Jeremaya 30:14 - Yennu Gbouŋ Mɔɔr

¹⁴ I yɔɔsnba kur tamm i powa, bi ji ki fiin i po. N leki nan n tee dataak nae. I tubdatu na paar, kimaan i biit na yab bonchiann, i nɔɔntont na paak niiwa.

Jeremaya 30:14 Iomraidhean Croise

JOB labaar 16:9

Ki Yennu jii wutoor ki pat patin, ki goriin nan naŋ.

JOB labaar 19:11

Yennu donn wutoor nanin ki li saa yakira, ki dian nan n tee u dataake nan barmɔnii na.

JOB labaar 30:21

Ki a ŋmaŋitin nan daamii; ki diinin nan a paŋ kur.

Yaŋ 107:17

Siab din tee bonliiniie ki di fara bi biit nan bi yanbɔmm paak.

Aisaya 57:13

I-i taŋi fabin ki loon sommir yoo nba, yin te i tingbana maŋ n tinni. Sajaperinne tan saa jiib ki yaat namm, ŋaan damm nba teenin yada sii mɔk manfoor, tiŋ na ni, ki bia sii jiantirin, n jiantu ŋasaakak ni.”

Jeremaya 14:17

Ki Yennu wannin a n pak tur niib na ki jiin n parbiir po ki yet a, “N ninnyuut-ii luun yonnu nan nyiɔk. N kan nyik mɔnii, kimaan n niib la daŋ bonchiann ki li gbatiba.

Jeremaya 2:36

I teen i mɔŋ dafur nan yaa jii i mɔŋ ki tur digbangana yennii nawa. Ijipt saa dinni fei nan Asiria nba din dinni fei nae.

Jeremaya 22:20

Yimm Jerusalem teeb, saant Lebanonn tiŋ ni ki saa hoot. Ii saa Basann tiŋ ni ki saa bui. Ii be Moab kunkonfɔkit paak, ŋaan kii hoot, kimaan bi nyann i jab kura.

Jeremaya 22:22

Wouŋo saa pebir i tɔɔndamm ki yaat namm, ki bin soor i jab ki yaat namm, ki bii tee tɔb dansarkɔɔra. Ki i doo n di fei ki la yukpiasir, kimaan biit nba ki i tun na paak.

Jeremaya 30:15

I ji daa piak i danii na po, kimaan li kaa tebuku. N dat i tuba nna, kimaan i biit yab bonchiann, ki i nɔɔntont na paak niiwa.

Jeremaya 32:29

ki joor muu. Bi saa joo li kur muu, ki kpab nan ŋei nba ki bi jokin bonnunubit li ni ki tur tingbann Baal ki donn n wutoor na. Bi jokin bonnunubit maŋ ŋei na yur paake, ki bia mɔ daan piinii ki teen yenbis.

Jeremaya 32:30

Laa nyii Israel teeb nan Juda teeb pinpiik niwa, bi kpan dont n wutoore bonchiann nan linba ki bi tuun na.

Jeremaya 32:34

Bi poŋ maa bi tingbanbiit nae, jiantu ŋasaakak nba tee bii jiantirin na ni, ki biirir.

Jeremaya 32:35

Bi maa tingbann Baal maruŋ binbintae, Hinom Baauk ni, a bii mann bi bonjai nan bonpoi kii teen tingbann nba tee Molek na. N ki wannib nan bin tun linba na, li poŋ ki kɔɔ n yan ni nan bin tun nna ki kɔɔn Juda teeb bonbilankant ni.”

Jeremaya 38:22

Damiit maŋ ni, n la ki poob nba biar Juda naan ŋaak ni na, ki siab saa namm ki teen Babilonia kpanbar saakab na. Gbiintir linba ki poob na piak ŋaan saa a: ‘Kpanbar na yɔnanmɔmm nae turimɔ. Ŋamme diau tuntuna. Ki u taa nba ji fer bakir ni na, ki u yɔɔsnba yaat ŋaan nyikɔ.’ ”

Jeremaya 4:30

Jerusalem, a boonta. Bee ki a lia taŋanti? Bee ki a lia salinbana ki ban chɔrɔ? A faŋit a mɔŋ yanne. A yɔɔsnba yêtawa, ki loon bin kpia.

Jeremaya 44:22

Dinna, i tiŋ tee langbente, ki sɔɔ ki kɔɔ leŋ. Li kpant jaŋmaansooruk boore, ki niib jii li sann ki teen mɔpor, kimaan Yennu ji din kan fit dia i nɔɔntont nan i yanbɔntoona na.

Jeremaya 5:5

Li paak, n saa saan bi tɔɔndamm boore ki pak namm, kimaan ŋamme mi Yennu sɔnii, ki mi waa loon bii tuun linba.” Ŋaan bi kur yêt Yennu yiikoowa, ki bia yêt bin sak u mɔba.

Jeremaya 5:6

Li paak, yanbɔr saa nyi fɔɔr ni ki lekib, ki kinkatir saa nyi kunkoouk paak ki biirib, ki naamuuk sii dɔɔ kpia bi doo ki guub, ki saa pat wunba nyii nanyer, kimaan bi mɔyêtuk na yab bonchiann, ki yoo kur bi ki waa Yennu sɔnii.

Jeremaya 50:42

Bi jii bi tɔrbana nan bi takoobiiwa, ki tee nitont nba ki tiin ninbaauko. Bi fuur tee nan mɔkgbeŋir nyunpana fuur nae, yoo nba ki bi jak bi taanii. Bi teen siire a bin faa tɔb nan Babilonn.

Jeremaya 6:23

Bi jii bi tɔrbana nan takoobiiwa, ki tee tondamm nba ki tiin ninbaauko. Bi fuut tee nan mɔkgbeŋir nyun fuut nae, yoo nba ki bi jak taanii. Bi teen siire a bin faa Jerusalem tɔb.”

Fabinii 1:19

“Ki n tun yiin n yɔɔsnba, ŋaan ki bi yêt ki ki sommin. Ki mannteeb nan tɔɔndamm kpenn doo na sɔnjot ni, ki loon jeet a bin di ki foor bi mɔŋ.

Fabinii 1:2

U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 2:1

Yennu din donn wutoor ki te bunbɔnn piin Sayɔnn. U te ki Sayɔnn mɔkint bonchiann biir, ki nyɔr nyik u ŋasaakak na, daar nba ki u be wutoor ni na.

Esekiel 23:22

“Mɔtana la, Oholiba, linba nae ki min Yabint Yennu beera. A lek bak nan a yɔɔsnba nawa, ŋaan n saa te ki bin donn wutoor nana, ki te bin tikir linta.

Esekiel 23:9

Li paak, ki n jii ŋɔɔ Ohola ki tur Asiria kunkɔnkɔnna, binba ki u loomm bonchiann na,

Daniel 9:11

Israel teeb kur biir a sennii na, ki yêt bin gbiint linba ki a wannib nawa. Ti tun yanbɔmm ki biirawa, ki li te ki a mɔtont nba sɔb a toontunnɔ Moses sennii gbouŋ ni na baa ti paak.

Daniel 9:13

Nan biaŋinba ki li sɔb Moses sennu gbouŋ ni na, biiru na kur baarita, ŋaan ti lek ki bikii a tin penn fin ti Yomdaanɔ Yennu par ki nyik ti yanbɔmm, ŋaan gbiint a barmɔnii na.

Daniel 9:5

“Ti tun biira, ti tee tondamme, ti tun yanbɔmma. Ti yêt faa wannit linba a ti tuma, ki yêt tin tun linba ŋan.

Hosea 5:14

N saa lek Israel teeb nan Juda teeb nan yanbɔr nba tuu lek biaŋinba nae. N mɔŋe saa patib burii burii, ki nyikib. Mi-i taŋi daarib yoo nba, sɔɔ kaa ki saa fit fatibi.

Obadia 1:7

Binba kur man nani, bi kpanniwa. Bi ber nyinni i tiŋ niwa; ki yimm nan niib nba bo man na, bi kɔn ki nyanniwa. Ki i yɔɔsnba, binba ki yimm nan ŋamm tuu lakin di na, bi pii barite ki guunti. Bi piak i paak maan a, ‘Bi subinii nba ki bi mɔk na be lia?’