Jeremaya 30:15 - Yennu Gbouŋ Mɔɔr

¹⁵ I ji daa piak i danii na po, kimaan li kaa tebuku. N dat i tuba nna, kimaan i biit yab bonchiann, ki i nɔɔntont na paak niiwa.

Jeremaya 30:15 Iomraidhean Croise

Esra 9:13

Linba kur lek teenit ki tee tubdatu, ti yanbɔmm nan bonkpeta na paak, ti mi nan fin nba tee ti Yennu nae dat ti tuba, ki li ki jaŋ faa bo saa dat ti tuba biaŋinba, ŋaan te ki ti mɔk manfoor.

JOB labaar 34:29

Yennu-i kii lor wun tun siar faba, ŋaan sɔɔ kaa ki saa pak ki biirɔ. Li-i tee ki u lek u numm, nisaarii saa biar yanne.

JOB labaar 34:6

Ki Job boi a, “Nlee ki n sii fa faak nan n mɔk biiti? N mantik la daŋ bonchiann, ŋaan li ki tee n biit paak kaa.”

Yaŋ 107:17

Siab din tee bonliiniie ki di fara bi biit nan bi yanbɔmm paak.

Aisaya 1:6

Laa nyii i yur paak ki saa tuu i taa po, i gbanu siar boor kaa ki mɔk laafia. I gbanant gbee nan fetimae nan nara nan fiat. I fiat maŋ ki wuur, ki tana bia ki boob li paaki. Bi ki teen nyɔku i fiat maŋ ni.

Aisaya 5:2

Ŋanne ki u yɔbin kpaab na, ki bia gbab tana, ki bur daan tiinii nba ŋan bonchiann, ki maa difoouk a wuu guu tiinii na, ki gbiir bootuk a wuu tootir tilɔɔna na nyun, ki ji guu, a lɔɔna na n mɔnn, ŋaan ki lɔɔna na kur tee bonmiita.

Jeremaya 11:13

Juda niib tingbana yab nan bi doi nba yab nae, ki Jerusalem niib maa maruŋ binbinta ki li kann yab nan bi doo ni sɔnii kann nba yab na, ki mann maruŋ ki teen bi tingbanbiiuk Baal.

Jeremaya 15:18

Bee ki n sii yɔɔ di biaki? Bee ki n daŋ ki mɔk tebuku? Bee ki li kan buuri? A lor fan dinnin fei nan kpenu nba tuu fɔɔr tuntonn biaŋinba nae-e?”

Jeremaya 2:19

A tiɔŋ toonbiite saa dat a tubir; faa nyikin na, ŋanne saa biira. A saa bann laa ton ki bi biaŋinba nan fan nyik min a Yomdaanɔ Yennu, ki ji ki waa n sɔnii na. Min Yabint Yennu-e pak na.”

Jeremaya 30:12

Ki Yennu pak u niib a, “I fiat na kan buuri, ki i danii na kaa tinteb-po.

Jeremaya 30:14

I yɔɔsnba kur tamm i powa, bi ji ki fiin i po. N leki nan n tee dataak nae. I tubdatu na paar, kimaan i biit na yab bonchiann, i nɔɔntont na paak niiwa.

Jeremaya 30:16

Ŋaan mɔtana n saa biir binba kur biiri na, ki bi saa soor i datai kur ki teemm yommii. Binba dinti biak na kur mun saa di biak, ki binba fiar i bona na, siab mun saa fat bi yara.

Jeremaya 30:17

N saa te ki yin la laafia, ki te ki i fiat na n buur, nan i datai na nba lek yeen a, ‘Sayɔnn tee digban-yanne, ki sɔɔ ki fiin u po’ na. Min Yennu-e pak na.”

Jeremaya 46:11

Ijipt teeb, ii saa Gilead tiŋ ni ki saa lon tebuk. I tebuk na kur tee yanne; siar kaa ki saa turi laafia.

Jeremaya 6:13

Nijaana nan tarii kur loon bin tɔkin sɔnbiite ki la likirii, ki n sɔkiniinba nan mannteeb ŋmaab niib na.

Fabinii 1:5

Ki u datai na nyannɔ, ki diau nan yiikoo. Yennu-e te ki u di biak na, u toonbichiɔŋ paak. Bi soor u waas ki yaat namma.

Fabinii 2:13

Jerusalem, n mantik loona, n saa pak a bee? Nlee ki n saa maan a pari? Sɔɔ daa ki ban dii biak nan linba na na. A biiru na yab, ki tee nan mɔkgbeŋir nba yab biaŋinba nae. Ki siara dindann ji ki be.

Fabinii 3:39

Bee paake ki ti sii mɔk bunburimii, li-i tee ki ti la tubdatu ti toonbiit paaki?

Fabinii 4:13

Ŋaan li din tan tume, kimaan Yennu sɔkiniinba nan mannteeb na din tun yanbɔmm, ki kpii binba ki tun toonbiit nawa.

Maika 1:9

Samaria teeb fiat kan buuri, ki Juda teeb mun bia saa di wahala li bannue. Biiru baar Jerusalem doo tammɔi niwa, ki li tee siaminba ki n niib be na.”

Maika 7:9

Ti tun biit ki biir Yennu-wa, li paak ti saa kɔɔ u wutoor ni waama, ŋaan li joontu u tan saa kɔn ti paak, ki dat ti datai tuba nan baa tun linba ki turit na paaka. U tan saa nyinnit ki baar nant yentu ni. Ki ti sii be ti manfoor ni, ki la waa saa tinnit biaŋinba.

Nahum 3:19

A danii na kaa tebuku, ki a fiat na kan ban buri. Niib nba kur gbat nan biiru baara, ki bi poi niipoot ki kpamm. Nirɔ din fit nyii a tonu nba kaa gbennu na niwa-a?