Jeremaya 32:15 - Yennu Gbouŋ Mɔɔr

¹⁵ Yabint Daanɔ nba tee Israel teeb Yennu na yet a bi saa ŋamm daa ŋei nan tinii nan daan tiinii kpaant, tiŋ na ni.”

Jeremaya 32:15 Iomraidhean Croise

Aisaya 44:26

Ŋaan n toontunnɔ-i bunt buntir, koo mi-i tun toomii a wun wann n lora, n tuu te ki buntir na, nan n lora na n teen mɔniie. N pak Jerusalem, a niib tan saa ŋamm kar leŋ, ki pak Juda doi, a niib tan saa ŋamm maab. Bi saa ŋamm ki fiin doi maŋ langbent.

Jeremaya 30:18

Ki Yennu yet a, “N saa jiin kaan n niib bi tiŋ ni, ki sii mɔk ninbatinu ŋaak kur paak, ki bi saa ŋamm maa Jerusalem nan li naan ŋaak.

Jeremaya 31:12

Bi saa baar ki yin nan kpinkpammuk Sayɔnn kunkonn paak, ki bi para sii mei n piinii paak, ŋanne tee jeet nan tilɔɔna daan nan kpan nan bonkobit. Bi sii tee nan kpabik nba ki bi maantir nyun fanu nae, bi sii mɔk linba kur ki bi loon.

Jeremaya 31:24

Niib sii be Juda tiŋ nan li doi kur ni, ki kpaara sii be, ki pekpaarii be nan bi pei.

Jeremaya 31:5

ki bia saa ŋamm bur daan tiinii Samaria kunkona paak, ki binba bur tiinii maŋ saa di li lɔɔna.

Jeremaya 32:14

“Yabint Daanɔ nba tee Israel teeb Yennu wanna nan a jii gbant na, linba loon na nan linba ki loon na, ki kpeenir yɔkbobir ni, ki lii be li ni ki wei.

Jeremaya 32:25

ŋaan fin Yabint Yennu-e wannin nan n daa tiŋ na, siara damm numm ni, ŋaan ki Babilonia teeb lek yaa bin nyann doo nae.”

Jeremaya 32:37

N saa tikir niib maŋ ki nyi namm digbana nba ni ki n wutoor din doo ki n par biir, ki n yatib ki saan namm na, ki jen namm nna, ki te bii be bi yamani.

Esekiel 28:26

Ki bi saa kar leŋ nan gbananmaasu, ki maa ŋei, ki bia bur tilontii. Ki n saa dat bi leeb nba kur butimm na tuba, ki Israel teeb na ji sii be bi yamani, ki ji bann nan mine tee bi Yomdaanɔ Yennu.”

Sekaria 3:10

Li daar maŋ, sɔɔ kur tan saa yiin u ŋakpiak, ki wun baar u ŋaak ni, ki chent nanɔ u parmaasir nan yamani binbeŋ, u tilontii nyaka.” Yabint Yennu-e pak na.