Jeremaya 27:14 - Yennu Gbouŋ Mɔɔr

¹⁴ I daa gbiin sɔkiniinba nba piaki nan i daa jikit i mɔŋ ki teen Babilonn kpanbar na maami, bi kpannie.

Jeremaya 27:14 Iomraidhean Croise

Jeremaya 14:14

Ŋaan ki Yennu jiin a, “Sɔkiniinba na fae n sann ni; n ki tumm, koo ki turib mɔb, koo ki pakib siari. Baa laat linba ki piak na ki nyii n boor kaa, bi buntaa na tee bon-yana nba ki bi dukine.

Jeremaya 23:21

Ki Yennu yet a, “N ki tun sɔkiniinba na, ŋaan ki bi chiar saan, ki n bia ki turib mɔmaan, ŋaan ki bi piak n sann ni.

Jeremaya 23:25

N mi sɔkiniinba nba fa faak n sann ni, ki yeen a n teenib n maan bi damiit ni na nba piak linba.

Jeremaya 28:15

Ki n pak linba na ki tur Hanania, ki bia pukin a, “Hanania, gbiintir. Yennu ki tumani, ŋaan ki a te niib na gaan faak na.

Jeremaya 37:19

Sɔkiniinba nba paka nan Babilonia kpanbar kan leka, koo ki lek a digbann na be lia?

Jeremaya 38:22

Damiit maŋ ni, n la ki poob nba biar Juda naan ŋaak ni na, ki siab saa namm ki teen Babilonia kpanbar saakab na. Gbiintir linba ki poob na piak ŋaan saa a: ‘Kpanbar na yɔnanmɔmm nae turimɔ. Ŋamme diau tuntuna. Ki u taa nba ji fer bakir ni na, ki u yɔɔsnba yaat ŋaan nyikɔ.’ ”

Fabinii 2:14

A sɔkiniinba na ji ki mɔk siar ki saa beta, see bin faar faak kuukɔɔ. Bi mɔmaan na kpannae, bi ki pak fiit a toonbiit na. Bi te ki a ki mi nan li kpaa talas nan fin lebit a binbeŋi.

Maika 2:11

“Niib na loon sɔkinii boorik nba gbee nan faak, ki lin fa fai ki yeen a, ‘I saa la damuŋ nan dabɔŋ, ki nyu gboo nae.’

Sekaria 10:2

Niib tuu boi pata nan ninnyɔdamme, ŋaan baa teen gatu nba tee faak nan fuute. Nisiab kpintir damiit ki want li paak, ŋaan bi boontie, par-kpaŋir nba ki bi teeni na tee yanne. Li paak, ki niib na lin ki yirib nan pei nba tuu bot na. Bi be daamii ni, kimaan bi ki mɔk tɔɔndaanɔ.

Matiu 7:15

“Ii mi man faak sɔkiniinba na po, binba baat i boor ki naan pei, ŋaan tee kinkata nan barmɔnii na.

Filipi teeb 3:2

Ii mi man biitdamm na po, binba naan bɔi ki porii gbanant na.

1 Jɔɔnn 4:1

N walonkai, i daa tee binba kur yaa bi mɔk Yennu Seyeeŋ na maan yada, ŋaan bikintib man, ki laan bi sei maŋ nyii Yennu boor amii lee, kimaan faak sɔkiniinba bonchiann nba kpann niib na poŋ baara, ki lin niib ni.