Jeremaya 31:7 - Yennu Gbouŋ Mɔɔr

⁷ Ki Yennu yet a, “Yinin yanii nan parpeenn ki tur Israel nba tee digbana kur digbanjaann na. Yinin i dontir yaŋ a, ‘Yennu tinn u niiba, u fat binba kur biar nawa.’

Jeremaya 31:7 Iomraidhean Croise

Yaŋ 106:47

Ti Yomdaanɔ Yennu, tintit, ki nyinnit digbana na ni, ki tii mɔk niipoturu ki dont a kasii sann.

Yaŋ 126:2

Ti din laa laat, ki bia yin parpeenn yanii bonchiann, ki digbanlia niib na pak ki jiin ti po a, “Yennu tun toonjaana bonchiann ki turib.”

Yaŋ 14:7

N mei Yennu-e a nyannu n nyi Sayɔnn ki baar u niib Israel teeb paak. Yoo nba ki Yennu saa te ki Israel teeb na n mɔkit na, bi tan sii mɔk parpeenn bonchiann.

Yaŋ 28:9

Yennu, tint a niib, ki teen piisin bi paak, kii kpaarib nan yoo nba kaa paak.

Yaŋ 67:1

Yennu, a tinit ninbaauk, ki teen piisin ti paak, ki gotit nan burchint,

Yaŋ 69:35

kimaan u saa tinn Jerusalem-a, ki bia ŋamm maa Juda dolia, ki u niib saa kɔɔ kar leŋ ki yent tiŋ na;

Aisaya 1:9

Yabint Yennu-i bonni kii foor siab, Jerusalem bo saa biire nan Sodom nan Gomora doi na.

Aisaya 11:11

Li daar-i baar, Yennu saa ŋamm jii u paŋ na ki jen nan u niib nba biar Asiria nan Ijipt nan Patros nan Sudann nan Elam nan Babilonn nan Hamaf tinii ni, nan mɔkgbiant nan nyun ni kunkona paak na, bi doi ni.

Aisaya 37:31

Binba tinn ki be Juda sii mɔkitir nan tiik nba ki u jiina tuu sik tinpɔɔr ni, ki u loon lɔɔna biaŋinba nae.

Aisaya 37:4

Asiria kpanbar tun u kunkɔnkɔnna saakawakitire, ki u baar sukii Yennu nba fo na. A Yomdaanɔ Yennu n gbat sukit na, ki dat binba sukii na tuba. Li paak, a miar Yennu ti niib nba daa tenn na paak.”

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 52:8

Binba guu doo maŋ na lakin hoot parmaasir hootiie. Bi fit laat nan bi tiɔŋ ninbina biaŋinba ki Yennu jent Sayɔnn.

Aisaya 61:9

Bi sii tee niyikae digbana niib boor. Wunba lab saa bann nan bi tee niib nba ki n teen piisin bi paake.”

Jeremaya 20:13

Yinin yaŋ ki tur Yennu. Dontir Yennu. U nyinn binba di biak na biit damm na nuu niwa.

Jeremaya 23:3

N saa taan n niib nba biar na, ki nyi namm digbana nba ki n din yatib na ni, ki jen namm bi dantiŋ ni. Bi saa pɔt pukin, ki sii yab bonchiann.

Jeremaya 3:23

Ti ki la sommir ti kunkona paak tingbana jiantii ni. Timm Israel teeb sommir nyi ti Yomdaanɔ Yennu kuukɔɔ boore.

Jeremaya 31:12

Bi saa baar ki yin nan kpinkpammuk Sayɔnn kunkonn paak, ki bi para sii mei n piinii paak, ŋanne tee jeet nan tilɔɔna daan nan kpan nan bonkobit. Bi sii tee nan kpabik nba ki bi maantir nyun fanu nae, bi sii mɔk linba kur ki bi loon.

Fabinii 1:1

Jerusalem doo nba tuu gbee nan niib na ji dɔɔ yanne. Durinya na niib din baakitɔ, ki mɔtana ki u ji tee nan pakɔɔk na; u tuu tee digbanjaanne ki gar digbanlia, ŋaan ji biir ki butin.

Esekiel 6:8

“N saa te siab n nyi kuun na ni, ŋaan ki n yatib digbangana ni,

Hosea 1:7

Ŋaan Juda teeb ŋarin, n sii mɔk lomm namm. Min, bi Yomdaanɔ Yennu, saa tinniba, ŋaan n kan tinnib tɔb ni kaa, koo ki jii jukbanjiak, koo tɔrbana nan peenii kaa, koo ki jii taanii nan taanjakira kaa, ki tinnibi.

Joel 2:32

Ŋaan binba kur tan boin sommir po saa la tinnu. Niib nba be Jerusalem, bi siab saa la fatu, ki binba ki n gannib na sii mɔk manfoor nan min Yennu nba yet biaŋinba.”

Amos 5:15

Ii nan toonbiit, ŋaan kii tuun toonŋana, ki te barmɔnii-ii piak buut bunu ni. Li pasiar, Yennu sii mɔk ninbatinu digbann na niib nba tenn ki mɔk manfoor na paak.”

Maika 2:12

“Ŋaan yimm Israel teeb nba biar na, n saa taani bɔyennkɔɔ nie. N saa taani nan pei nba tuu jen pelook ni biaŋinba na. Ki i bia sii tee nan pei nba tuu gbee pekpaarboor na, ki i tiŋ saa ŋamm gbee nan niib bonchiann.”

Maika 7:18

Yennu, sɔɔ kaa ki tee nan fin na; a nyik chab a niib nba tinn na yanbɔmma. A ki biat a wutoor ni mɔkmɔk nan mɔkmɔki, ŋaan li mana ki a wantit a lomm nba kaa gbennu.

Sefania 2:9

Barmɔnii, min nba tee Israel teeb Yennu nba fo na, n por nan n saa biir Amonn nan Moab tinii, nan maa din biir Sodom nan Gomora doi nae. Bi tiŋ maŋ saa kpant yaaboote, ki sii yɔɔ tee langbent, ki mɔɔt n pia ki loonir. Ki n niib nba tinn na saa fat bi tiŋ ki yentir.”

Rom Teeb 11:5

Li tee nnae mɔtana. Israel teeb waaminnae daa be ki Yennu gannib u ninbatinu paak.

Rom Teeb 9:27

Yennu sɔkinii Aisaya din pak jiin Israel teeb po ki yet a, “Israel teeb-i lekii yab nan mɔkgbeŋir tanbiinii na, ŋaan bi waaminnae saa tinn;

Sennu 28:13

I Yomdaanɔ Yennu saa te ki yii tee yudamm digbana bonchiann ni, ŋaan i kii tee binba waa leeb poor kaa, i sii mɔkitire yoo kur, i kii kɔŋit siar, li-i tee ki i mɔk mɔsaku fanu nan u sennii nba ki n teeni dinna na.

Sennu 32:43

“Digbana teeb, ii dont Yennu niib, Yennu saa dat binba kpib na kur tuba. U tuu dat u datai tubae, ŋaan nyik chab u niib bi biit.”