Jeremaya 31:35 - Yennu Gbouŋ Mɔɔr

³⁵ Yennu-e tur yonnu ki li teent yentu daar ni, ki turit ŋmaarik nan ŋmaabira ki li teen yentu nyiɔk. Ŋɔɔe tuu kut mɔkir ki te ki li fu, u sanne Yabint Yennu.

Jeremaya 31:35 Iomraidhean Croise

JOB labaar 26:12

U paŋe ki u jii ki nyann mɔkgbeŋir, ki bia jii u bannue ki biir mɔkgbeŋir ni bonsusoouk nba ki bi yiu Rahab na.

JOB labaar 38:33

A mi sennu nba dia sanpaaki-i? Ki a saa fit te sennu maŋ n dia tingbouŋ na-a?

Yaŋ 106:9

U din yet Mɔkmuŋ na, ki li fɔɔr; ki u poon u niib tinkooŋ paak.

Yaŋ 119:89

Yennu, a mɔmaan sii yɔɔ be-e, li yɔɔ be-e yendɔuŋ ni.

Yaŋ 119:91

A sennu na paake te ki bona kur biar be, kimaan bi kur tee a daabae.

Yaŋ 148:6

U sennue din te ki bi be bi binbeboa yaayoo siiyoo, ki kan fit yêt u mɔb.

Yaŋ 72:17

ki daa te bi tammit kpanbar na sann po; ki te ki u sann n wei nan yonnu na; ki digbana kur n boi Yennu ki wun teen piisin bi paak nan waa teen kpanbar na paak biaŋinba na.

Yaŋ 72:5

A te a niib na-ii yɔɔ kii jiantira nan yonnu nba yɔɔ do na, kii biaki jiantira nan ŋmaarik nba yɔɔ do na, ki saa tuu yoo nba kaa gbennu.

Yaŋ 74:13

ki jii a panchiɔŋ ki te mɔkgbeŋir bɔkit, ki faa yeer bonsusoot nba be nyun ni na yura.

Yaŋ 74:16

Fine din nan yonnu nan nyiɔk, ki senn yonnu nan ŋmaarik, ki bi be bi binbeboa.

Yaŋ 78:13

Yennu din bɔkit mɔkgbeŋir ki te ki bi somm gar li ni, ki te nyunpana set nan joona na.

Yaŋ 89:2

N saa wann nan a lomm see-e kenken yoo kur, ki bia wann nan a barmɔnii binbeŋ be-e fanu nan sanpagbouŋ na.

Aisaya 48:2

ŋaan bia faa parbia ki yeen a i tee kasii doo na niibe, ki gaa Israel teeb Yennu nba sann tee Yabint daanɔ Yennu na paak.

Aisaya 51:15

“Mine tee i Yomdaanɔ Yennu, mine tuu gbit mɔkgbeŋir, ki te li nyunpana fu fuut. N sanne tee Yabint Yennu.

Aisaya 54:5

A nantɔɔ sii tee nan sɔrɔ nae ki tura. U sanne tee Yabint Yennu. Israel teeb kasii Yennu saa tinna, ŋɔɔe tee durinya na munn diatɔɔ.

Aisaya 63:12

Yennu nba din jii u paŋ ki tun toonjaana ki li nyii Moses ni, ki u bɔkit mɔkgbeŋir nyun, ki tɔkin nan u niib li sunsuŋ ni, a wun la sangbeŋir nba sii yɔɔ be na, ji be lia?” Yennu-e din gar bi tɔɔnn, ki bi somm nan taanii na, ŋaan ki ki gbiat.

Jeremaya 10:16

Israel teeb Yennu na ki tee nan pata maŋ na kaa, ŋɔɔe nan bona kur, ki gann Israel teeb a bii tee u tiɔŋ niib; u sanne tee Yabint Yennu.

Jeremaya 32:18

A wann a lomm nba kaa paak na ki tur niib tusaa, ŋaan a mun bia daar niib tuba, bi damm biit paak. A tee Yenjaann nba mɔk yiikooe, ki tee Yabint Yennu.

Jeremaya 33:20

“N lor mɔlore ki tur yonnu ni nan nyiɔk a bin tuu baar bi binbaar yoo, ki li mɔlor kan ban loti.

Jeremaya 33:25

Ŋaan min Yennu mɔk mɔlor ki tur yonnu ni nan nyiɔk, ki bia senn sennii nba dia tingbouŋ nan sanpaak.

Jeremaya 33:26

Maa tun bona na biaŋinba na, nnae ki n saa dia n mɔlor nan Jakɔb yaaboona nan n toontunnɔ Defid. N saa gann Defid yaaboona na yenɔe ki wuu dia Abraham nan Aisak nan Jakɔb yaaboona. N sii mɔk ninbatinu nan n niib, ki te bin mɔkit.”

Jeremaya 46:18

Min Yabint Yennu-e tee kpanbar. Mine tee Yennu nba fo na. Tabor kunkonn nba fɔk ki gar kunkonn kur, ki Kamel kunkonn nba kpia mɔkgbeŋir ki fɔk biaŋinba na, nnae ki wunba saa leka na paŋ sii tee.

Jeremaya 5:22

n tee Yennu-e. I kan tinin jaŋmaanii-i? I bo kii baantir kaa n boori-i? Mine nan tanbiiuŋ ki li kɔr mɔkgbeŋir, ki tee kɔru nba ki li kan ban yakir li paak yaayoo siiyoo. Nyunpana sii labin ki mɔk fuut, ŋaan kan fit do li paak.

Jeremaya 50:34

Ŋaan wunba saa fatib na mɔk paŋ. U sanne tee Yabint Yennu. Ŋɔɔ tiɔŋo saa gaar bi paak, ki baar nan parmaasir tingbouŋ na paak, ŋaan bia baar nan biak Babilonn teeb paak.”

Jeremaya 51:19

Jakɔb Yennu na ki tee nan ŋamm na kaa. Ŋɔɔe tee wunba nan bont kur, ki gann Israel teeb a bii tee u tiɔŋ niib. U sanne tee Yabint Yennu.

Hosea 13:14

N kan tinn niib na ki bi daa saa kpeentiŋi, koo ki fatib kuun paŋ ni. Kuun, baat nan a yiaryoonn na. Kpeentiŋ, baat nan a biiru na. N ji kii mɔk ninbatinu nan niib na.

Amos 9:8

Min Yabint Yennu gorii Israel nigbouŋ nba tee toonbiit damm nae, ki saa boontib tingbouŋ na paak, ŋaan n kan boont bi maaru kuri.

Matiu 5:45

Ŋanne saa te ki i set tee i Baa Yennu nba be sanpaapo na waas, kimaan ŋɔɔe te ki yonnu do nibiit nan niŋamm paak, ki bia te saak baa nibiit nan niŋamm doi ni.

Sennu 4:19

I daa te ki sɔɔ kpanni nan yin gbaan ki jiant linba ki i laat sanpaapo na, laa tee yonnu koo ŋmaarik koo ŋmaabira. Ti Yomdaanɔ Yennu jiir ki tur nileeb nba tenn nae, a bii jiantir.