Jeremaya 23:3 - Yennu Gbouŋ Mɔɔr

³ N saa taan n niib nba biar na, ki nyi namm digbana nba ki n din yatib na ni, ki jen namm bi dantiŋ ni. Bi saa pɔt pukin, ki sii yab bonchiann.

Jeremaya 23:3 Iomraidhean Croise

Yaŋ 106:47

Ti Yomdaanɔ Yennu, tintit, ki nyinnit digbana na ni, ki tii mɔk niipoturu ki dont a kasii sann.

Jeremaya 16:15

Ŋaan bi sii poor n sann ni, a Yennu nba fo, ki nyinn Israel teeb gaŋ po tiŋ na ni, ki nyinnib digbanlia nba ki n din yat kɔɔmm na ni. N saa jen namm bi tiɔŋ digbann ni, tiŋ nba ki n tur bi yeejamm na ni. Min Yennu-e pak na.”

Jeremaya 29:14

Nn, n yeen nan i saa lan ki n jiin kaani i tiŋ ni. N saa nyi nani tiŋ kur ni nan siaminba kur ki n daan yat saan nani na, ki jen nani tiŋ nba ni ki n daan nyinni ki saan nani yommisin ni na. Min Yennu-e pak na.’

Jeremaya 30:10

N niib, i daa tiin jaŋmaanii. Israel teeb, i yan daa puti. N saa nyinni digbanbanfɔkir na niwa, tiŋ nba ni ki i tee yommii na. I saa jen kpen, ki sii be i yamani. I sii be fanu, ki sɔɔ kan kɔɔni jaŋmaanii.

Jeremaya 30:3

kimaan yoo baate ki n tan saa ŋamm n niib nba tee Israel teeb nan Juda teeb na. N saa jen namm tiŋ nba ki n din tur bi yeejamm na ni, ki bi saa yentir. Min Yennu-e pak na.”

Jeremaya 31:7

Ki Yennu yet a, “Yinin yanii nan parpeenn ki tur Israel nba tee digbana kur digbanjaann na. Yinin i dontir yaŋ a, ‘Yennu tinn u niiba, u fat binba kur biar nawa.’

Jeremaya 31:8

N saa nyi namm gaŋ po ki baar namm, ki bia nyi namm tingbouŋ na kpinii kur po ki baar namm. Jɔɔnii nan dianii saa weib ki baar, ki podamm nan binba yaa bin mar kur saa baar. Bi saa jen ki tee digbanjaanne.

Jeremaya 32:37

N saa tikir niib maŋ ki nyi namm digbana nba ni ki n wutoor din doo ki n par biir, ki n yatib ki saan namm na, ki jen namm nna, ki te bii be bi yamani.

Jeremaya 46:27

“N niib, i daa tiin jaŋmaanii man. Israel teeb, i daa te ki i yan puti. N saa nyinni digbanbanfɔkir maŋ ni, siaminba ki i tee yommii na. I saa jen kpen ki sii be i yan ni; i sii be fanu, ki sɔɔ kan te ki jaŋmaanii n soori.

Jeremaya 50:19

N saa jiin Israel teeb bi tiŋ niwa. Bi saa di jeet nba pia Kamel kunkonn paak nan Basann yent ni na, ki saa di linba kur ki bi loon, jeet nba kur pia Efraim nan Gilead yent ni na.

Jeremaya 8:3

Ki biit damm digbann na niib nba tinn, ki be siaminba ki n yatib na saa dukin nan bi-i kpoi sɔ bi-i fo. Min Yabint Yennu-e pak na.”

Esekiel 11:17

“Li paak, yetirib linba ki min Yabint Yennu piak na. N saa taan ki nyinnib digbana nba ki n yatib na ni, ki jii ŋamm Israel teeb tiŋ na ki jiin turib.

Esekiel 36:11

N saa te ki i niib nan bonkobit n pɔt, ki niib nba sii be sii yab gar niib nba tuu teewa. Ki i sii mɔk waas bonchiann, ki n saa te yin kɔɔ kar siaminba ki i tuu be na, ki te yin ŋamm mɔkit. Ki i ji saa bann nan mine tee Yennu.

Esekiel 36:24

N saa nyinni booru kur ni, nan digbana kur ni, ki jen nani i tiɔŋ tiŋ ni.

Esekiel 36:37

Ki Yabint Yennu ŋamm yet a, “N saa te ki Israel teeb na n ŋamm boin sommir po, ki n saa te ki bin pɔt nan pei nba pɔt biaŋinba na,

Liifai teeb 26:9

N saa teen piisin i paak, ki turi waas bonchiann; n sii dia n mɔlor nani.

Maika 2:12

“Ŋaan yimm Israel teeb nba biar na, n saa taani bɔyennkɔɔ nie. N saa taani nan pei nba tuu jen pelook ni biaŋinba na. Ki i bia sii tee nan pei nba tuu gbee pekpaarboor na, ki i tiŋ saa ŋamm gbee nan niib bonchiann.”

Maika 7:12

Ki i niib tan saa nyi lokir kur po ki jen i boor. Bi tan saa nyi Asiria nba be yondo po, ki nyi Ijipt nba be niidiitu po, ki nyi Yufrates mɔkir yent po, ki bia nyi mɔkgbeŋa nan jɔfɔkit nba be banfɔka na po.