Jeremaya 33:13 - Yennu Gbouŋ Mɔɔr

¹³ Ki doi nba be kunkona digbann na ni, nan li kunkonbis ni, nan Juda yent diitu po, nan Benjaminn yent ni, nan doi nba lint Jerusalem na ni, nan Juda yent doi nie ki pekpaarii tan saa ŋamm kan bi pei. Min Yennu-e pak na.”

Jeremaya 33:13 Iomraidhean Croise

Jeremaya 17:26

Niib saa nyi Juda doi ni, nan Jerusalem digbanbis nba kook na ni, ki saa nyi Benjaminn yent ni, nan kunkonbis ni, nan kunkona paak, nan Juda yent diitu po, ki baar. Bi saa baar nan mujoonu piinii, nan marint, nan jeet piinii, nan bonnunubit, nan niipoturu piinii, n jiantu ŋasaakak ni.

Jeremaya 31:12

Bi saa baar ki yin nan kpinkpammuk Sayɔnn kunkonn paak, ki bi para sii mei n piinii paak, ŋanne tee jeet nan tilɔɔna daan nan kpan nan bonkobit. Bi sii tee nan kpabik nba ki bi maantir nyun fanu nae, bi sii mɔk linba kur ki bi loon.

Jeremaya 32:15

Yabint Daanɔ nba tee Israel teeb Yennu na yet a bi saa ŋamm daa ŋei nan tinii nan daan tiinii kpaant, tiŋ na ni.”

Jeremaya 32:44

Niib saa daar, ki sɔb bi sana li gbant ni, ki loon ki siara damm n set. Linba na saa tun Benjaminn yent ni, nan doi nba lint Jerusalem na ni, nan Juda yent doi ni, nan kunkona tiŋ na doi ni, nan kunkonbis doi ni, nan Juda yent diitu po doi ni. N saa jiin kaan niib na bi tiɔŋ tiŋ niwa. Min Yennu-e pak na.”

Esekiel 20:37

“N saa dia-i nan mabire, ki te yin sak mɔlor nba ki n senn na.

Liifai teeb 27:32

Ŋaak ni bonkobuk booru kur kann piik ni yennkɔɔ tee Yennu yare.

Obadia 1:20

Ki Israel kunsɔntinna nba be Keenann tiŋ ni na saa kɔn nyann Fonisia ki saan niigaŋ po ki saa tuu Sarefaf, ki kunsɔntinna nba nyii Jerusalem ki be Saadis na saa fat Juda niidiitu po digbana.

Barŋanii nba ki LUK din sɔb nae na 15:4

“I yenɔ-i mɔk pei kobik, ki yenɔ tan boti, u saa teen nlee? See ki u nyik pei piinyia nan banyia na muuk ni, ŋaan saan lon peeuk nba bot na nan waa tan saa lau.