Jeremaya 31:25 - Yennu Gbouŋ Mɔɔr

²⁵ N saa maan binba bak na gbanu, ki bia gboon wunba ki kon baŋɔ.

Jeremaya 31:25 Iomraidhean Croise

Yaŋ 107:9

Ŋɔɔe gboont binba ki nyunnyukuru mɔkib na, ki bia gboont komma nan jeŋant.

Yaŋ 23:3

U ŋammit teenin paŋ. U sanŋann paak, ki u ŋmakitirin sɔnjouk nba ŋan ni.

Aisaya 32:2

Bi tan sii tee nan wondɔkitir, koo satekitir nae. Bi sii tee nan kpenii nae ki puub kunkoouk paak, ki bia tee nan tinperik paak tanjagbouŋ yunyuŋ na.

Aisaya 40:29

Ŋɔɔe teen binba bak ki chɔk na paŋ.

Aisaya 41:17

“N niib nba tee tarii na kunkɔra-i koor, ki bi loon nyun yoo nba, min Yennu saa gat bi miaru. Min Israel teeb Yennu na kan ban nyɔr nyikibi.

Aisaya 50:4

Yabint Yennu wannin maa saa pak linbawa, ki n saa fit kɔɔn binba chɔk na paŋ. Sanyiɔk kur, u te ki n numm mɔne nan man gbiint linba ki u saa wannin.

Jeremaya 31:12

Bi saa baar ki yin nan kpinkpammuk Sayɔnn kunkonn paak, ki bi para sii mei n piinii paak, ŋanne tee jeet nan tilɔɔna daan nan kpan nan bonkobit. Bi sii tee nan kpabik nba ki bi maantir nyun fanu nae, bi sii mɔk linba kur ki bi loon.

Jeremaya 31:14

N saa gboon mannteeb nan jeet nba ŋan, ki tur n niib, bi bonloŋa kur. Min Yennu-e pak na.”

Esekiel 34:14

N saa te ki bin ŋman bi yamani, Israel kunkona na paak kpinkpaar boor, nan li baat ni, nan tiŋ na bonkob-kpaarboa nba ŋan ni.

Matiu 11:28

“Yimm nba tun toona ki jii jik-kpiata ki bak na, baat n boor man, ki n turi foon.

Matiu 5:6

“Binba ninbina mɔn ki bi para lakib nan Yennu toona, parpeenn tee bi yare, kimaan Yennu saa gboomm bi para nba lakib linba paaka.

Barŋanii nba ki LUK din sɔb nae na 1:53

ki gboon komma jeŋant, ŋaan te ki mɔkita ŋmat niikoonii.

Jɔɔnn 4:14

ŋaan mi-i tur wunba n nyun na ki u nyuu, nyunnyukuru kan mi soorɔ, kimaan mi-i tur wunba n nyun na, li sii bunii manfoor nyume u ni, ki bia turɔ manfoor nba kaa gbennu.”

2 Korint teeb 7:6

ŋaan Yennu nba maant binba mɔk parbiir para na daan te ki Taitus baar ti boor, ki tan maan ti parawa. U baaru ti boore daan te ki ti para maak.