Jeremaya 22:6 - Yennu Gbouŋ Mɔɔr

⁶ “N boor ni, Juda naan ŋaak na fan nan Gilead tiŋ koo Lebanonn jɔjaana nae, ŋaan n saa teenir tin-yann nba ki sɔɔ kan kar leŋe.

Jeremaya 22:6 Iomraidhean Croise

Pinpiik 37:25

Baa di jeet yoo nba, ki bi la Ismael teeb ki bi yaba, ki tee kpinkpenta, ki nyii Gilead ki saa Ijipt. Ki bi laagumiinba jii tulaarii nan kpanunubit.

Yaŋ 107:34

Ki u te ki koorin tiŋ kpant tinkokirik, kimaan binba kɔɔ leŋ na toonbiit paak.

Yankpaŋii 4:1

N yɔɔk, a mantik fan bonchiann. A ninbina nba ki saarik dɔɔk na nyirii nan lomm, ki a yut na lian ki tee nan buunii nba tuu yab ki nyi Gilead kunkonn paak ki siik biaŋinba na.

Yankpaŋii 5:15

Ki u pana tee nan tann nba chaa, ki tee jaantarik, ki bi sikinir salima toota ni na. Ki u paŋ tee nan Lebanonn kunkona ni kpek-foot na.

Aisaya 27:10

Digbanpaarir na ji tee langbente. Li dɔɔ yanne nan kunkoouk na. Li ji tee bonkob-kpaaŋe, siaminba ki bi sii di, ki bia foi.

Aisaya 37:24

A tun toomii a bii dont bi mɔŋ n boor nan fin nan a taantorit kɔn nyann Lebanonn jɔjaana nawa. A want a mɔŋ nan a chɔɔ leŋ kpek-foot, nan leŋ naasei nba ŋan, ki kɔɔ baar tiiuk na sinsuuk niwa.

Aisaya 6:11

Ki n boi a, “Yennu, li sii tee nna ki wei nlee?” Ki u jiin a, “Ki tan tuu yoo nba ki doi na sii tee langbent ki biar yann, ki tan tuu yoo nba ki sɔɔ sii kaa ŋei maŋ ni, nan yoo nba ki tiŋ na mɔŋ sii tee tinfukiryann.

Jeremaya 21:11

Ki Yennu pakin a n jii maan na, ki wann Juda naan ŋaateeb nba tee Defid yaaboona na. U yet a, “Gbiintir linba ki min Yennu piak na. Ŋaant ki ŋant-i tuun daar kur. Fatir wunba ki bi ŋmaabɔɔ na, ki nyinnɔ wunba ŋmaabɔɔ na nuu ni. Yi-i kii tuun nna, i biit nba ki i tuun na saa donn n wutoor, ki li sii di nan muu nba di ki kaa kpeenu nae.

Jeremaya 21:14

Ŋaan n saa dat i tuba, yaa tun linba na paaka. N saa joo i naan ŋei na muu, ki li saa di kpab linba kur lintir. Min Yennu-e pak na.”

Jeremaya 22:24

Ki Yennu pak Juda kpanbar Jehoyachinn, wunba tee Jehoyakim bija na a, “Nan maa tee Yennu nba fo na, fi-i lekii bo tee dɔuk baŋ n niidiitu ni, ŋaan n bo saa pitae,

Jeremaya 26:18

“Yoo nba ki Hesekia din tee Juda kpanbar na, ki Yennu sɔkinii Maika nba nyii Moresef na pak niib na kur linba ki Yabint Yennu pak na a, ‘Bi saa ko Sayɔnn nan baa tuu ko tammɔnn nae, ki Jerusalem sii tee langbent, ki Yenjiantu ŋasaakak kunkonn na saa kpant fɔɔr.’

Jeremaya 4:20

Biak yenn tuu gare, ki leer waa. Tiŋ na kur tee langbente. Ti ŋei na biira, ki li mɔpina na pat pat.

Jeremaya 4:7

Yanbɔr nba tuu nyi u bɔr ni ki baat biaŋinba na, nnae ki digbana biirtɔɔ na nyii ki baat. U baat a wun biir Juda-e. Juda doi saa biar langbente, ki sɔɔ kan kɔɔ leŋi.

Jeremaya 50:12

ŋaan i tiɔŋ digbangbeŋir na saa sik tiŋ ni ki di fei. Babilonn-e tan sii tee digbana kur ni digbanbutiŋ. Li tan sii tee kunkokoouŋ nba kaa nyume.

Jeremaya 7:34

Tiŋ na tan sii dɔɔ yanne. N saa boon parmaasir fuut, nan poochiann jaamm parpeenn fuut, Juda doi ni nan Jerusalem sɔnjot niwa.

Jeremaya 8:22

Tebuk kaa Gilead yent ni-i? Tebira kaa leŋe-e? Ki bee teen ki n niib ki la laafia?

Jeremaya 9:11

Ki Yennu yet a, “N saa te Jerusalem n kpant langbent, kii tee mɔbɔi binbeboor, ki Juda doi bia saa kpant langbent, ki tee siaminba ki sɔɔ kan fit kar.”

Maika 3:12

Tɔn, i biit paake ki bi saa ko Sayɔnn doo nan baa tuu ko kpaab biaŋinba na, ki Jerusalem saa biar ki tee tangbiinkpeka, ki Yennu ŋasaakak nba be kunkonn nba paak na, saa kpant fɔɔr.

Sekaria 11:1

Lebanonn tiŋ, lootir a gana, ki muu n di ki biir a kpekii na.

Nikant 32:1

Rubenn nan Gaad booru din mɔk bonkobit bonchiann, ki bi la nan Jaser nan Gilead tiŋ ŋan nan bonkobit joonn,

Sennu 3:25

Yennu, n meia, ŋaant ki min gar ki poot Jɔɔdann mɔkir, ki la tinŋaŋ nba be bɔkleer po na, tinŋaŋ nba mɔk kunkona na, ki bia la kunkona nba fɔk ki be Lebanonn tiŋ na ni.’