Jeremaya 37:10 - Yennu Gbouŋ Mɔɔr

¹⁰ Li-i lekii tee ki i nyann Babilonia jab kur, ki binba ki i paamm danii na kɔɔ biar ki dɔɔ bi lanbont ni, ŋaan bi saa fit fiir joo doo na kur muuwa.”

Jeremaya 37:10 Iomraidhean Croise

Aisaya 10:4

Bi tan saa kpi-i tɔbii nie, koo ki soori ki teeni yommii, ŋaan Yennu wutoor lek bia kan maaki, u nuu bia sii tiane a wun dat i tuba.

Aisaya 13:15

Bi-i soor wunba kur, bi saa jii juke ki kpiu.

Aisaya 14:19

ŋaan fin ki mɔk kaauk, ki bi lu a gbanant a lin bat. Ki jab nba ki bi kpiib tɔb ni na gbanant piin a yar, ki bi kpab nann ki lu tana bootuk ni, ki ŋmaa li paak.

Aisaya 30:17

I jab tusir-i la datai na jɔɔ yenɔkɔɔ, ŋaan i jab tusir maŋ saa chiare, ki jab banŋmu saa fit te ki i kur n chiar yaat. I jab na sɔɔ kan biar, see fariŋ na kɔɔe saa biar, ki be kunkonn yur paak.

Jeremaya 21:10

N lorin nan man biir doo nae ki daa nyikitiri-i. N saa jiir ki tur Babilonn kpanbar ki wun joor muu. Min Yennu-e pak na.”

Jeremaya 32:29

ki joor muu. Bi saa joo li kur muu, ki kpab nan ŋei nba ki bi jokin bonnunubit li ni ki tur tingbann Baal ki donn n wutoor na. Bi jokin bonnunubit maŋ ŋei na yur paake, ki bia mɔ daan piinii ki teen yenbis.

Jeremaya 37:11

Babilonia jab na din nyii Jerusalem ki ŋmat, kimaan Ijipt jab na din baate a bin somm Jerusalem teeb.

Jeremaya 37:8

ki Babilonia jab na saa jen ki tan lek doo na, ki nyannir, ki joor muu.

Jeremaya 49:20

Li paak, gbiintir lor nba ki n mɔk ki jiin Edom teeb biiru po na, nan maa loon man tun linba ki tur Temann doo niib na. Nisiab saa soor bi waas gbaa ki yaat namm, ki li saa soor sɔɔ kur jaŋmaanii.

Jeremaya 50:45

Li paak, gbiintir man bonbiir nba ki n lor Babilonn doo paak, nan maa loon man tun linba ki tur li niib. Bi saa soor bi waas gbaa ki yaat namm, ki li saa soor sɔɔ kur jaŋmaanii.

Jeremaya 51:4

Bi saa la danii, ki kpo bi doi sɔnii ni.

Fabinii 1:15

“Yennu laa n kunkɔnkɔnwakita nba ki n mɔk nae; u te ki kunkɔnkɔnna baar kpii n naasinpaauŋ nawa. U mat n niib na ki li tee nan daan tilɔɔna nba ki bi ŋmaan ki nyint nyun nae.

Joel 2:11

Ki Yennu kunkɔr tantir u kunkɔnkɔnna na paak, ki kunkɔnkɔnna nba sak u mɔb na yab bonchiann ki bia paar. Li tan sii bi bonchiann Yennu daar na ni. Lamme tan saa nyi li ni?