant gbit.

Habakuk 1:8

“Ki bi taanii sii tiin nantaar ki gar naamuut, ki ton gar kinkata nba ki kon mɔkib, ki bi jab jakit taanii maŋ ki nyi digbanbanfɔka, ki baat, ki taanii na taawoka luk tiŋ. Ki bi laan tiŋ na paak, nan baakir nba tuu siik a wun soor nant na.

Sekaria 6:1

N din la yirintleer, ki yirintu maŋ ni, taantorit ŋanna nyii kutmɔnt jɔfɔkit ŋanlee sinsuuk ni, ki baat.

Matiu 24:30

Li yoo maŋ, niib tan saa la min nisaarik Bik jenu nyinn sanpaapo, ki nibooru booru nba be tingbouŋ na ni kur tan sii fabin, ki la min nisaarik Bik, ki n be sanpagbouŋ ni, ki siik nan paŋ nan yentsaakar.

Sennu 28:49

Yennu saa nyi nan nisiab banfɔkira, niib nba ki i ki mi bi maami, ki bi saa lan i paak nan kɔnbakper na.

Fiitu 1:7

Gotir man, u sii be sanpagbant ni ki baar. Sɔɔ kur ninbina tan saa lau, nan binba din ŋmu-u na gbaa. Yoo nba ki u sii baat na, tingbouŋ na niib kur saa bui u paak. Mamɔmm, li saa teen nnawa.