Jeremaya 25:31 - Yennu Gbouŋ Mɔɔr

³¹ ki li fuut saa nik tingbouŋ na fiakir. Yennu mɔk maan nan digbana. U saa bu sɔɔ kur buut ki kpi biit damm na. Yennu-e pak na.’ ”

Jeremaya 25:31 Iomraidhean Croise

Aisaya 33:3

Li-i tee ki a kɔn ti paak, tɔb fuur tuu te ki digbana n chiare.

Aisaya 34:2

Yennu wutoor doo digbana kur, nan li jab kur paaka. U biirib ki kɔɔmm biiru niwa.

Aisaya 34:8

Yoo nba nae ki Yennu saa fat Sayɔnn doo, ki kɔn nan li datai.

Aisaya 66:16

U saa jii muu nan banjiake ki dat durinya na niib nba kur mɔk biit na tuba, ki kpi bi bonchiann.

Jeremaya 2:35

ki i yeen a, ‘Ti ki tun biir. Yennu ji ki dont wutoor ti paak.’ Ŋaan min Yennu saa dat i tuba, kimaan i nɔi nan i ki tun biiti.

Jeremaya 23:19

U wutoor na tee wonpaaruko, wonpaaruk nba saa da biit damm paak.

Jeremaya 45:5

A loon fan kpaan manu ki tur a mɔŋi-i? Daa looniri. N baat nan biake nisaarii kur paak, ŋaan n saa tinn a manfoor, faa saan siaminba kur. Min Yennu-e pak na.”

Esekiel 30:3

Daar maŋ nakina, ki tee daar nba ki Yennu saa tun u toona. Li tee bunbɔnn nan daamii daare ki tur digbana kur niib.

Esekiel 38:22

N saa dat u tubir, ki te yiarii nan nikpinu-ii be u niib ni, ki te sabaagbeŋa n sik nan sakaana, ki kpab muu nan sarwuuta, u kunkɔnkɔnna, nan digbana bonchiann nba taa u po na paak.

Hosea 12:2

Yennu mɔk maan ki saa bu nan Juda teeb. U bia saa dat Israel teeb tuba, binbeŋ nba ki bi be na paak. U saa pa paatii ki jiimm, nan baa tun linba na paak.

Hosea 4:1

Yennu mɔk maan nba ki u yaa wun pak biir Israel teeb nba kɔɔ tiŋ na ni na. Israel teeb, gbiintir maan nba ki Yennu yete na, “Sɔɔ ki be tiŋ na ni ki waan fanu, koo ki mɔk lommu, niib na bia ki mi min Yennu binbeŋ nba tee.

Joel 3:2

N tan saa taan tingbouŋ na ŋaateeb kur ki baar namm Buut Baauk ni. Leŋe ki n saa bu bi buut nan baa tun linba kur ki tur n niib. Bi te ki Israel teeb na yat kɔɔ digbangana ni, ki bia biit Israel tiŋ nba tee n yar na.

Maika 6:2

Yimm jɔjaana, nan yimm nba tee tingbouŋ na fiakir nba tun be na, gbiintir Yennu buut. Yennu mɔk maan nan u niib. U yaa wun wann ŋamm Israel teeb bi biite,