Jeremaya 32:41 - Yennu Gbouŋ Mɔɔr

⁴¹ Li sii manin nan mii tuun toonŋana kii teemm, ki n saa kaanib fanu, tiŋ na ni.

Jeremaya 32:41 Iomraidhean Croise

Yaŋ 80:8

A nyii nan tiik nyakir Ijipt tiŋ nie, ki ber digbanlia, ki nyinnib, ŋaan bur nyakir maŋ bi tiŋ ni.

Aisaya 60:21

A niib kur sii tuun linba ŋan, ki saa yent tiŋ na yaayoo siiyoo. Mine namm ki kaamm a man fiit n yabint ki wann sɔɔ kur.

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Aisaya 62:5

Naasimɔ nba tuu ji sapaanmunn ki teenɔ u poo biaŋinba na, nnae ki a naamiidaanɔ saa kɔɔna. Naasimɔ par nba tuu mei u poo paak biaŋinba na, nnae ki Yennu par sii mei a paak.

Aisaya 65:19

N mɔŋ saa gbee nan parpeenne, kimaan Jerusalem nan li niib paak. Mɔŋ sii kaa leŋ, sɔɔ kii boi sommir po.

Jeremaya 18:9

Li mun bia tee nnae, li-i tee ki n yet nan n saa bur, koo ki maa digbann, koo naan yent nba,

Jeremaya 24:6

N sii guub ki tan jen namm tiŋ na ni. N saa te ki bin doe; n kan te bin baa kaa. N saa buribe; n kan ŋabirib kaa.

Jeremaya 31:28

Ki maa la yaak nba ki ŋabir, ki daa bir, ki ber, ki biir, ki bet na, nnae ki n saa bia la yaak ki burib ki bia maa donnib.

Esekiel 36:36

Ki boorganu niib nba kpia-i ki tenn mɔk manfoor na, saa bann nan min Yennu-e tuu ŋamm fiin doi nba tee langbent, ki bia ŋamii buur sarwaat ni. Min Yennu senn mɔsonn nan n saa tun linba nawa, ki set saa tuma.”

Hosea 14:5

N sii tee nan saak nba tuu baa tinkooŋ paak nae ki tur Israel teeb, ki bi saa yit nan tipuut nae, ki saa baa jiina fanu nan Lebanonn tiinii nba tee biaŋinba na.

Amos 9:15

N saa kaan n niib tiŋ nba ki n turib na niŋe, ki sɔɔ ji kan ban fiimmi.” I Yomdaanɔ Yennu-e pak na.

Maika 7:18

Yennu, sɔɔ kaa ki tee nan fin na; a nyik chab a niib nba tinn na yanbɔmma. A ki biat a wutoor ni mɔkmɔk nan mɔkmɔki, ŋaan li mana ki a wantit a lomm nba kaa gbennu.

Sefania 3:17

I Yomdaanɔ Yennu be nani; u yiikooe teeni nyannu. U par sii peen i paak, ki u saa turi manfopaann, u lomm ni. U sii yiin yanii ki mɔk kpinkpammuk i paak.

Sennu 28:63

Nan laa maŋ Yennu ki u te ki i mɔkit ki bia pɔt na, ŋaan li bia saa maŋɔ nnae ki u saa te yin boont. Ki u saa ŋabiri tiŋ nba ki i kɔɔ a yin kar na ni.

Sennu 30:9

Yennu saa te ki yin mɔkit toona nba kur ki i tuun ni. Ki i sii mɔk waas nan bonkobit bonchiann, ki i tiŋ saa nan jeet bonchiann. Ki u sii mɔk parpeenn nan wun te ki yin mɔkit, nan waa din mɔk parpeenn nan i yeejamm n mɔkit biaŋinba na.