Jeremaya 30:6 - Yennu Gbouŋ Mɔɔr

⁶ Ŋminin ŋaan dukin. Jɔɔ saa fit mar bika-a? Bee ki n laat jɔɔ kur ki u nii be u poor paak nan poo nba tuu yaa wun mar na? Bee ki sɔɔ kur penn nna?

Jeremaya 30:6 Iomraidhean Croise

Yaŋ 48:6

ki ji jekir nan poo nba tuu mɔ matyiaru na,

Aisaya 21:3

Maa la linba, nan maa gbat linba yirintu maŋ ni kɔɔnin jaŋmaaniie, ki turin gbanantont, li tonu tee nan poo nba tuu yaa wun mar ki li tonɔ nae.

Aisaya 29:22

Li paak, Israel teeb Yomdaanɔ Yennu, wunba din nyinn Abraham daamii ni na yeen a, “N niib, i ji kan mi di fei, ki i yura kan ban kpiak nan fei.

Jeremaya 13:21

A saa pak a bee, li-i tee ki niib nba ki a dukii a bi tee a yɔɔsnba na tan kɔn nyanna, ki dia-ani? Li sii yiara nan poo nba tuu yaa wun mar nae.

Jeremaya 22:23

I be i yamanie, i ŋei nba ki bi nyii nan kpekii Lebanonn ki maa na ni, ŋaan tont-i baari yoo nba, i sii mɔk ninbaauk bonchiann, ki tont maŋ sii tee nan poo nba tuu mɔ matyiaru nae.

Jeremaya 4:31

N gbat mɔŋ, ki li tee nan poo nba tuu yaa wun mar na, ki gbat wuyikiŋ ki li naan nan poo nba tuu yaa wun mar u sapaanmar na. Jerusalem mɔ ki loon wamaasin wun foont, ki tantir u nuu ki yeen a, “N boonta. Bi baate a bin kpin.”

Jeremaya 48:41

ki bi saa nyann doi nan ŋapaara na. Li daar, jaŋmaanii saa soor Moab jab, nan poo nba tuu kar matdaaŋ paak, ki jaŋmaanii mɔkɔ nae.

Jeremaya 49:22

Datai na saa lek Bosra nan baakir nba tuu yit u kpinkpant ki siik nae. Li daar, jaŋmaanii saa soor Edom jab, nan poo nba tuu kar matdaaŋ paak ki jaŋmaanii mɔkɔ nae.”

Jeremaya 49:24

Damaskus niib na chɔke, ki yanputuk te ki bi chiar. Bi be tont nan ninnyumɔɔŋ nie, nan poo nba tuu kar matdaaŋ paak na.

Jeremaya 50:43

Babilonn kpanbar gbat labaar nawa, ki u nii sɔɔne. Yanputuk nyannɔwa, ki li tonu tee nan poo nba kar matdaaŋ paak na.

Jeremaya 6:24

Ki Jerusalem teeb na jiin a, “Ti gbat maan maŋa, ki ti nii ji sɔɔne. Yanyêtuk nan gbananyekitir nyannite, nan poo nba tuu kar matdaaŋ paak na.

Daniel 5:6

Ki jaŋmaanii soorɔ, ki u numpo lebit, ki u taa jekir.

Hosea 13:13

Israel teeb mɔk yaak nba ki bi sii be bi manfoor ni, ŋaan jatiie yabitib nan bin gaarir, nan baa tuu yaa bin mar sanpantik ki wun yêt poor ni nyinu biaŋinba na.

Joel 2:6

Baa nakin yoo nba, ki jaŋmaanii soor sɔɔ kur, ki sɔɔ kur numpo penn.

Nahum 2:10

Ninefe biira, sɔɔ ki biar li ni, siar ji kaa leŋ, ki niib yan ŋmat nan jaŋmaanii, ki bi duna jekir, ki paŋ ji ki be, ki bi numpo penn.

1 Tesalonika teeb 5:3

Yoo nba ki niib tan sii yeen a “Parmaasir nan laafia be” na, li yoo maŋe ki biiru tan saa baarib yiama, nan matyiaru nba tuu baar poo biaŋinba na, ŋaan bi tan kan fit nyi li biiru ni.