Jeremaya 3:10 - Yennu Gbouŋ Mɔɔr

¹⁰ Linba na kur poor po, ki Israel niipoo chonchonn nba tee Juda na, kpann nan u jent n boore, ŋaan u nunii ki mɔnii. Min Yennu-e pak na.”

Jeremaya 3:10 Iomraidhean Croise

2 Barkperii 34:33

Kpanbar Josaya din bet tingbana nba kur be Israel teeb yent na ni. Waa din be u manfoor ni ki wei biaŋinba, u din te niib na jiantir bi yeejamm Yomdaanɔ Yennu-e.

Yaŋ 18:44

Ki boorganu-i gbat n kunkɔr yoo nba, ki bi mɔk mɔsaku, ki gbaant n tɔɔnn,

Yaŋ 66:3

ki yet Yennu a, “Toona nba ki a tuun na teen bakitnauŋ. A paŋ yab bonchiann, ki li te ki a datai gbaa a tɔɔnn nan jaŋmaanii.

Aisaya 10:6

N tun Asiria kpanbare maa wun saan dat niib nba ki waa min Yennu na tuba, ŋamme donn n wutoor. N tumɔe maa wun saan fat ki jan, ki bia ŋmaat niib na nan bi tee sɔnjouk ni tante na.”

Aisaya 29:13

Yennu yet a, “Niib na want a bi jiantirin, ŋaan bi mɔbona na kaa gbinni, ki bi para fɔk nanin. Bi jiantu kpan tee bi kaar, nan bi danmarima kɔɔe, ki bi tumiir ki tian li yetu yoo kur.

Aisaya 31:6

Yennu bia yet a, “Israel teeb, i tun biirima, ki yêt n wannu, ŋaan mɔtana, ii jen n boor man.

Jeremaya 11:10

Bi ŋmat bi yeejamm toonbiit niwa; bi yeejamm maŋ din yêt linba ki n wannib na tumue, ŋaan jiantir yenlia. Israel teeb nan Juda teeb biir mɔlor nba ki n lor nan bi yeejamm nawa.

Jeremaya 12:2

A buribe, ki bi baa jiina, ki kpaatir, ki loon lɔɔna. Yoo kur bi piak fanue ki jiint a po, ŋaan bi baka kaa a po.

Jeremaya 9:1

N sunman ki n yur bo tee bunbunne, ki n ninbina tee ninnyuut nyuntonn, ki man bo bui n niib nba ki bi kpiib na paak, yonnu nan nyiɔk.

Hosea 7:14

Bi ki mein nan bi para kuri, ŋaan baa birin tiŋ ni, ki hoot nan binba ki waan na nba tuun biaŋinba na. Ki li-i tee ki bi miarin jeet nan tilɔɔna daan yoo nba, bi tuu ŋma bi mɔŋe nan tingbann mannteeb nba tuu tee biaŋinba na. Bi tee tubkangbatae.

Amos 4:9

“Ki n te waruk da ki koor i bonbuburit, ki te naasuut ŋman i kpaant nan i daan tilontii kur, nan i tilontlia, nan kpan tilontii, ŋaan ki i lek ki jen min Yennu boori.

Malakai 2:11

Juda teeb yêt bi mɔsonn nba ki bi daan senn ki tur Yennu na dianuwa, ki tun bonbilankant, Jerusalem nan tiŋ na kur po. Bi kɔɔn jiantu ŋasaakak nba Yennu loonir na jakinta, ki jab kɔɔn poob nba jiantir yenbis.