Jeremaya 31:21 - Yennu Gbouŋ Mɔɔr

²¹ Teent nyina ki dɔk sɔnu na. A ŋamm la sɔnu nba ki a tɔkin ki yaat na. Jenin man, yimm Israel teeb, jenin doi nba ki i din nyii na ni man.

Jeremaya 31:21 Iomraidhean Croise

1 Barkperii 29:3

Maa lek lon linba na, ŋaan n bia nyinn salimpeena nan salimmɔna n tiɔŋ jafaa ni ki pukin, kimaan n mɔk lomm nan Yennu ŋasaakak na paak.

2 Barkperii 11:16

Israel booru kur ni, binba ki bi para lakib nan bin jiant ŋamm Israel teeb Yomdaanɔ Yennu na din wei Liifai teeb, ki saan Jerusalem, a bin mann maruŋ ki tur bi yeejamm Yomdaanɔ Yennu na.

2 Barkperii 20:3

Jaŋmaanii din soor Jehosafat, ki u miar Yennu ki boi sommir po, ŋaan te ki bi lor mɔi digbann na kur po.

Yaŋ 62:10

A daa tee yada a fatuk ni, a bia daa mɔk japaat nanyuk bona paaki. A mɔkint-i lekii pukin biaŋinba, ŋaan a daa maa li paaki.

Yaŋ 84:5

Binba ki bi paŋ nyi a boor na, parpeenn tee bi yare, ki tee binba jii bi para ki teen siir nan bin saan Sayɔnn kunkonn boor na.

Barjokit 24:32

Ki n got kpaab maŋ, ki dukin li po, ki la yan.

Aisaya 48:20

Ii nyi Babilonn kii saa i yamani; Ii hoot nan parpeenn ki jiin barŋanii maŋ po, ki ŋaan sɔɔ kur n gbat siar kur boor a, “Yennu tinn u toontunna Israel teeba.”

Aisaya 57:14

Ki Yennu ŋamm yet a, “Ŋaant ki n niib n ŋmat jen n boor. Bakint bonjarkar kur bi sɔnu ni, faan sɔnu ki teenir siir.

Aisaya 62:10

Jerusalem teeb, nyimin doo na ni man, ki faa sɔnu ki tur i niib nba jent na. Faan sɔnjar ki gbab tana. Ii teen dɔk ki digbana na n bann

Jeremaya 3:12

Yennu pakin a n saan pak Israel a, “Fin Israel, bonchonchonn na, jenin n boor. N mɔk ninbatinu, ki kan donn wutoori. N kan ban donn wutoor a paak yaayoo siiyoo.

Jeremaya 3:14

“Yimm nba ki waa min Yennu na, jenin man, i tee n niibe. N saa nyinni yenɔ yenɔ doo kur ni, ki nyinni banlee-lee yeeja ŋaak kur ni, ki jen nani Sayɔnn kunkonn paak.

Jeremaya 31:4

N bia saa fiiniwa. I saa ŋamm jii i naayaka ki waa waak nan parpeenn,

Jeremaya 46:11

Ijipt teeb, ii saa Gilead tiŋ ni ki saa lon tebuk. I tebuk na kur tee yanne; siar kaa ki saa turi laafia.

Jeremaya 50:5

Bi saa boi Sayɔnn sɔnu po, ki tɔkin li po. Bi saa lor mɔlor kangbennuk nanin, ki kan ban biir mɔlor maŋ.

Jeremaya 51:50

Yennu piak teen u niib nba be Babilonn a, “I nyii kuun niwa. Ii saa man. I daa taantir. Yaa lek fɔk nan i doo na, ŋaan ii dukii min nba tee i Yennu na po, kii tian Jerusalem po.

Jeremaya 51:6

Chiat ki nyi Babilonn man. Tinin, ki tinn i manfoor man. I daa te ki bi kpi-i Babilonn teeb biit paaki. N pa bi panne, ki daar bi tuba nan laa jaŋib na.

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Esekiel 40:4

Ki u yetin a, “Nisaarik, ii guu. Gbiintir fanu, ŋaan got diit linba kur ki n wanta na, kimaan linba na paake teen ki n baar nana nna. Ki a saa yet Israel teeb na linba kur ki a saa la.”

Hagai 1:5

I ki laat linba tuumii na-a?

Sekaria 10:9

Mine lek yatib ki kɔɔmm digbangana ni, ki bi be banfɔkir, ŋaan bi sii tian n po. Ŋamm nan bi waas saa foor ki tɔk jen.

Sennu 32:46

ki u yetib a, “Ii bann i yan ni man, ki sak wei sennu nba ki n teeni dinna na kur fanu. Ii jiir ki wann i waas ki bii dia Yennu sennii maŋ kur.