Jeremaya 31:11 - Yennu Gbouŋ Mɔɔr

¹¹ N nyinn Israel teebe ki tinnib digbanpaarir nuu ni.

Jeremaya 31:11 Iomraidhean Croise

Yaŋ 142:6

Gbiintir mɔnii nba ki n mɔ ki loon sommir na, n gbee nan parbiire. Nyintin n datai nuu ni, kimaan bi paŋ gar n yara.

Nyinu 15:16

Yanputuk nan jijeet baar bi paaka. Yennu, bi la a paŋe, ki jaŋmaanii mɔkib, ki bi see soon nna, nan a niib nba tan somm gar, niib nba ki a nyinnib daabisin ni na.

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 48:20

Ii nyi Babilonn kii saa i yamani; Ii hoot nan parpeenn ki jiin barŋanii maŋ po, ki ŋaan sɔɔ kur n gbat siar kur boor a, “Yennu tinn u toontunna Israel teeba.”

Aisaya 49:24

Jɔɔ-i jii linba jat ni, a saa fit fata-a? A saa fit fat kunkɔnkɔntondaanɔ dansariiwa-a?

Aisaya 49:25

Yennu yeen a, “Linba saa tume na. Bi saa jii kunkɔnkɔntondaanɔ dansarii na ki yaat namm, ki bia fat kunkɔnkɔntondaanɔ bona. N saa kɔn nan wunba kur kɔn nani, ki saa tinn i waas.

Aisaya 51:11

Faa tinn binba na saa baar Jerusalem nan parpeenne, kii yiin kii hoot nan kpinkpammuk. Bi sii yɔɔ mɔk parpeenne, ki saa nyi parbiir nan yanyêtuk ni.

Jeremaya 15:21

N saa nyinna nɔɔnbiit nan kpikpiruk damm nuu ni. Min Yennu-e pak na.”

Jeremaya 50:33

Yabint Yennu yet a, “Israel teeb nan Juda teeb be mukir nie. Binba nyannib ki soorib na guube fanu, ki kan chabib ki bin yaati.

Jeremaya 50:34

Ŋaan wunba saa fatib na mɔk paŋ. U sanne tee Yabint Yennu. Ŋɔɔ tiɔŋo saa gaar bi paak, ki baar nan parmaasir tingbouŋ na paak, ŋaan bia baar nan biak Babilonn teeb paak.”

Fabinii 3:58

“Yennu, ki a tan baar ki fatin, ki tinn n manfoor.

Hosea 13:14

N kan tinn niib na ki bi daa saa kpeentiŋi, koo ki fatib kuun paŋ ni. Kuun, baat nan a yiaryoonn na. Kpeentiŋ, baat nan a biiru na. N ji kii mɔk ninbatinu nan niib na.

Sekaria 9:16

Li daar-i baar, Yennu saa tinn u niib nan pekpaarik nba tuu nyinn u pei ninbɔŋ ni biaŋinba nae. Bi sii nyirii u tiŋ ni nan tanbinyinyira nba tuu be naan fokirik paak nae.

Matiu 12:29

“Sɔɔ kan fit kɔɔ jawakitir ŋaak ni ki bakir u bona ki nyi nann, li-i kii tee li yɔɔ dɔŋ lorɔ ŋmiiti kaawa, ŋaan fit kɔɔ ki bakir u bona maŋi.

Matiu 20:28

nan min nisaarik Bik nba tee biaŋinba na, kimaan n ki baar maa niib n tun turin kaa, ŋaan n baar maa n tun ki tur niibe, ki bia kpo ki lin te niib bonchiann n la tinnu.”

Matiu 22:29

Ki Yiisa betib a “I bota, kimaan i ki mi Yennu gbouŋ, ki bia ki mi waa mɔk paŋ biaŋinba.

Taitus 2:14

ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.