Jeremaya 30:18 - Yennu Gbouŋ Mɔɔr

¹⁸ Ki Yennu yet a, “N saa jiin kaan n niib bi tiŋ ni, ki sii mɔk ninbatinu ŋaak kur paak, ki bi saa ŋamm maa Jerusalem nan li naan ŋaak.

Jeremaya 30:18 Iomraidhean Croise

1 Barkperii 29:1

Kpanbar Defid din yet niib na kur a, “N bija Solomonn-e tee daanɔ nba ki Yennu gannɔ, ŋaan u pɔta ki daa ki mɔk yami. Toonn nba tee lin tun na paar bonchiann, kimaan ŋasaakak na ki tee nisaarik yar kaa, ŋaan li tee ti Yomdaanɔ Yennu yare.

1 Barkperii 29:19

Turin n bija Solomonn par nba ki u sii loon wuu saak sennu nba ki a turit na nan u par kur, ki bia maa ŋasaakak nba ki n teen siir nanna.”

Nehemaya 7:4

Jerusalem din tee digbangbeŋire, ŋaan niib din ki yab leŋi, ki ŋei bia daa ki yabi.

Yaŋ 102:13

A saa fiir ki tin Sayɔnn doo ninbaauk, kimaan yoo baar nan fan tinir ninbaauka; yoo nba nae jaŋ.

Yaŋ 102:14

Laa lek biir na, ŋaan timm a toontunna loonir, laa lek tee langbent na, ŋaan ti tiinir ninbaauk.

Yaŋ 122:7

Ŋaant ki gbananmaasu-ii be a doo ni, ki manu-ii be a naan ŋei ni.”

Yaŋ 48:13

Gotir li joona, ki fiitir li maarpaara fanu, ki tan fit wann maarpaanu nba waa na a,

Yaŋ 48:3

Yennu be doo maŋ ni, ki wann nan yamani benu be u boor.

Yaŋ 78:69

Leŋe ki u maa u ŋasaakak, ki li fɔk nan sanpaak na, ki te ki li yoo be nan tingbouŋ nba yoo be na.

Yaŋ 85:1

Yennu, a mɔk ninbatinu nan a tiŋ. A te ki Israel teeb bia ŋamm mɔkita.

Aisaya 44:26

Ŋaan n toontunnɔ-i bunt buntir, koo mi-i tun toomii a wun wann n lora, n tuu te ki buntir na, nan n lora na n teen mɔniie. N pak Jerusalem, a niib tan saa ŋamm kar leŋ, ki pak Juda doi, a niib tan saa ŋamm maab. Bi saa ŋamm ki fiin doi maŋ langbent.

Aisaya 44:28

Ki n pak kpanbar Sairus a, ‘Fine saa dia n niib ki turin; ki a saa tun linba ki n loon. A saa tur mɔb ki bin ŋamm maa Jerusalem ki bir jiantu ŋasaakak na fiakir.’ ”

Jeremaya 23:3

N saa taan n niib nba biar na, ki nyi namm digbana nba ki n din yatib na ni, ki jen namm bi dantiŋ ni. Bi saa pɔt pukin, ki sii yab bonchiann.

Jeremaya 29:11

Min kuukɔɔe mi i paak lora nba ki n mɔk, lora nba saa turi mɔkint ki li ki tee biak kaa, lora nba saa baar nan linba ki i daan tɔɔnn po na.

Jeremaya 29:14

Nn, n yeen nan i saa lan ki n jiin kaani i tiŋ ni. N saa nyi nani tiŋ kur ni nan siaminba kur ki n daan yat saan nani na, ki jen nani tiŋ nba ni ki n daan nyinni ki saan nani yommisin ni na. Min Yennu-e pak na.’

Jeremaya 30:3

kimaan yoo baate ki n tan saa ŋamm n niib nba tee Israel teeb nan Juda teeb na. N saa jen namm tiŋ nba ki n din tur bi yeejamm na ni, ki bi saa yentir. Min Yennu-e pak na.”

Jeremaya 31:23

Ki Yabint Daanɔ nba tee Israel teeb Yennu na yet a, “Mi-i jiin niib na bi tiŋ ni yoo nba, bi saa ŋamm pak Juda tiŋ ni nan li doi ni a, ‘Yennu n teen piisin Jerusalem kasii kunkonn paak, kasii boor nba ki u be na.’

Jeremaya 31:38

Ki Yennu yet a, “Yoo baate ki bi saa ŋamm maa Jerusalem, ki li tee n doo, laa nyii Hananel difoouk na boor, ki saan tuu Gungɔnt boor Tammɔb na.

Jeremaya 31:4

N bia saa fiiniwa. I saa ŋamm jii i naayaka ki waa waak nan parpeenn,

Jeremaya 31:40

Baauk na kur, baa pii kuun sian, ki bi lubin bonchiat na, nan kpaant nba be Kidronn nyuntonn boor na kur, ki saan tuu Taamm Tammɔb nba be yondo po na, li kur sii tee kasiie ki turin. Bi ji kan ban yeer doo na koo ki biiriri.”

Jeremaya 32:15

Yabint Daanɔ nba tee Israel teeb Yennu na yet a bi saa ŋamm daa ŋei nan tinii nan daan tiinii kpaant, tiŋ na ni.”

Jeremaya 32:44

Niib saa daar, ki sɔb bi sana li gbant ni, ki loon ki siara damm n set. Linba na saa tun Benjaminn yent ni, nan doi nba lint Jerusalem na ni, nan Juda yent doi ni, nan kunkona tiŋ na doi ni, nan kunkonbis doi ni, nan Juda yent diitu po doi ni. N saa jiin kaan niib na bi tiɔŋ tiŋ niwa. Min Yennu-e pak na.”

Jeremaya 33:11

fuut nba tee parmaasir nan parpeenn yar, ki poochianu jaamm kpinkpammuk fuur sii fu. I sii gbia niib yiin yanii, yoo nba ki bi baat nan niipoturu piinii a bin turin jiantu ŋasaakak ni na, ki bi sii yiin a, ‘Turin Yabint Yennu niipoouk, kimaan u ŋan, ki u lomm kaa gbennu.’ N saa te ki tiŋ na n mɔkit nan laa din tee na. Min Yennu-e pak na.”

Jeremaya 33:7

N saa te Juda nan Israel teeb n mɔkit, ki ŋamm maab, nan baa din tee na.

Jeremaya 46:27

“N niib, i daa tiin jaŋmaanii man. Israel teeb, i daa te ki i yan puti. N saa nyinni digbanbanfɔkir maŋ ni, siaminba ki i tee yommii na. I saa jen kpen ki sii be i yan ni; i sii be fanu, ki sɔɔ kan te ki jaŋmaanii n soori.

Jeremaya 49:39

Ŋaan li poor po, n saa te ki Elam teeb na n mɔkit. Min Yennu-e pak na.”

Jeremaya 49:6

“Ŋaan li poor po n saa te ki Amonn teeb na n mɔkit. Min Yennu-e pak na.”

Esekiel 36:11

N saa te ki i niib nan bonkobit n pɔt, ki niib nba sii be sii yab gar niib nba tuu teewa. Ki i sii mɔk waas bonchiann, ki n saa te yin kɔɔ kar siaminba ki i tuu be na, ki te yin ŋamm mɔkit. Ki i ji saa bann nan mine tee Yennu.

Amos 9:14

N saa jii n niib ki jen namm bi tiŋ ni, ki bi saa fiin bi langbent ki kɔɔ li ni, ki saa bur daan tilontii, kii nyu li daan, ki ko kpaant ki di jeet nba ki bi bur na.

Sekaria 1:12

Yennu malaka na nba gbat linba na yoo nba, ki u yet a, “Yabint Yennu, bina piinlore-e na, ki a wutoor do Jerusalem nan Juda dolia paak. Bia yooe ki a saa timm ninbaauku?”

Sekaria 1:16

Tɔn, n ji saa wann Jerusalem doo na, n ninbatinu nba tee biaŋinbawa. Bi saa ŋamm maa n Ŋasaakak na, ki bia maa doo na.”

Sekaria 12:6

“Li yoo, n saa te ki Juda naakuut-ii tee nan fɔɔr nba tuu gaar muu, koo nan kpaab nba tuu gaar muu ki di jeet biaŋinba nae. Bi saa boont booru nba kpiab na kure, ŋaan ki Jerusalem niib n biar ki be doo na ni, ki siara daamii kaa.

Sekaria 12:7

“Min Yennu saa tur Juda kunkɔnkɔnnae nyannu sinsinn, ŋanne saa te ki baakir nba ki Defid yaaboona nan Jerusalem teeb saa gaar na kii yab gar Juda nileeb yar na.

Sekaria 14:10

Tiŋ na kur po, laa nyii Geba, niigaŋ po, ki saan tuu Rimonn, niidiitu po, saa teen paanu yennkɔɔ. Jerusalem sii be kunkonn paak ki fɔk tiŋ na kur po. Ki doo na saa piin Benjaminn Tammɔb ni, ki saan tuu gungɔnt boor tammɔb na, siaminba ki tammɔkper tuu be na, ki bia nyi Hananel Difoouk na boor ki saan dian naan daŋaaboa.