Jeremaya 31:18 - Yennu Gbouŋ Mɔɔr

¹⁸ “N gbia ki Israel teeb piak nan parbiir a, ‘Yennu, ti tuu tee nan bonkobyiɔk nae, ŋaan a tumiit mɔsakuwa. Jenin nant, ti teen siir nan tin jen a boora, fin nba tee ti Yomdaanɔ Yennu na.

Jeremaya 31:18 Iomraidhean Croise

JOB labaar 5:17

Parpeenn be daanɔ nba ki Yennu ŋmakitirɔ na paak. A daa biir a par, li-i tee ki u yakii nana.

Yaŋ 118:18

U dat n tubir bonchiann, ŋaan u ki te ki n kpo.

Yaŋ 119:67

N tuu tuun ki kpete, ki a daar n tubir, ŋaan mɔtana n saak a mɔb.

Yaŋ 119:75

Yennu, n mi nan a sennii tee kasiie, ki a mɔk mɔnii nan faa dat n tubir na.

Yaŋ 31:15

N sii yɔɔ be a nuu ni, ki a fatin n datai boor, ki bia fatin binba waan a bin biirin na boor.

Yaŋ 32:9

A daa jatikit nan taamm koo boŋ nba ki mɔk yan, ki bi ŋmakitirɔ nan taanbobit nan taangarikawa, ki u fit saak mɔb na.”

Yaŋ 80:19

Yabint daanɔ Yennu, a tinit ninbaauk, ki ŋaan ki tin jen a boor, ki la tinnu.

Yaŋ 80:3

Yennu, ŋaant ki tin jen a boor, a tinit ninbaauk ki tin la tinnu.

Yaŋ 80:7

Yabint Yennu, a tinit ninbaauk ki ŋaan ki tin jen a boor ki la tinnu.

Yaŋ 85:4

Yennu, fine tee ti tinntɔɔ, jenin nant, ki nyik, ki daa dont wutoor nanti.

Yaŋ 94:12

Yennu, parpeenn be daanɔ nba ki a tumiiɔ na paak, wunba ki a wantɔ a sennu na.

Barjokit 26:3

See ki a dia taamm nan tangarika, ki dia boŋ nan gbann, ki jatuk mun, fan boou lanbann.

Barjokit 29:1

Bi-i kpaana yoo kur ki a tee tubkpaasuk, dasiar a tan saa kɔɔ biiru nie, ki gbar nyinu.

Barjokit 3:11

N bija, Yennu-i ŋmakitira yoo nba, fan gbiint fanu, ki gaar nan li tee kpaaniie.

Aisaya 1:5

Bee ki i tukin tee mɔyêtuk dammi? I loon yin la tubdatu bonchianne-e? Israel teeb, i yura poŋ gbee nan fiate, ki i para nan i yan ji kaa laafia.

Aisaya 51:20

Sɔngɔnt boor kur, gbananchɔkinte tuu te ki a niib n baa, bi tee nan waarɔ baruk nba tuu soor piarɔ nae. Yennu wutoor paŋ na gbatiba.

Aisaya 53:7

“Bi din diau ninmɔnne, ŋaan ki u gubin gaar nan sikin-n-mɔŋ; u din ki pak nan mɔbonna, ki tee nan pegann nba ki bi tuu yaa bin kɔtɔ na, ki bia tee nan peeuk nba ki bi tuu yaa bin koor u kobit na, u din ki pak nan mɔbonna.

Aisaya 63:16

Fine tee ti baa. Ti yeejamm, Abraham nan Jakɔb ki gaariti, ŋaan fin Yennu-e tee ti baa nba yɔɔ tintit.

Aisaya 9:13

Israel teeb ki nyik bi toonbiiti; Yabint Yennu nba lek dat bi tuba na, ŋaan bi ki jen u boori.

Jeremaya 17:14

Yennu, tebimin, ki n saa la laafia fanu; tintin, ki n sii be n yamani fanu. N dontir fine.

Jeremaya 2:30

N dat i tuba, ŋaan li ki ŋamm siari. I ki sak man ŋmakiti. I tee nan yanbɔr waatik nae, ki kpii n sɔkiniinba kur.

Jeremaya 3:25

Li tee tin dɔɔr ti fei nie, ki ti fei maŋ n piinit. Timm nan ti yeejamm yɔɔ tuun ki biir ti Yomdaanɔ Yennu-e. Ti ki ban sak u sennii.”

Jeremaya 31:6

Barmɔnii, yoo baat ki guuteeb tan sii be Efraim kunkona paak, ŋaan yiin leeb ki yet a, ‘Ŋaant ti do Sayɔnn man, ti Yomdaanɔ Yennu boor.’ ”

Jeremaya 31:9

N niib sii jent ki mɔe, ki mein yoo nba ki n kpent namm na. N saa saan namm kpenii nba mɔk nyun boor, ki tɔkin namm sɔnu nba kaa boota, ki bi kan gbiat. N tee nan baa nae ki tur Israel teeb, ki Efraim boorue tee n bijakper.”

Jeremaya 5:3

Yennu, a ninbina ki gorii ki loon mamɔmm kaa-a? A faabe, ŋaan ki li ki toŋib. A butibe, ŋaan ki bi yêt ŋmakitir. Bi chee bi parae, ki li wakii gar tann, ki yêt bin nyik bi toonbiit.

Fabinii 5:21

Yennu, a te ki tin jen a boor. A te ki tin jen. A ŋamm fiin ti sann nba din be yaayoo niwa na,

Esekiel 20:43

Ki i ji saa tiar fei toona nba kur ki i tun, nan biaŋinba ki i tun biir i mɔŋ na. Ki i sii nan i mɔŋ, kimaan toonbiit nba ki i tun na paak.

Daniel 9:13

Nan biaŋinba ki li sɔb Moses sennu gbouŋ ni na, biiru na kur baarita, ŋaan ti lek ki bikii a tin penn fin ti Yomdaanɔ Yennu par ki nyik ti yanbɔmm, ŋaan gbiint a barmɔnii na.

Hosea 10:11

“Israel teeb din tuu tee nan naajabir nba ki bi tumiiɔ toonn fanu, ki u teen siir ki bia loon di booru nae. Ki n dukin maa n yɔkinɔ yɔkit u turu nba fan na paak, ki weiɔ nan ninmɔnn ki wun tun toonpaarir. N saa te Juda teeb nan Israel teeb-ii daar naakuure, kii yat tant na.

Hosea 4:16

Israel teeb tee tubkangbatae nan bonii nba tee biaŋinba na. Nlee ki n saa kpaarib nan pebis na mɔpaauŋ ni?

Hosea 5:15

“N saa ŋaa n niibe, ki bin mantik di fara, bi toonbiit paak, ki saa tuu yoo nba ki bi saa boi n po. Li pasiar, bi-i dii fara, bi saa kot lon n boora.”

Jona 3:10

Yennu din la linba ki bi tun na. U din la nan bi lu bi yanbɔntoonawa. Ki u lebit u dudukit, ki nyik bi tubdatu.

Sefania 3:2

Bi ki gbiint, koo ki gaar Yennu kpaanii. Bi ki teen Yennu yada, koo ki boiɔ sommir po.

Malakai 3:16

Tɔn, niib nba tee yentinna na pak nan bi leeb, ki Yennu gbiint baa yet linba. Binba tee yentinna ki teenɔ baakir na kur, bi sɔb bi sana gbouŋ nie, Yennu tɔɔnn.

Malakai 4:6

Sɔkinii maŋ saa te ki waas nan bibaanba n ŋamm taan kii mɔk dudukŋant. Nna-i kaa, see ki n baar ki biir i tiŋ maŋ.”

Nikant 2:18

Li yonbaa po, binba tee Efraim booru na, bii be nan bi fariŋ, kii be kaann kaann nan bi saakab. Baa sii kaar biaŋinbae na: Efraim booru ni saakɔɔ tee Elisama, ki u tee Amihud bija, ki bi kann tee tusaa piinna nan kobii ŋanŋmu. Ki Manase booru ni saakɔɔ tee Gamaliel, ki u tee Pedasur bija, ki bi kann tee tusaa piintaa nan ŋanlee nan kobii ŋanlee. Ki Benjaminn booru ni saakɔɔ tee Abidann, ki u tee Gideoni bija, ki bi kann tee tusaa piintaa nan ŋanŋmu nan kobii ŋanna. Ki bi kur taan tee jab tusaa kobik nan tusaa ŋanniin nan kobik. Efraim boorue sii waa muntaa.

Barŋanii nba ki LUK din sɔb nae na 1:17

U sii mɔk Yennu Seyeeŋ nan paŋ, nan Yennu sɔkinii Elaija nba din mɔk biaŋinba na, ki tan saa dɔŋ liit ti Yomdaanɔ, ki tunn mɔtana nigbouŋ na yan, ki te ki waas nan bibaanba n ŋamm taan kii mɔk dudukŋant, ki bia tunn mɔyêtdamm yan ki bin bann yentinbinbeŋ, ki u bia tan saa te ki niib n teen siir kii guu bi Yomdaanɔ.”

Barŋanii nba ki LUK din sɔb nae na 15:20

Ŋanne ki u ji fiir ki ŋmat kun u baa boor. “Yoo nba ki u daa be banfɔkir ki kpent na, ki u baa lau; ki ninbaauk soorɔ bonchiann, ki u chiar ki baar puur wɔbɔ ki mɔɔt u tankpin.

Toona 3:26

Li paak ki Yennu gann u Toontunnɔ Masia maŋ ki tumɔ i boor sinsinn, a wun te ki i kur n nyik i biit tumu ki la piisin maŋ.”

Filipi teeb 2:13

kimaan Yennu yɔɔ tuun nanie, a yii loon u loomm tumu, kii biaki tuun u loomm maŋ.

Hiibru teeb 12:5

I ki tian Yennu nba kpaani, nan baa nba tuu kpaan u waas biaŋinba na-a? Li sɔb a: “N bik, Yennu-i teena kpaanii yoo nba, fan gbiint, li-i tee ki u dat a tubir, faa daa nyikit a yabiru,

Fiitu 3:19

Binba kur ki n loonib na, n kpaamme ki daar bi tuba. Li paak, nyikin man i toonbiit ki daa jerimi.