Jeremaya 22:18 - Yennu Gbouŋ Mɔɔr

¹⁸ Ki Yennu pak jiin Josaya bija Jehoyakim nba tee Juda kpanbar na po a, “Sɔɔ kan bui u kpemɔnii, koo ki yet a, ‘Li bi, n yɔɔk, li bi.’ Sɔɔ kan mɔ u paak, koo ki bui yet a, ‘N yomdaanɔ, n kpanbar.’

Jeremaya 22:18 Iomraidhean Croise

2 Samuel 1:26

“N ninja Jonatann, n par biir a kuun paaka; n tuu niana bonchiann. Faa tuu loonin biaŋinba na gar poo nba tuu loon u jɔɔwa.

1 Kpanbara 13:30

U din piiu u ŋaakaauk nie, ŋaan ki ŋɔɔ nan u bonjai na mɔ u kpemɔnii ki yeen a, “N ninja, n ninja.”

2 Kpanbara 23:36

Jehoyakim din mɔk bina piinlee nan ŋanŋmue ki dii Juda naan, ki kar Jerusalem bina piik nan yenn. U naa sann din tee Sebida, ki u tee Pedaya bipoo ki nyii Ruma doo ni.

2 Kpanbara 23:6

U din jii chicherpook Asera ninnauŋ Yenjiantu ŋasaakak na ni, ki nyii nann doo kpiŋ ki saa joor muu Kidronn kpenu baauk ni, ki nann li tanpent ki li baŋ dɔk dɔk, ki u jiir ki yatir kaat ni.

2 Kpanbara 24:6

Jehoyakim din kpo, ki u bija Jehoyachinn gaar u naan.

1 Barkperii 3:15

Josaya din mar bonjai bannae: Ŋamme tee Johanann nan Jehoyakim nan Sedekaya nan Joahas.

2 Barkperii 35:25

Ki Yennu sɔkinii Jeremaya yin kuun yaŋ ki jiin kpanbar Josaya kuun po, ki li teen kaar Israel tiŋ ni, ki tur yanyinna, li jab nan poob kur, a bin tuu yin yaŋ na, ki tiar u kuun po. Bi din sɔb yaŋ maŋ kuun fabinii yanii gbouŋ ni.

2 Barkperii 36:5

Jehoyakim din tee bina piinlee nan ŋanŋmue ki dii Juda naan, ki kar Jerusalem bina piik nan yenn. U din tun biir u Yomdaanɔ Yennu.

Jeremaya 16:4

Yiarbiiuko saa kpib, ki sɔɔ kan mɔ bi kpemɔnii, koo ki piibi. Bi gbanant sii poo nan mɔba nae tiŋ ni. Bi saa kpib tɔbii nie, koo bin kpo kon, ki bi gbanant sii tee jeet ki tur nɔɔnii nan muuk ni bonkobit.

Jeremaya 16:6

Mɔkita nan nandamm na kur saa kpo tiŋ na niŋe, ŋaan sɔɔ kan piib, koo ki mɔ bi kpemɔnii, koo ki ŋmaar u mɔŋ, koo ki koor u yut a wun wann u parbiiri.

Jeremaya 21:11

Ki Yennu pakin a n jii maan na, ki wann Juda naan ŋaateeb nba tee Defid yaaboona na. U yet a, “Gbiintir linba ki min Yennu piak na. Ŋaant ki ŋant-i tuun daar kur. Fatir wunba ki bi ŋmaabɔɔ na, ki nyinnɔ wunba ŋmaabɔɔ na nuu ni. Yi-i kii tuun nna, i biit nba ki i tuun na saa donn n wutoor, ki li sii di nan muu nba di ki kaa kpeenu nae.

Jeremaya 22:10

Yimm Juda teeb, i daa mɔ kpanbar Josaya paaki; i daa mɔ u kpemɔnii, ŋaan ii bui saama u bija Joahas paak, kimaan bi jiiu yaat nanɔ, ki u kan ban jen. U kan ban ji la tiŋ nba ki bi din marɔ leŋ na.

Jeremaya 22:12

U saa kpo tiŋ nba ki bi saan nanɔ na nie, ki kan ban ji la tiŋ na.”

Jeremaya 34:5

A saa kpo nan gbananmaasue. Baa din tuu joo bonnunubit yoo nba ki bi pii a yeejamm nba din dɔŋ dii naama ki a tan dii na, nnae ki bi saa joo bonnunubit ki tura. Bi sii mɔ a kpemɔnii ki yeen a, ‘Ti kpanbar kpowa.’ Min Yennu-e pak na.”

Jeremaya 36:30

Li paak min Yennu piak fin kpanbar Jehoyakim a a yaaboonsɔɔ kan ban dia Defid naan yent na. Bi saa lu a gbanant siaminba ki yonnu sii nyi li paak daar nɔɔk ni, ki marin mun baa li paak nyiɔk.