Jeremaya 26:18 - Yennu Gbouŋ Mɔɔr

¹⁸ “Yoo nba ki Hesekia din tee Juda kpanbar na, ki Yennu sɔkinii Maika nba nyii Moresef na pak niib na kur linba ki Yabint Yennu pak na a, ‘Bi saa ko Sayɔnn nan baa tuu ko tammɔnn nae, ki Jerusalem sii tee langbent, ki Yenjiantu ŋasaakak kunkonn na saa kpant fɔɔr.’

Jeremaya 26:18 Iomraidhean Croise

2 Kpanbara 19:25

“A ki mi gbat nan n lor linba na sianyooewa-a? Ki mɔtana ki n ji tumir. Mine tura yiikoo, ki a tunn dojaana ki teenir langbent.

2 Barkperii 32:26

Ŋanne Hesekia nan Jerusalem teeb sikin bi mɔŋ, ki li te Yennu ji ki dat bi tuba, halii ki tan tuu Hesekia kuun.

Nehemaya 4:2

ki yet u leeb nan Samaria kunkɔnkɔnna na numm ni a, “Juu teeb nba tee bonbutimii na dukii a bi tuun bee? Bi lor a bin ŋamm maa doo nae-e? Bi dukii nan bi maruŋ nae saa te ki bin gbenn toonn na dayenn kɔɔ-ɔ? Bi saa fit nyinn tanmaakara tangbiinkpeka nba dii muu na niwa-a?”

Yaŋ 79:1

Yennu, binba ki waa-a na lek a tiŋa. Bi biir a kasii ŋasaakak nawa ki but Jerusalem.

Jeremaya 17:3

nan jɔɔt nba be tiŋ na ni paak. N saa te ki i datai n jii i mɔkint nan i faar kur ki yaat nann, kimaan biit nba ki i tun i tiŋ na kur po na paak.

Jeremaya 51:37

Tiŋ maŋ saa kpant langbent, ki muuk ni bonkobit sii be leŋ. Leŋ sii tee jaŋmaansooruk boore, ki sɔɔ kan kar leŋ, ki wunba kur lar, jaŋmaanii saa soorɔ.

Jeremaya 9:11

Ki Yennu yet a, “N saa te Jerusalem n kpant langbent, kii tee mɔbɔi binbeboor, ki Juda doi bia saa kpant langbent, ki tee siaminba ki sɔɔ kan fit kar.”

Maika 1:1

Bina nba ni ki Jotam nan Ahas nan Hesekia din tee Juda kpanbara ki waa leeb paak na, ki Yennu fiit mɔmaan na ki tur Maika, wunba nyii Moresef doo ni na. Yennu din fiit mɔmaan na ki wann Maika ki jiin Samaria nan Jerusalem poe.

Maika 3:12

Tɔn, i biit paake ki bi saa ko Sayɔnn doo nan baa tuu ko kpaab biaŋinba na, ki Jerusalem saa biar ki tee tangbiinkpeka, ki Yennu ŋasaakak nba be kunkonn nba paak na, saa kpant fɔɔr.

Maika 4:1

Daar baate, ki kunkonn nba ki Yenjiantu ŋasaakak see li paak na tan sii yab ki bia fɔk ki gar kunkona kur. Ki digbana bonchiann niib tan sii baat li boor.

Sekaria 8:3

N saa ŋmat Jerusalem nba tee n kasii doo na nie, kii be leŋ. Ki li ji sii yi mamɔmm doo, ki min Yabint Yennu kunkonn na ji sii yi kasii kunkonn.