Jeremaya 31:14 - Yennu Gbouŋ Mɔɔr

¹⁴ N saa gboon mannteeb nan jeet nba ŋan, ki tur n niib, bi bonloŋa kur. Min Yennu-e pak na.”

Jeremaya 31:14 Iomraidhean Croise

2 Barkperii 6:41

N Yomdaanɔ Yennu, fiit mɔtana nan a mɔlor lakir nba see a paŋ taar ni na, ki kɔɔ ŋasaakak na ni, kii be leŋ mɔkmɔk nan mɔkmɔk. Teent piisin a mannteeb paak, nan toonn nba kur ki bi tuun, ki te ki a niib kur-ii mɔk parpeenn, kimaan faa ŋan ki turib na paak.

Nehemaya 10:39

Ki Liifai teeb na nan Israel nileeb na tuu saa baar nan bi libina nba tee jeet, nan tilɔɔna daan, nan olif tiinii kpan, ki kɔɔnir tiat binbir boa, siaminba ki Yenjiantu ŋasaakak kutsɔnii be na, ki li tee siaminba ki mannteeb nba tuun toona, nan Yenjiantu ŋasaakak na guura, nan Yenjiantu ŋasaakak yanyinna be na. Ti kan nyik Yennu ŋasaakak na sommiri.

Yaŋ 107:9

Ŋɔɔe gboont binba ki nyunnyukuru mɔkib na, ki bia gboont komma nan jeŋant.

Yaŋ 132:16

N saa teen piisin u mannteeb paak linba kur ki bi tuun ni, ki u niib sii yiin yanii ki hoot.

Yaŋ 132:9

Ŋaant ki a mannteeb-ii tuun linba took yoo kur; ŋaant ki a niib-ii hoot nan kpinkpammuk.

Yaŋ 17:15

Ŋaan n saa la fin Yennu-wa, kimaan n ki tun biit nan waama; ki mi-i gɔɔn tan yerik, a benu tuu turin kpinkpammuk bonchiann.

Yaŋ 36:8

Jeet nba ki a turit na, ŋanne ki ti di ti yamani. Ki a te ki ti nyu a mɔkir nba tee ŋant na ni nyun.

Yaŋ 63:2

Ŋaant ki mii laata a kasii binbeboor, kii bia kii laat a yabint nan baakir nba tee biaŋinba.

Yaŋ 63:5

N seek saa di jeŋant ki gboo, ki n mɔb saa yin parmaasir yanii ki dont a sann.

Yaŋ 63:6

Ki mi-i dɔɔ n dɔɔnu paak, n sii tian a po; nyɔtunmunn n sii dukii a po,

Yaŋ 65:4

Damm nba ki a gannib na, parpeenn tee bi yare; ŋamme tee binba ki a baar namm a bii be a kasii boor na, ki ti saa gboo nan bonŋana nba be a ŋaak ni na, ki tee piisin nba be a kasii ŋasaakak ni na.

Yaŋ 85:13

Popeensime tuu lii Yennu tɔɔnn, ki ŋammit sɔnu ki teenɔ.

Yaŋ 90:14

Kɔɔntit a lomm nba kaa gbennu na ni sanyiɔk kur, ki li saa te ki ti mɔk parpeenn kii yiin yanii nan ti manfoor terik.

Yankpaŋii 5:1

N pooloŋir, n pooyookir, n kɔɔ n kpaab niwa. N pɔ n baarii nan bonnunubit nba tee mir nae; n di siat nan sagbente; n nyu tilɔɔna daame nan naabiin. N yɔɔsnba, ii di kii biaki nyu man nan yaa tan saa gboo.

Aisaya 25:6

Sayɔnn kunkonn na paake ki Yabint Yennu saa teen jaamm, ki tur durinya na ŋaak digbana kur, jaamm nba mɔk jeŋant nan daŋanin.

Aisaya 61:6

ki bi sii yi-i Yennu mannteeb, ki yi-i Yennu toontunna. I saa di digbana na mɔkint, ki sii mɔk parbifaant nan li tee i yare.

Jeremaya 31:25

N saa maan binba bak na gbanu, ki bia gboon wunba ki kon baŋɔ.

Jeremaya 33:9

Jerusalem sii tee kpinkpammuk nan baakir nan yugontir boore ki turin, ki durinya ŋaak na digbann kur yan saa put, bi-i gbat bonŋana nba ki n tun ki tur Jerusalem teeb, nan maa baar nan nyɔɔt nba ki tur doo maŋ na po.”

Jeremaya 50:19

N saa jiin Israel teeb bi tiŋ niwa. Bi saa di jeet nba pia Kamel kunkonn paak nan Basann yent ni na, ki saa di linba kur ki bi loon, jeet nba kur pia Efraim nan Gilead yent ni na.

Esekiel 34:14

N saa te ki bin ŋman bi yamani, Israel kunkona na paak kpinkpaar boor, nan li baat ni, nan tiŋ na bonkob-kpaarboa nba ŋan ni.

Hagai 2:19

Halii nan jeet nba lek kaa, ki daan nan kinkana nan kpan tiinii nan tilontii kur nba daa ki lon na, ŋaan n saa teen piisin i paak, laa nyii mɔtana ki saa.”

Matiu 5:6

“Binba ninbina mɔn ki bi para lakib nan Yennu toona, parpeenn tee bi yare, kimaan Yennu saa gboomm bi para nba lakib linba paaka.

Efesus teeb 1:3

Ŋaant ki ti tur Yennu, wunba tee ti Yomdaanɔ Yiisa Masia Baa na niipoouk man, kimaan taa be Yiisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Efesus teeb 3:19

ki bann Masia lomm nba gar siar kur, ki i benu-ii tee nan Yennu benu na.

Sennu 33:23

Ki u yet jiin Naftali booru po a, “Yennu teen piisin Naftali booru paak bonchiann. Ki bi yent nyii Galilii mɔkgbeŋir boor ki siik niidiitu po.”

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

Fiitu 5:10

A bia te ki bi tee a naan ni niib nba tee mannteeb, a bin tun Yennu toona; ki bi sii yen tingbouŋ na teeb.”