Jeremaya 25:30 - Yennu Gbouŋ Mɔɔr

³⁰ “Li kpaa talase ki fin Jeremaya n mɔɔnt linba kur ki n paka. Li tee fan pak niib nae a, ‘Yennu sii be sanpaapo ŋaan gaar jat, ki tian sanpagbouŋ ni. U saa gaar jat, u niib paak, ki hoot nan nirɔ nba tuu ŋmaan mat daan tilɔɔna ki hoot biaŋinba na. Tingbouŋ na ni, sɔɔ kur saa gbat u kunkɔr,

Jeremaya 25:30 Iomraidhean Croise

2 Samuel 15:25

Ki kpanbar na ji bet Sadok a, “Jiin Yennu mɔlor lakir na ki ŋmat nann doo ni, ki li-i tee Yennu numm gboon, u tan saa te ki min jen dasiar ki lar, ki bia la laa be siaminba.

1 Kpanbara 9:3

ki yetɔ a, “N gbat a miaru nawa. N ŋamm jiantu ŋasaakak nba ki a maa na, ki li tee siaminba ki bi sii jiantirin yaayoo nan yaayoo. N sii goriir ki guur yoo kur.

2 Barkperii 30:27

Ki mannteeb nan Liifai teeb na set ki miar Yennu piisin po niib na paak, ki bi miaru na baar u boor Yendɔuŋ ni, ki ŋɔɔ Yennu gaarib.

Yaŋ 11:4

Yennu be u kasii jiantu ŋasaakak ni. U naangbouŋ be yendɔuŋ ni, ki u gorii niib siar kur po, ki mi linba kur ki niib tuun.

Yaŋ 132:14

ki yet a: “Nna nae ki n sii yɔɔ be, nna nae ki n loon mii kaar n naangbouŋ paak.

Yaŋ 46:6

Yennu kunkɔr tant, ki tingbouŋ nann, ki jaŋmaanii soor niib na, ki digbana baa.

Yaŋ 58:5

ki ji kan gbat daanɔ nba maŋit wai para na yeriki, daanɔ maŋ-i lekii sub biaŋinba.

Yaŋ 78:65

Li joontik, ki Yennu fiir ki tee nan u bo gɔɔnte na, ki tee nan nipaaruk nba tuu nyu daan ki ŋamm la paŋ na,

Aisaya 16:9

Mɔtana n mɔ Sibma daan tiinii paak, nan maa mɔ Jaser paak biaŋinba nae. N ninnyuut lɔe, kimaan Hesbonn nan Eleale doi paak, jeet kaa ki saa maan bi para.

Aisaya 33:3

Li-i tee ki a kɔn ti paak, tɔb fuur tuu te ki digbana n chiare.

Aisaya 42:13

Yennu tuu nyi ki kɔn, nan u tee kunkɔnkɔnnɔ nae, u teen siire, ki u nunii mɔn tɔb paak. U tuu yikin kɔnn wuyikiniie, ki hoot tɔb hootii, ki tan nyann u datai.

Jeremaya 17:12

Ti Yenjiantu ŋasaakak na tee nan naangbant nba mɔk baakir nae, ki tɔɔ kunkonfoouk paak pinpiik niwa.

Jeremaya 25:38

Yennu nyɔr nyik u niibe nan yanbɔr nba tuu nyɔr nyik u tanfiiɔk na. Tɔb wahala nan Yennu wutochiɔŋ na kpint tingbouŋ na ki teenir kunkoouko.

Jeremaya 48:33

Parmaasir nan kpinkpammuk ji kaa Moab nba tee tinŋaŋ na ni. N te ki daan nyik tootu daŋaaboora, sɔɔ kaa ki sii tee daan ki hoot nan kpinkpammuku.

Hosea 11:10

“N niib sii waa n poore, yoo nba ki n mɔ nan yanbɔr na ki tookit bi datai. Bi saa nyi yonbaa po ki kakit baar n boor.

Hosea 5:14

N saa lek Israel teeb nan Juda teeb nan yanbɔr nba tuu lek biaŋinba nae. N mɔŋe saa patib burii burii, ki nyikib. Mi-i taŋi daarib yoo nba, sɔɔ kaa ki saa fit fatibi.

Joel 3:16

Yennu kunkɔr saa nyi Sayɔnn kunkonn paak; ki u kunkɔr n tant ki nyi Jerusalem po; ki tingbouŋ nan sanpaak n jek, ŋaan Yennu saa kɔn u niib paaka.

Amos 1:2

Ki Amos yet a, “Yennu kunkɔr nyi Sayɔnn kunkonn po, ki tantir ki nyi Jerusalem po. Ki bonkobit kpinkpaar boa koor wak wak, ki mɔɔt nba be Kamel kunkonn paak na mɔnn.”

Amos 3:8

Yanbɔr-i bee, ŋmee ki jaŋmaanii kan soorɔ? Li-i tee ki Yabint Yennu paki, ŋmee saa yêt ki kan sɔkin u maami-i?

Sekaria 2:13

Sɔɔ kur-ii ŋmin soon nna Yennu tɔɔnn, kimaan u saa nyi u kasii binbeboor na ki baar.

Sennu 26:15

I be yendɔuŋ ni, siaminba tee a kasii boor na, ŋaan got a niib Israel teeb ki teen piisin bi paak. Bia teent piisin tinkpiasir na paak, linba ki a jii turit na, nan biaŋinba ki a senn mɔsonn ki tur ti yeejamm na.’

Fiitu 19:15

Ki jukbanjiak nba di bonchiann tant ki nyii u mɔb ni, ki u saa jiir ki kɔn nyann nibooru kur, ki yentib nan paŋ, ki saa ŋmakirib siaminba ki bi ŋmakii tilɔɔna na, ki li tee Yennu nba mɔk paŋ kur na wutochiɔŋ.