Jeremaya 23:24 - Yennu Gbouŋ Mɔɔr

²⁴ Sɔɔ kan fit bɔr siar boor ki n kan lau. I ki mi nan n be siar kur boore sanpaapo nan tiŋ na ni-i?

Jeremaya 23:24 Iomraidhean Croise

Pinpiik 16:13

Hagar din tur Yennu nba pak nanɔ na sann nba tee, “Yennu nba laatin,” kimaan u din yet a, “N la Yennu nba laatin.”

1 Kpanbara 8:27

“Ŋaan Yennu, a set saa fit kii be tingbouŋ na paaka-a? Sanpaak na kur gbaa ki yarin ki jaŋ nan fii be leŋi, ki nlee ŋasaakak nba ki n maa na sii yarin ki jaŋani?

2 Barkperii 2:6

Sɔɔ kan fit maa ŋaak ki tur Yennu, kimaan sanpaak nan sanpagbant yabint ŋaan u kan fit kɔɔ li ni. Ki maa yaa n maa Yenjiantu ŋasaakak na, li tee siaminba ki n sii jokin bonnunubite ki teenɔ.

2 Barkperii 6:18

“Ŋaan Yennu, a saa fit kii be nisaarii sinsuuk ni, tingbouŋ na paaka-a? Sanpaak na kur gbaa ki yarin jaŋ nan fii be leŋi, ki nlee ŋasaakak nba ki n maa na sii yarin ki jaŋani?

JOB labaar 34:21

U laat taaŋmaatir nba kur ki nirɔ ŋmaan.

JOB labaar 34:22

Bunbɔnn siar ki be ki bɔn ki yanbɔndaanɔ saa fit bɔr Yennu li ni.

Yaŋ 10:11

Biit damm yeen a, “Yennu baka kaa, u mun u ninbinawa, u kan mi lati.”

Yaŋ 139:7

N saa saan lee ki a kan lami? N saa tɔkin lee ki bot a boori?

Yaŋ 139:8

Mi-i doo sanpanaagbeŋ, a poŋ be leŋe, mi-i sik kpeentiŋ, ki a be leŋ.

Yaŋ 148:13

ŋaant ki bi kur n pak dont Yennu sann. U sann yab ki gar sanlia kur, ki u baakir yab ki gar sanpaak nan tingbouŋ na kur.

Yaŋ 90:8

A bir ti yanbɔmm a tɔɔnn po, ki bir ti bunbɔr yanbɔmm yeenin ni, siaminba ki a sii laatir.

Barjokit 15:3

Yennu laat linba tuun lokir kur po, u gorii linba ki ti tuun kur, laa ŋan koo laa bi.

Aisaya 29:15

Binba yiab a bin bɔr Yennu bi lora na boonta. Bi tuun bi lorbiit na bunbɔnn nie, ki dukii sɔɔ kan lab, koo ki bann baa tuun linba.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 66:1

Ki Yennu yet a, “Sanpaak tee n naangbouŋo, ki tingbouŋ na mun tee n taakpakitir. Ŋaboorbee ki i saa maa turimi? Binbebolanne ki n sii be leŋi?

Jeremaya 16:17

N laat linba kur ki bi tuun, siar ki bɔrmi, ki bi biit ki mir bot n tɔɔnn po.

Jeremaya 32:19

A lorin yan lora ki tuun toonjaana, ki laat linba kur ki niib tuun, ki pab ki li jaŋit nan bi toona.

Jeremaya 49:10

Ŋaan min kpan fat Esɔɔ yaaboona mɔkint na kure, ki bakit bi bunbɔr boa, a bi ji daa fit bɔri. N biir Edom teeb na kura. Nan bi niyemmira ki biari.

Esekiel 8:12

Ki Yennu boin a, “Nisaarik, a la bonbilankant nba ki Israel tɔɔndamm tuun bunbɔnn ni nawa-a? Bi kur be diiuk nba gbee nan pata nae ki jiantirib, ŋaan yeen a n kan labi, kimaan bi dukin nan n yêt ŋamm Israel teebe.

Esekiel 9:9

Ki Yennu jiin a, “Israel teeb nan Juda teeb biir, nan baa tun toonbilankant nawa. Bi tiŋ na gbee nan nikpiirae, ki Jerusalem gbeen nan toonbiit. Bi yeen a min Yennu nyik bi tiŋe ki ki laat baa tuun linba.

Daniel 2:22

Ŋɔɔe fiitir maan nba sumii, ki be bɔr ni. U mi linba bɔr bunbɔnn ni, ŋaan ki u mɔŋ be yentu ni.

Daniel 4:35

U gorii nisaarii tingbouŋ na paak, ki bi ki tee siar u boor; li malakanba nba be Yendɔuŋ ni, nan niib nba be tingbouŋ na ni, bi kur gur u lɔŋ nie. Sɔɔ kaa ki saa fit gɔɔr Yennu waa loon wun tun linba, koo ki bia yetɔ a bee ki u tun linba na.

Efesus teeb 1:23

U nigannkab maŋe tee u gbanant, ki u gbanant maŋ gbee nan u paŋ, ki u mun gbee nan Yennu paŋ.

Hiibru teeb 4:13

Bont kur dɔɔ yeenin nie, ki Yennu nba tan saa bu bi buut na ninbina laatir; ki siar kaa ki bɔri.