Jeremaya 21:11 - Yennu Gbouŋ Mɔɔr

^11-12 Ki Yennu pakin a n jii maan na, ki wann Juda naan ŋaateeb nba tee Defid yaaboona na. U yet a, “Gbiintir linba ki min Yennu piak na. Ŋaant ki ŋant-i tuun daar kur. Fatir wunba ki bi ŋmaabɔɔ na, ki nyinnɔ wunba ŋmaabɔɔ na nuu ni. Yi-i kii tuun nna, i biit nba ki i tuun na saa donn n wutoor, ki li sii di nan muu nba di ki kaa kpeenu nae.

Jeremaya 21:11 Iomraidhean Croise

Jeremaya 13:18

Ki Yennu pakin a, “Pakin kpanbar na nan u naa, ki bin fiir bi naangbant paak ki sik tiŋ ni, kimaan bi naan fokirii nba fan bonchiann na yit baawa.

Jeremaya 17:20

A pak kpanbara na, nan Juda niib kur, nan binba be Jerusalem ki kɔɔ tammɔi na kur, ki bin gbiint maa piak linba.

Jeremaya 22:1

Yennu din pakin a n saan Juda kpanbar nba tee Defid yaaboonn na ŋaak, ki pak kpanbar na, nan u saakab, nan Jerusalem teeb, a bin gbiint linba ki ŋɔɔ Yennu yet a,

Jeremaya 22:18

Ki Yennu pak jiin Josaya bija Jehoyakim nba tee Juda kpanbar na po a, “Sɔɔ kan bui u kpemɔnii, koo ki yet a, ‘Li bi, n yɔɔk, li bi.’ Sɔɔ kan mɔ u paak, koo ki bui yet a, ‘N yomdaanɔ, n kpanbar.’

Maika 3:1

Gbiintir man, yimm Israel tɔɔndamm. Li ŋan ki i baka-ii be barmɔnii ni,